Yakob 1

1 # Mat 13:55; Mk 6:3; Asw 15:13,23; 1 Pet 1:1; Gal 1:19. Yakob ebulesit loka Edeke ka loka Ejakait Yesu Kristo, Mama ejaas atekerin atomon kanuarei nuesiarakinos:

Yoga.

2 # Rom 5:3-5; 1 Pet 1:6. Iinacanaka, koomitos kere araut nukaiyalama, naidoioto toma acodunio nakiponesio luipu, 3#1 Pet 1:7. kojenete ebe aitemio naka aiyuunikus eyauni atitiŋikin, 4Ido kojau atitiŋikin kaswam naedoliorit, tetere iraunos luipolok, luitekoro, komam adiokirot nakiwolikinit.

5 # Awa 2:3-6. Arai ejai kayes yenewolikinit acoa, kilip Edeke loeinakini kere kajalit, kwabo mam itoroni, ŋes da einakinio. 6#Mk 11:24. Konye kilip kotoma aiyuun, komam ebuonokin, naarai yenebuonokini eputosi bala akailan naka aŋolol, naekutanari ekwam kibukanari. 7Kinyek ituŋanan ŋin aomit ebe edumuni ibore kama ejai Ejakait; 8ituŋanan yenika itauon iarei, yenimam icasit korotinike kere,

9 # Yak 2:5. Konye koolobob onace loitisilitoi kanuka aitopoloorioke, 10#Isa 40:6-7; 1 Pet 1:24. koolobob lokabaran da kanuka aitisilioke, naarai eraraar kwape aturot naka inya. 11Naarai elomuni akoloŋ isirinyori amwanis inya, edoi aturotoke, eoliori da ajokis naka aputoke. Isokokoi lokabaran da kwape kwaŋin kotoma alositeke.

12 # Dan 12:12; 2 Tim 4:8; 1 Pet 5:4; 1 Kor 9:25; Apu 2:10. Isirereŋitoi etuŋanan loetitiŋikin acodunio, naarai kedau acamunio, edumuni aboko naka aijar naisumunikinit Ejakait lueminasi ŋes. 13Kinyek yenecodunio einer ebe, “Edeke kacoduni eoŋ” naarai mam epedori Edeke acodunio kanukaronok, ido ŋes elopet mam ecoduni ituŋanan kere. 14#Rom 7:7-10. Konye ŋinituŋanan ecodunio kiriite ekeimiel elopet kaijodijodio, 15Kosodi kepotuu eimiel euriei adiakar, adiakar ŋin da kepoloor idouni atwanare.

16Ikainacan luminan, siriŋalas. 17#1 Yok 1:5; Mat 7:11. Ŋiniinakinet naejok, ka ŋiniijaikina naedolit ebuni kokuju, ijesuni kama ejai Papa loka luecaete, emamei ailoconokin kamakeŋ, karaida etoribe loka aibelonokin. 18#Yok 1:13; 1 Pet 1:23. Kanuka akoteke abu kouri oni kakirot naka abeit, tetere kirauni kwape araito nusodit nuka isubanake.

19 # Lim 7:9. Ijenete ŋin, iinacanaka luminan. Aso korai ŋinituŋanan yenisunyit aiirar, yeniyapi einer, yeniyapi anyunyura, 20#Pes 4:26. naarai anyunyura naka etuŋanan mam iswamai adolit naka Edeke, 21#Kol 3:8; 1 Pet 2:1. Kanuka ŋun kolacasi asilianut kere ka aronis naelitoro, kijaut kaiyapepera akirot nairaitai toma, naepedori aitajar aijarakus.

22 # Mat 7:26; Rom 2:13. Konye koraas ikeswamak akirot, kwabo mere ikeirarak bon, luimodas. 23Naarai arai iirari ituŋanan akirot, komam iswamai, eputosi ŋin ituŋanan yeneanyuni akonyen nuka aurioke kotoma aroet; 24naarai eanyuni, kolot, atipet imurwokini kwape eputor. 25#Yak 2:12; Rom 8:2; Yok 13:17. Konye yenirerei ikisila luedolito, luka aosikinio, kodunyakinite kotomakec, sirikeraun ikeiraran yenimurwokini, konye ikeswaman aswam, isirereŋitoi ituŋanan ŋin kotoma kanuiswamai.

26 # Sab 34:13. Arai eomit ituŋanan kere ebe erai yenikedini, komam itikokin aŋajepeke, kiŋalai etauke, edini loka ituŋanan kaŋin erai lotai. 27Edini loelai, loemamei elos kakonyen nuka Edeke Papa ŋes lota: aanyanar ikokiok ka apuserun kotoma ocanikec, ka aidar bon kakwap komamei amasikinet.

Currently Selected:

Yakob 1: AOV1961

Highlight

Copy