Matayo 16

1 # Mk 8:11-21. Kopotu Iparisayon ka Isadukayon mama ejai, kokodokodata ŋes, kilipata ŋes aitodikin kes aanyunet naebuni kokuju, #Mat 12:38; Luk 11:16. 2#Luk 12:54-56. Koboŋok kotema atiar, “Naitiboŋia, ibalas ebe, ‘Ipiororoi moi, naarai ereŋ akuj.’ 3#Mat 11:4. Tupuruc da ebe, ‘Etepi lolo, naarai ereŋ akuj, edalidali da.’ Ijenete yesi amisiikin kwape ejaar akuj, konye mam ipedorete amisiikin aanyuneta nuka apakio. 4#Mat 12:39; Luk 11:29; Yok 2:1. Atur naerono naadote emoot aanyunet, konye mam einakinio aanyunet, dimarai aanyunet naka Yona.” Kinyek kes, kolot.

5Kedoloto ikesisiak okekwa juwai, kimurwokis ayaŋaar imugatin. 6#Luk 12:1. Kotema Yesu kes atiar, “Kokwenya, kocoito aitubuunet naka Iparisayon ka Isadukayon.” 7Kiŋitanakinos bonik ebe, “Mam kiyaunit imugatin.” 8#Mat 6:30. Konye kojen Yesu, kotema atiar, “Wu yes luedit aiyuun, kanukinyo iŋitanakinotor, naarai emameete yes imugatin? 9#Mat 14:17-21. Eriŋa yes ejenuna? Karaida akiitun imugatin kwi ikany luka ilukumin ikany, ka iditai luemwaasi nen Iuipotu kotukonokis? 10#Mat 15:34-38. Arai bo imugatin ikanykaarei luka ilukumin iwoŋon, ka ibukito luemwaasi nen luipotu kotukonokis? 11Ikonakinito bo yesi ai mam imisiikinito ebe mam enera kayes nuka imugatin? Kocoito aitubuunet naka Iparisayon ka Isadukayon.” 12#Yok 6:27. Kosodete kojenut ebe mam kelimokinit kes acoit aitubuunet naka emugati, dimarai aisisianakin naka Iparisayon ka Isadukayon.

13 # Mk 8:27-30; Luk 9:18-21. Kosodi kobu Yesu atutubeta nuka Kaisarea Pilipi, kiŋit ikekesisiak ebe, “Ebalas ituŋa Okoku loka etuŋanan ebe erai iŋai?” 14#Mat 14:1-2; 17:10; Mk 6:14-15; Luk 9:7-8. Kobalas ebe, “Ebalas ice ebe Yokana Lokebatisan, ice Eliya, ice da Yeremia arai ediopet konabin.” 15Kotema kes atiar, “Ido bo yes kibalas ebe arai eoŋ iŋai?” 16#Yok 6:68-69. Koboŋok Simon Petero kobala ebe, “Irai ijo Kristo, Okoku loka Edeke lokajaran.” 17#Gal 1:15,16; Mat 17:4,5. Koboŋok Yesu kotema ŋes atiar, “Kisirereŋitoi jo, Simon okoku loka Yona! Naarai mam akuan ka aokot kipukokinito jo ŋun, dimarai Papaka loejai toma akuj, 18#Yok 1:42; Pes 2:20. Eoŋ da kalimokini jo ebe irai ijo Petero, adukokini ekakanisa toma atiida na, ikirigin da luka okatwak mam ipikorete, 19#Mat 18:18; Yok 20:23. Kainakini jo ilaceta luka ajakanut naka akuj, kere nuieni ijo kakwap, eenio kokuju, kere da nuilacakini ijo kakwap, elacakinio kokuju.” 20#Mat 17:9. Kosodi kicor jokan ikesisiak sirikelimokis idiotuŋanan ebe erai ŋesi Kristo.

21 # Mk 8:31–9:1; Luk 9:22-27. Ameun kapak kaŋin kogeu Yesu aikwenyar ikekesisiak ebe ibusakinit ŋes alosit Yerusalem, aiticanio da nuipu kama ka imakio ka isasedotin lupeti ka ikewadikak, ka aario, ka ajarun kapaaran nakiwuniet. #Mat 12:40; Yok 2:19. 22Koyaŋa Petero Yesu, kogeu aitoron ŋes, kobala ebe, “Madi akuj, Ejakait! Mam kiponikinete jo ŋun.” 23Konye kibelokin kotema ŋesi Petero atiar, “Koboŋo kaukaŋ, Satan! Irai ijo ekomio kamakaŋ; naarai mam iwomit nueraas nuka Edeke, dimarai nuka ituŋa.”

24 # Mat 10:38; Luk 14:27. Kosodi kolimok Yesu ikekesisiak ebe, “Arai ekoto ituŋanan kere atupit eoŋ, koŋerokin ilopet korioŋ ekemusalaba, katup eoŋ. 25#Mat 10:39; Luk 17:33; Yok 12:25. Naarai ŋin yenekoto aitajar akeijar etwaniari, ka yenetwaniari akeijar kanukaŋ edumuni, 26#Mat 4:8. Naarai ajokis anyoin kedum etuŋanan akwap kere kosodi atwaniar akeijar? Arai bo elemuni ituŋanan inyo alakunia akeijar? 27#Mat 25:31; Sab 62:12; Rom 2:6; Yok 5:29; Awa 24:12. Naarai ebuni rwaru Okoku loka etuŋanan nepepe kikemalaikan kotoma aibuses naka Papake, kosodi etacakini ŋinituŋanan kwape ejaatar akeswamisio. 28#Mat 10:23. Abeit katemari yes atiar, ejaas ituŋa luebwoete kane lumam iirete cut atwanare kiton naeanyuniata Okoku loka etuŋanan ebuni toma ajakanutuke.”

Currently Selected:

Matayo 16: AOV1961

Highlight

Copy