Matayo 18

1 # Luk 22:24. Kosawa kaŋol kopotu ikesisiak mama ejai Yesu, kotemasi atiar, “Aso iŋai bo erai lokapolon kotoma ajakanut naka akuj?” #Mk 9:33-47; Luk 9:46-48. 2Konyarau ikoku kisibwo kokidiŋikec; 3#Mk 10:15; Luk 18:17; Mat 19:14; Yok 3:3-5. kotema atiar, “Abeit, katemari yes atiar, Arai mam ibelokinos koluoros bala idwe, mam ilomarete cut toma ajakanut naka akuj. 4Aso ŋinituŋanan yenitasonikin ilopet kwape kikoku kayen, ŋin ŋes erai yenikapolon kotoma ajakanut naka akuj.

5 # Mat 10:40; Yok 13:20. “Ŋin da yenisukunyikini ikoku idiopet kwaka yen kokirorika, kesukunyik eoŋ; 6#Luk 17:1,2. konye ŋin yenitapaari idiopet ka ludidik kalu lukeyuunito eoŋ, ti ejok ŋes aenikinio akukuse omurisiŋike ka acakakin ataro nakaŋolol,

7“Itukwi akwap kanuka akiro nuitiguikinete! Naarai mam eswakete nuitiguikinete ajaut, konye itukwi ituŋanan ŋin yeneyauni akiro ŋun nuitiguikinete! 8#Mat 5:29,30. Arai kiidupo jo akonikan, arai akonikeiu, kotubo kocaka; ejok jo alomar toma aijar iŋwalit arai icodo, itia acakakinio akim namam eduŋei, ijaas kakanin aarei arai akeje aarei. 9#Mat 5:29. Arai kiidupo jo akonikoŋu, kogoru kocaka; ejok jo alomar toma aijar idoponyony itia acakakinio oupa loka akim.

10 # Bur 1:14. “Kocoito sirimwaŋito idiopet ka ludidik kalu; naarai katemari yes atiar, Toma akuj esesenenete ikecemalaikan akonyen nuka Papaka loejai toma akuj, [11#Luk 19:10. Naarai abu Okoku loka etuŋanan kobu aitajar yenikeoliorit.] 12#Luk 15:4-7. Iwomito biai? Arai ejaas ituŋanan amerekekin akwatat, keolio adiopet, mam kereka inyeini akaisakanykaoŋon ka nukanykaonon, kolot oukon amoote ŋin nakeoliorit? 13Arai kedumu, abeit katemari yes atiar, Iyalamikini noi kanuka ŋin itia kwa akaisakanykaoŋon ka nukanykaonon numam aoliorito, 14Kwaŋin mam Papakus loejai toma akuj ekoto idiopet kaludidik kalu aolior.

15 # Luk 17:3; Leb 19:17; Gal 6:1. “Arai kediak onacekon kamakon, kolot, kikwenya kadiakareteke, ijo ka ŋes bon: arai kiira, idum onacekon. 16#Ikis 19:15. Konye arai mam kiirari, kouparos do ka ediopet arai iarei, tetere itogogoŋio ŋinikirot kaituke nuka ikajenak iarei arai iuni. 17#1 Kor 5:13. Arai kegir akiirar ŋul, kolimok ekanisa; arai kegir akiirar ekanisa da, korau ŋesi kamakon bala emoit ka eketeleman esolo. 18#Mat 16:19; Yok 20:23. Abeit katemari yes atiar, ŋin yenieni ijo kakwap eenio kotoma akuj, ŋin da yenilacari kakwap elacario kotoma akuj. 19#Mk 11:24. Bobo da katemari yes atiar, Arai kecamanaros iarei kayesi kakirot kere nailipete, iswamakini kes Papaka lokotoma akuj, 20#Mat 28:20; Yok 14:23. Naarai neetukokinotor iarei arai iuni kokirorika, ajai eoŋ da nepenen kidiŋikec.”

21 # Luk 17:3-4. Kosodi kobu Petero mama ejai Yesu, kotema ŋes atiar, “Ejakait, kediaka onaceka kamakaŋ, esioniei ŋes irwan imwaasi ai? Kiton irwan akanykaarei?” 22Yesu kotema ŋes atiar, “Mam kalimokinit jo irwan akanykaarei, dimarai ebe akaisakanykaarei irwan akanykaarei.

23“Kanuka ŋun ajakanut naka akuj eputosi bala ekabaka lokekoto aimar ikeboro kama kikebulesin. 24Kegeu aimar, koinunai etuŋanan ediopet Iokiburao atalantan#18:24 Atalant adiopet isieci bala isirigin 5,000. alukumin atomon, 25Kemamikis nutacet, kicorak ejakaitike ŋes agwelario, ka akeberu, ka ikedwe, ka luajaatar kere, kotacakinere apesen. 26Kokukokin do ebulesit, kiŋaiŋa, kobala ebe, ‘Okwe Ejakait, kotitiŋikinoi, eoŋ da katacakini jo kere.’ 27Abu ejakait loka ebulesit kaŋol kitim ŋes, koosik, kisioni apesen. 28Konye koloma ebulesit ŋol, kiriama ŋesi kediopet ebulesit aupake lokiburai adenarin#18:28 Adenari adiopet ŋes eropit loka ekeswaman loka adiopepaaran. akwatat; kikam ŋes, komied, kobala ebe, ‘Kotacakinai akapesen.’ 29Kokukokin do ebulesit aupake kiŋaiŋa, kobala ebe, ‘Okwe, kotitiŋikinoi, eoŋ da katacakini jo kere.’ 30Konye koŋer, kolot kibwaik aidaris aitodol naetacakinia apesen. 31Kosodete nakeanyuniata ibulesin luce nukiswamas, kokadakis noi, koloto kitejenut ejakaitikec kere nukiswamas. 32Kosodi konyarau ejakaitike ŋes kotema atiar, ‘Ebulesit ijo loirono! Abu kesioni jo apesen ŋin kere nakiŋaiŋaia; 33ti mam kereka jo da ibusakinit aitim aupakon, kwape ketimio eoŋ jo?’ 34#Mat 5:26. Konyunyurikin ejakaitike, kijaik ikedarak, aitodol naetacakinia apesenike kere. 35#Mat 6:14,15. Ikonakini nen Papaka lokotoma akuj ŋinidiopet kayesi, arai mam isioniete yesi ŋinituŋanan onaceke kotauonokus.”

Currently Selected:

Matayo 18: AOV1961

Highlight

Copy