Yakob 2

1 # 1 Kor 2:8. Iinacanaka, siritiakito ituŋa naijaatar kaiyuun naka Ejakaitiwok Yesu Kristo, Ejakait loka aibuses. 2#Bur 10:25. Naarai arai elomuni etuŋanan atukosikus, loenapit egilut loka esabu, ka inapen luibusiak, elomuni da lokican enapit luenyilinyila, 3yes da isukunyikinete loenapit luibusiak, itemarete atiar, “Kiboikin ijo ne neejok,” itemarete da lokican atiar, “Kobwo ijo kalaije,” arai bo, “Kiboikin kwap kakejeka,” 4aso mam kereka itiakasi kotomakus, iraunos ikatubok luka aomisio nueroko? 5#1 Kor 1:26; Luk 12:21. Kiirasi, iinacanaka luminan, Mam kereka abu Edeke koseu lukican lukakwapin araut ikabarak luka aiyuun, ka ikerumak luka ajakanut naisumunikinit ŋul lueminasi ŋes? 6Konye ipotu yesi komwaŋa lokican. Mere kereka lukabarak kiridakinito yes, kiyaŋaarete airabis? 7Mere kes emoromoroete ekiror loejok lokimaikinitai yes?

8 # Leb 19:18. Konye arai kitodoloto ekisil loka akabakanut, kwape ejaar naiwadikatai ebe, “Komina ekoniidunyet kwape iminari bon,” iswamaete ejok. 9#Ikis 1:17. Konye arai itiakito ituŋa iswamata erono, kitoronete ikisila yes kwape ikebucarak. 10#Mat 5:19. Naarai yenerici ikisila kere, konye kibuca kediopet, egwauni akiro nuka kere. 11#Any 20:13,14; Ikis 5:17,18. Naarai ŋol loabu kiner ebe, “Siridote,” abu kiner da ebe, “Siriari.” Arai mam idotei, konye iari, iraun do ijo yenibili ikisila. 12#Yak 1:25. Kinerasi kwaŋin, kiswamata da kwaŋin, kwape luepote atubokinio akiro kokisila luka aosikinio. 13#Mat 5:7; 18:30,34; 25:45,46. Naarai etube mam itimi ŋin yenimam iswamai nukaitim; naarai eoloboboi aitim kotube.

14 # Mat 7:21; 21:29. Iinacanaka, ajokis anyoin, arai ebala ituŋanan ebe ejai kaiyuun, konye emameete ŋes aswamisio? Epedori kereka akeiyuun aitajar ŋes? 15Arai inyilinyilitoi onac arai inac, emameete da inyamat luka ŋinipaaran, 16#1 Yok 3:17. konye ebala idiopet kayesi kes ebe, “Koloto inapakina, kodumutu aibuse, kimonikinos,” kwabo mam iinakinete kes nuipuda akuan, ajokis anyoin? 17Kwaŋin aiyuun da, kemamuutu aswamisio, atwana.

18 # Gal 5:6. Konye inera idiotuŋanan ebe, “Ejai jo aiyuun, eoŋ da kija kaswamisio.”

Kitodikinai cani aiyuunikon komameete aswamisio, eoŋ da ketodikini jo akaiyuun kotoma aswamisio. 19#Mk 5:7. Iyuunit ijo ebe erai Edeke ediopet; iswamai ejok. Iyuunete ajokin da, komaranete. 20Ijo etuŋanan lotai, ikoto kereka ajenun ebe aiyuun komameete aswamisio erai arakan? 21#Age 22:1-14. Mam kereka aponi kitojokai Aburaam papaawok araun loedolit kanuka aswamisio, naainakinia okokuke Isaaka kotem? 22#Bur 11:17. Iany aiyuun kwape iswamaa nepepe kaswamisioke, ido etopoloor aiyuun kanuka aswamisio; 23#Age 15:6; 2 Siit 20:7; Isa 41:8; Rom 4:3. Ido kitodolikinai naiwadikatai nainera ebe, “Kiyuu Aburaam Edeke, kimarakinai araut adolit”; komaikinai epapero loka Edeke. 24#Yok 8:39; Rom 4:12. Ianyut kwape itojokere ituŋanan araun yenedolit kanuka aswamisio, mere kanuka aiyuun bon. 25#Yos 2:1-21; 6:17; Bur 11:31. Kwape kwaŋin da mam kereka aponi kitojokai Rakab naadote araun naedolit kanuka aswamisio, nakisukunyikinia ikiyakia, kitotor kes orot ece? 26#Yak 2:17. Naarai kwape etwania akuan emamei emoyo, kwape kwaŋin da etwania aiyuun emameete aswamisio.

Currently Selected:

Yakob 2: AOV1961

Highlight

Copy