Ageun 47

1 # Age 45:10; 46:28,31. Kosodi koloma Yosep kolimok Parao ebe, “Adolu papaka ka ikainacan ka isipaninikec luka amerekekin ka aituk, ka iboro kere luejaatar, epote kakwap nako Kanaan; ido koany, ejaas akwap nako Gosen.” 2#Asw 7:13. Koseu koinacanake ituŋa ikany, koinu Parao. 3#Age 46:33,34. Kobala Parao iinacanake ebe, “Anyoin bo akusiswam?” Kotemasi Parao atiar, “Eraas ibulesinikon ikecokok, isio ka lukapapaakosi da.” 4#Age 15:13; Ikis 26:5; Sab 105:23; Isa 52:4; Age 43:1; 46:34; Asw 7:11. Kotemasi Parao atiar, “Kiponit aiboi akwap na; naarai emameete inya kanuka ikosisipanin; naarai ededeŋ noi ebeli kakwap nako Kanaan: natikwana, kinaitjait, kisiik ikonibulesin aiboikin akwap nako Gosen.” 5Kobala Parao Yosep ebe, “Apotu papakon ka ikoniinacan mama ijai: 6Akwap nako Misiri ejai akonyenekon; kisiboik papakon ka iinacanakon neitelekarit ajokis kotoma akwap; aso kiboikinos akwap nako Gosen: ido arai ijeni kakesi luekukuraka kitarau kes lukapolok luka ibareneka.”

7 # Age 20:15; 1 Ika 11:28; Awa 12:24; 22:29. Kitoloma Yosep papake Yakob, kibwaik akonyen nuka Parao; kilipak Yakob Parao asuliany. 8Kotema Parao Yakob atiar, “Imwaasi ai apaarasia nuka ikar luka aijarakon?” 9#Sab 39:12; 119:19; 2 Kor 5:6,7; Bur 11:9,13; 1 Pet 2:11; 1:24; Yob 7:7; 14:1; Lim 2:23; Yak 4:14; Age 25:7; 35:28. Kobala Yakob Parao ebe, “Apaarasia nuka ikar luka alositeka eraas ikar akwatat ka akaisauni: apaarasia nuka ikar luka aijaraka eraas luikidioko ido lueroko, ido mam edolokinete apaarasia nuka ikar luka aiiar naka lukapapaaka kapaarasia nuka alositekec.” 10#Age 47:7. Kilipak Yakob Parao asuliany, koloma kakonyen nuka Parao. 11#Any 1:11; 12:37. Kisiboik Yosep papake ka ikeinacan, koinak aibois kakwap nako Misiri, neetelekarit ajokis kotoma akwap, akwap naka Ramases, kwape kicorakinia Parao. 12#Awa 10:1; Any 20:12. Kitanenenei Yosep papake ka ikeinacan ka ekal kere loka papake, kinyamat, kwape ajaatar ikecedwe.

13 # Age 41:30; Asw 7:11. Komamuut inyamat kakwap kere; naarai adedeŋ noi ebeli, kikarakis luka akwap nako Misiri ka luka akwap nako Kanaan, kanuka ebeli. 14#Age 41:56. Kotukonok Yosep apesan kere nuajaas kakwap nako Misiri, kakwap nako Kanaan, naetwegelenenea akima. Koyau Yosep apesan togo loka Parao. 15#Age 47:19. Kedaut apesan kere nuka akwap nako Misiri ka nuka akwap nako Kanaan atukonokinio, kopotu Imisirian kere mama ejai Yosep, kobalas ebe, “Koinakinai sio inyamat: kanukinyo kitwakikinia akonyenekon? Naarai kiwolikis sio apesan.” 16Kobala Yosep ebe, “Koinakinai ibarenekus; eoŋ da kainanakini itia ibarenekus, arai kiwolikinitos apesan.” 17Koinutu Yosep ibarenekec: koinak Yosep kes inyamat aisieca ibalasin, ka isipanin luka amerekekin, ka aituk, ka asigirian: kitanyam kes inyamat ekaru ŋol isiecanarete ibarenekec kere. 18Kedaun ekaru ŋol, kopotu bobo neejai kokaru kalokiareit, kobalas ŋes ebe, “Mam kimunonikini ejakaitikosi kwape adaunotor apesanakosi kere; isipanin da luka ibaren araunos luka ejakaitikosi; mam yenesalit kakonyen nuka eiakaitikosi, dimarai awatekosi ka akwapukosi: 19Kanukinyo kitwakikinia akonyenekon, isio ka akwapukosi da? kogwelai sio ka akwapukosi kinyamat, kiraun do isio ka akosikwap ibulesin luka Parao; koinakinai sio ikinyom, kajarata kenyeis atwakare, kinyek akwap asilior.”

20Kogwelak kwaŋin Yosep Parao akwap kere nako Misiri; naarai apotu Imisirian kogwelanasi ninitunanan ekemanikor, naarai abu ebeli kodedeijik kes: koraun akwap naka Parao. 21Kitubulesenei da ituŋa kwape ajaatar oreriakec ageun koikor loka Misiri neesanit aitodol awasiake ace. 22#Esr 7:24. Konye mam abu kogwel akwap naka isasedotin; naarai ajaas isasedotin ewai loainanakini Parao, konyamenenete ewaikec loainanakini Parao kes: ŋes mam agwelariata akecekwap, 23Kosodi kotema Yosep ituŋa atiar, “Koany, agwelak lolo Parao yes ka akusikwap: koany, ikinyomokus lu, koyeata. 24Kosodete naisakeneniata, iinanakinete Parao idiopet kokany, eraunos iwaitin iwonon lukus, araun luyean, araun da ikusinyamat, ido luka ikaliakus, inyamat da luka idwekus ludidik.” 25#Age 33:15. Kobalas ebe, “Ibu ijo kitajar sio kotoma atwanare: kadumutu asianut kakonyen nuka eiakaitikosi, ido kiraun ibulesin luka Parao.” 26#Age 47:22. Kisilak Yosep ekisil nol akwap nako Misiri aitodol lolo, ainanakin Parao idiopet kokany; nabarai akwap naka isasedotin bon ŋes mam abu koluor naka Parao.

27 # Age 12:2; 26:4; 46:3; Any 1:7; Ikis 26:5; Sab 105:24; Asw 7:17. Kiboienenei Isirael kakwap nako Misiri, kakwap nako Gosen; kodumut iborokec kotoma, kouriaros, kipuaros noi noi. 28Kiboikin Yakob kakwap nako Misiri ikar itomon ka lukanykaarei: kwaŋin apaarasia nuka Yakob, ikar luka aiiarake, imwaasi ikar akwatat ka akaisaoŋon ka Iukanykaarei.

29 # Ikis 31:14; 1 Ika 2:1; Age 24:2,49; 50:25. Koapu apak naka atwanare naka Isirael: konyarau okokuke Yosep, kotema atiar, “‘Arai adumunit asianut kakonyenekon, kenainait, kibwaik akanikon kwap kamurwoka, kikonak kasianut ka abeit; kenainait, sirikiidaik Misiri: 30#2 Sam 19:37; Age 23:2; 50:5,13; Asw 7:16; Bur 11:23. Konye kajotoor nepepe kalukapapaaka, kidakari eoŋ koMisiri, kidaik aibois nakidaanakinakec.” Kotema atiar, “Eswamai kwape kitemaria.” 31#Age 48:2; 1 Ika 1:47; Bur 11:21. Kotema atiar, “Kiyapoikinoi.” Kiyapoik ŋes, Kitulur Isirael akekou koitadake.

Currently Selected:

Ageun 47: AOV1961

Highlight

Copy