Popular Bible Verses from Yakob 1

Share

Iinacanaka, koomitos kere araut nukaiyalama, naidoioto toma acodunio nakiponesio luipu, kojenete ebe aitemio naka aiyuunikus eyauni atitiŋikin

Arai ejai kayes yenewolikinit acoa, kilip Edeke loeinakini kere kajalit, kwabo mam itoroni, ŋes da einakinio.

Ijenete ŋin, iinacanaka luminan. Aso korai ŋinituŋanan yenisunyit aiirar, yeniyapi einer, yeniyapi anyunyura

Ido kojau atitiŋikin kaswam naedoliorit, tetere iraunos luipolok, luitekoro, komam adiokirot nakiwolikinit.

Konye koraas ikeswamak akirot, kwabo mere ikeirarak bon, luimodas.

Isirereŋitoi etuŋanan loetitiŋikin acodunio, naarai kedau acamunio, edumuni aboko naka aijar naisumunikinit Ejakait lueminasi ŋes.

Ŋiniinakinet naejok, ka ŋiniijaikina naedolit ebuni kokuju, ijesuni kama ejai Papa loka luecaete, emamei ailoconokin kamakeŋ, karaida etoribe loka aibelonokin.

Naarai arai iirari ituŋanan akirot, komam iswamai, eputosi ŋin ituŋanan yeneanyuni akonyen nuka aurioke kotoma aroet; naarai eanyuni, kolot, atipet imurwokini kwape eputor.

Edini loelai, loemamei elos kakonyen nuka Edeke Papa ŋes lota: aanyanar ikokiok ka apuserun kotoma ocanikec, ka aidar bon kakwap komamei amasikinet.

Kinyek yenecodunio einer ebe, “Edeke kacoduni eoŋ” naarai mam epedori Edeke acodunio kanukaronok, ido ŋes elopet mam ecoduni ituŋanan kere. Konye ŋinituŋanan ecodunio kiriite ekeimiel elopet kaijodijodio

Konye koolobob onace loitisilitoi kanuka aitopoloorioke