Matayo 15

1 # Mk 7:1-23. Kosodete kopotu Iparisayon ka ikewadikak mama ejai Yesu aponare koYerusalem, kotemasi atiar, 2#Ikis 4:2; Luk 11:38.“Kanukinyo ijalijalatar ikonikesisiak epone loka imakio? Naarai mam ilosete akecekanin naenyamiata.” 3Koboŋok kotema kes atiar, “Kanukinyo ijalijalatar yesi aicorakinet naka Edeke kanuka eponekus? 4#Any 20:12; 21:17; Ikis 5:16; Leb 20:9. Naarai abu Edeke kobala ebe, ‘Koyoŋitenene papakon ka totokon,’ ido ebe, ‘Ŋin yenimoromoroi papake arai totoke, abeit etwani.’ 5Konye yes ibalasi ebe, Arai elimokini ituŋanan papake arai totoke ebe, Lutikidum kamakaŋ ainakin Edeke, mam itepesenitai ayoŋit papake arai totoke. 6Aso kanuka eponekus, itapalaut akirot naka Edeke. 7#Isa 29:13. Yes Iukesoswai! Araas nuebeito nuadwarit Isaia kanukus, ebe:

8 # Isa 29:13. ‘Ketopoloorito ituŋa lu kaitukekec,

Konye elwaka ikecetauon kama ajai;

9Konye kamaete eoŋ atai,

Isisianakinete aituutooreta nuka ituŋa bala erai aisisianakin nakabeit.’ ”

10Konyarau ekodet kotema kes atiar, “Kiirasi kojenutu da: 11#Mat 12:34; 1 Tim 4:4. ŋin yenelomari kaituk mam emunaari ituŋanan, dimarai nuelomunete kaituk, ŋun emunaarete ituŋanan.” 12Kosodete kopotu ikekesisiak mama ejai, kotemasi ŋes atiar, “Ijeni kereka ijo ebe naeirariata Iparisayon akirot ŋin, apotu konyunyurikinos?” 13#Yok 15:2. Koboŋok kobala ebe, “Ŋinikiraa yenimam irait Papaka lokotoma akuj erutunio, 14#Luk 6:39; Mat 23:24; Yok 9:40; Rom 2:19. Kinyeis ŋul; eraas ikeŋarenok lumudukiok, Arai emuduki iŋarenikini emuduki, ibirokinos kere iarei toma aipany.” 15Kosodi Koboŋok Petero kotema atiar, “Kitejenunai awaragan ŋin.” 16Kotema atiar, “Eriŋa yes da emamei ajenun? 17Mam ijenete ebe ŋinibore kere yenelomari kaituk edoli akoik, kosodi ikiŋaario? 18#Mat 12:34. Konye nuitorunete aituk elomunete kotau, ŋun kes emunaarete ituŋanan. 19#Age 8:21. Naarai toma otau epote aomisio nukaronok, aiar, adoteu, aelo, akokolanut, asabanakin, amoromor, 20Ŋun kes emunaarete ituŋanan; konye ainyam eriŋa ilota akanin mam emunaari ituŋanan.”

21 # Mk 7:24-30. Konyou Yesu kanen, kolot atutubeta nuka Turo ka Sidon. 22Ido koany, kolom aberu Akanaanit koikorun kaŋul, kiworo ebe, “Kitimoi, wu Ejakait, ijo okoku loka Daudi; ikapese iticani noi ajokit.” 23Konye ŋes mam eboŋokino akirot, Kopotu ikekesisiak mama ejai kiŋaiŋaata ebe, “Kotwara ŋin; naarai iworotoi kokauwok.” 24#Mat 10:6. Konye Koboŋok kobala ebe, “Mam kejukunio dimarai mama ejaas amerekekin nukeoliorete nuka ekek loka Isirael.” 25Konye kobu ŋin, koma ŋes, kobala ebe, “Ejakait, kiŋarakinai.” 26Koboŋok ebe, “Mam ejok alemun inyamat luka idwe, acakakin iŋokwo.” 27Konye kotema atiar, “Eebo, Ejakait; konye iŋokwo da enyamete ararasia nuedoununete komesa loka ijakakec.” 28#Mat 8:10,13. Kosodi koboŋok Yesu kotema ŋes atiar, “Ijo ba toto, epol akoniiyuun; kojaut mamakon kwape ikotor.” Koŋaleu akepese ameun kosawa kaŋol.

29 # Mk 7:31. Konyou Yesu kaŋina kitor ariri kaŋolol naka Galilaya, kodoka oroŋat, kiboikin nen. 30Kopotu ikodeta luipu mamakeŋ, koinut luecodos, ka imudukiok, ka ibaŋiok, ka iŋwalasik, ka ice da luipu, kibwaikis akejeneke; kitaŋaleu kes, 31#Mk 7:37. Koumok ekodet, nakeanyuniata ibaŋiok ineras, iŋwalasik etenete, luecodos elosete, ka imudukiok da ekwenyete; kituroto Edeke loka Isirael.

32 # Mk 8:1-10. Kosodi konyarau Yesu ikekesisiak kotema kes atiar, “Etim ekodet, naarai adaut apaarasia auni iboiete keoŋ, kwabo emamei ibore yenenyamete; mam akoto aitwar kes koriebi eteŋei, kinyeis aiilor korot.” #Mat 14:14. 33Kotemasi ikekesisiak atiar, “Kidumuni kai inyamat luipu kamodiŋ aisimonikinia ekodet loetia ne?” 34Kotema Yesu kes atiar, “Ejaas yes imugatin imwaasi ai?” Kobalas ebe, “Ikanykaarei, ka agaria nuikidioko.” 35Kicorak ekodet aiboikin kwap, 36Kolem imugatin ikanykaarei ka agaria, kimal, kobilibil koinak ikekesisiak, kosodete ikesisiak koinakis ikodeta. 37Konyamata kere, kimonikinos; kotukonokis atutubeta nuabilibila nukesalete ibukito ikanykaarei ileleba. 38Lukenyamete keraas ikiliok ilukumin iwoŋon, kilema aŋor ka idwe, 39Kotwara ikodeta, kodoka ataker kolot atutubeta nuka Magadan.

Currently Selected:

Matayo 15: AOV1961

Highlight

Copy