Ageun 45

1 # Asw 7:13. Kosodi kekurwoki Yosep aitik etauke kakonyen nuka ŋul kere luabwoete aaput kaŋes; kiworo kotema atiar, “Kitolomasi ŋinituŋanan konyout kaneaiai.” Komamuun ituŋanan yenabwoi kaneajai ŋesi, naalimoror Yosep koinacanake. 2Kodelo noi; kiirasi Imisirian, kiira da etogo loka Parao, 3#Asw 7:13; Mat 14:26; Mk 6:50. Kotema Yosep ikeinacan atiar, “Eoŋ Yosep; eriŋa papaka ejari?” Mam iinacanake apotu kobonokis ŋes: naarai eyalononoete kakonyeneke. 4#Age 37:28. Kotema Yosep ikeinacan atiar, “Kikunyutu neaiai, kenainaito.” Kikunyakis. Kotema atiar, “Eoŋ Yosep onacekus, Ioipotu kogwelasi tape kayaunio Misiri. 5#Isa 40:2; 2 Kor 2:7; Age 50:20; Ikis 23:14; 2 Sam 16:10,11; Sab 33:18,19; Asw 4:24; 2 Pet 2:9. Natikwana sirikiikadakis, karaida anyunyurikin kotauonokus, kanukigwelariata tape kayaunio ne: naarai abu Edeke ketiliŋ eoŋ aitaiar yes. 6Adau ebeli kotoma akwap ikar iarei: ido eriŋa esalito ikar ikany lumam ekoriere karaida asakia. 7Ido Edeke ŋes ketilini aitajarikin yes ipapai kotoma akwap, aitajar da yes koraut erioŋet loepol loedeun. 8#Age 41:43; Tub 17:10; Yob 29:16. Aso mere yes kiyaunete eoŋ ne, nabarai Edeke; ketuluo da papa neejai Parao, ido ejakait loka etogoke kere, ekayaiton akwap kere nako Misiri. 9#Asw 7:14. Kisunyito, kobonosi neejai papaka, kotemasi ŋes atiar, ‘Okokukon Yosep atema kwanata ebe, “Abu Edeke ketuluo ejakait loka Misiri kere: kobwot neaiai, sirikiyap. 10#Age 47:1. Ido iboienenei kakwap nako Gosen, kidunyakin keen, ijo ka ikonidwe, ka idwe luka idwekon, ka akonimerekekin, ka akoniituk, ka luiiaatar kere. 11#1 Tim 5:4. Ketanenenei da kanen: naarai eriŋa esalito ikar ikany luka ebeli: kinye aiyarorotoi, ijo ka ekalekon ka luiiaatar.” 12#Age 42:23. Ido koany, esesenete akusikonye, akonye da nuka onaceka Benyamin, aitukuka ŋipeŋin inera kayes. 13#Mar 18:12,29; Asw 7:14. Ilimokinete papaka aibusesuka kere kotoma Misiri kwape ejaar, ka nuianyut kere: kiwonyakisi kitwobotut papaka ne.” 14Kosodi kibirokin omurisin loka onaceke Benyamin, komony akiyo: Benyamin da komony komurisinlke. 15Konuana ikeinacan kere, komony kamakec: kokau kanun kiyalata ikeinacan kaŋes.

16Kopupunos akiro ŋun kotogo loka Parao, ebe, “Apotu iinacan luka Yosep.” Kisiyalamikis ŋun Parao, ka ikekejaanakinak da, 17Kotema Parao Yosep atiar, “Kolimok iinacanakon ebe, ‘Kikwaikis neta: kisibwoka itianikus iboro, koloto kakwap nako Kanaan; 18#Age 27:28. Kooma papakus ka ikaliakus, kopotu mamakaŋ: eoŋ da kainakinete luejok luka akwap nako Misiri, ido inyamenenete lukaiokak luka akwap.’ 19Natikwana kecorakinit jo, kikwaikis neta: koyanaasi agalin kakwap nako Misiri kanuka idwekus ludidik, ka aŋorokus da, koyaut papakus, kopotu. 20Sirikipodokinos da iborokus luinyeinete: naarai ajokis naka akwap nako Misiri nakus.”

21Kiswamata odwe luka Isirael kwaŋin: abu Yosep koinak kes agalin, kwape kicorakinia Parao, koinak da inyamat luka erot. 22Abu koinak nolitunanan kere inapen luibusak, konye abu koinak Benyamin atutubeta nuka epuesa akwat auni ka inapen ikany luibusak. 23Kijukak papake kwanata; isigirian itomon luebwokitos lukajokak luko Misiri, ka asigirian nuunor atomon nuebwokitos akima ka inyamat ido luunyaman luenyami papake korot, 24Kotwara do ikeinacan, koloto: kotema kes atiar, “Kocoito kinyeis aijolopikin korot.” 25Konyout kakwap nako Misiri, kopotu akwap nako Kanaan mama ejai Yakob papakec. 26#Yob 29:24; Sab 126:1; Luk 24:11,41. Kotemasi atiar, “Eriŋa Yosep ejari, ido ŋes ekayaiton akwap kere nako Misiri.” Kodusaun etauke, naarai mam abu kiyu. 27Kolimokis ŋes akiro kere nuka Yosep, nuabu kolimok kes: nakeanyunia agalin nuabu Yosep kijuka aomia ŋes, kikwar etau loka Yakob papakec. 28Kotema Isirael atiar, “Edolit do: eriŋa okokuka Yosep ejari: alosi aanyun ŋes eriŋa eoŋ ketwana.”

Currently Selected:

Ageun 45: AOV1961

Highlight

Copy