Ageun 46

1 # Age 21:31; 26:24; 28:13; 31:42. Kolot Isirael, koyana kere luajaas kaŋes, kobu Beer-seba, koinak asuban mama ejai Edeke loka papake Isaak. 2#Age 15:1; Yob 33:14,15. Kiner Edeke ka Isirael kotapo loka akuare ebe, “Yakob, Yakob.” Kotema atiar, “Eoŋ lo.” 3#Age 12:2; 28:13; Ikis 26:5; Any 1:9. Kobala ebe, “Eoŋ Edeke, Edeke loka papakon: sirikikurianar alosit Misiri, naarai ketuluori jo kaŋina ateker naepol. 4#Age 28:15; 48:21; 15:16; 50:13; Any 3:8. Alosi nepepe kajo Misiri; abeit da kenyakuni jo bobo; Yosep da ŋes itemokini akonikonye naitwania ijo.” 5#Age 15:13; Asw 7:15. Konyou Yakob anyoun koBeer-seba: apotu odwe luka Isirael kodakasi Yakob papakec, ka ikecedwe ludidik ka akecenor da, kagalin nuejukari Parao adakunia ŋes. 6#Ikis 26:5; Yos 24:4; Sab 105:23; Isa 52:4. Koyaata ikecebaren, ka ikeceboro luadumunete kakwap nako Kanaan, kopotu Misiri, Yakob ka aurike kere. 7Odweke, ka odwe luka odweke nepepe kaŋes, adweke, ka adwe nuka odweke, ka aurike kere koyau kes Misiri.

8 # Any 1:1; 6:14; Mar 26:5; 1 Siit 5:1. Lu kes ikiroria luka idwe luka Isirael, luapotu kolomasi Misiri, Yakob ka odweke; Reuben, ekiyai loka Yakob. 9Odwe luka Reuben; Kanok, ka Palu, ka Kesuron, ka Karami. 10#Any 6:15; 1 Siit 4:24. Odwe luka Simeon; Yemuel, ka Yamin, ka Okad, ka Yakin, ka Sokar, ka Saul okoku loka aberu Akanaanit. 11Odwe luka Lebi; Gereson, ka Kokat, ka Merari. 12#Age 38:3,29; 1 Siit 2:5. Odwe luka Yuda; Er, ka Onan, ka Sela, ka Peres, ka Sera; konye kotwaka Er ka Onan kakwap naka Kanaan. Odwe luka Peres, Kesuron ka Kamul, 13Odwe luka Isakar; Tola, ka Puba, ka Iob, ka Simuron. 14Odwe luka Sebulun; Sered, ka Elon, ka Yakalecl. 15Ŋul kes odwe luka Lea, lukeurikini Yakob koPadan-Aram, nepepe kakokuke Dina: ituŋa kere luka ikedwe lusap ka lupesur emwaasi akaisauni ka luuni. 16#Mar 26:15. Odwe luka Gad; Sipion, ka Kagi, ka Suni, ka Esebon, ka Eri, ka Arodi, ka Areli. 17#1 Siit 7:30. Odwe luka Aser; Imina, ka Isiba, ka Isibi, ka Beria, ka Sera kinacikec; odwe luka Beria, Keber, ka Malakiel. 18#Age 30:10. Ŋul kes odwe luka Silupa, naabu Laban koinak akokuke Lea, lukeurikini Yakob, ituŋa itomon ka lukanykape, 19Odwe luka Rakel aberu naka Yakob; Yosep ka Benyamin. 20#Age 41:50-52. Ido kakwap nako Misiri kouri Yosep Manase ka Epuraim, luaurikini ŋes Asenas akoku naka Potipera esasedoti loka On. 21#1 Siit 7:6,12. Odwe luka Benyamin; Bela ka Beker, ka Asabel, ka Gera, ka Naaman, ka Eki, ka Ros, ka Mupim, ka Kupim, ka Arad. 22Ŋul kes odwe luka Rakel, lukeurikini Yakob; ituŋa kere emwaasi itomon ka luonon. 23#1 Siit 7:12. Odwe luka Dan; Kusim. 24#1 Siit 7:13. Odwe luka Naputali; Yakaseel, ka Guni, ka Yeser, ka Silem. 25#Age 29:29; 30:5,7. Ŋul kes odwe luka Bilika, naabu Laban koinak Rakel akokuke, nul lukeurikini Yakob; ituŋa kere emwaasi ikanykaarei. 26#Any 1:5. Ituŋa kere luapote nepcpe ka Yakob Misiri, lualomunete kakuanake, komam imarakinitai aŋor nuka odwe luka Yakob, ituŋa kere emwaasi akaisakanykape ka lukanykape. 27#Asw 7:14; Ikis 10:22. Odwe luka Yosep, lukeurikinio ŋes koMisiri, emwaasi ituŋa iarei: ituŋa kere lukokek loka Yakob, lukelomarete Misiri, cmwaasi akaisakanykaarei.

28 # Age 31:21. Kiyakia Yuda aiŋarenikin ŋes mama ejai Yosep, ailip aitodikinio erot loebei toma Gosen; kodoloto akwap nako Gosen. 29Kitcmonok Yosep agalike, kolot airiamakin ka Isirael papake, toma Gosen; kitodikin mama ejai, kibirokin omurisiŋike, komony akiyo komurisinike apak naepol. 30#Luk 2:29. Kotema Isirael Yosep atiar, “Mere do katwana, naarai aany akonikonye iroko iiari.” 31Kotema Yosep ikeinacan ka ekalloka papake atiar, “Alosi alimokin Parao ebe, ‘Apotu mama ajai ikainacan ka ekalloka papaka luajaas akwap nako Kanaan, 32Ido eraas kesi ikecokok, naarai icokienenete ibaren; ayaut da isipaninikec luka amerekekin ka aituk, ka iboro kere luejaatar.’ 33#Age 47:2,3. Kosodi arai kiinyara Parao, kiin it ebe, ‘Anyoin bo akusiswam?’ 34#Age 30:35; 34:5; 37:12; Any 8:26. Iboŋokinete ebe, ‘Icokienenete ikonibulesin ibaren ageun koiditeukosi aitodol lolo, isio ka lukapapaakosi da’: tetere iboikinos roma akwap nako Gosen; naarai nolikecokon erai loketal mama ejaas lmisirian.”

Currently Selected:

Ageun 46: AOV1961

Highlight

Copy