Igalatian 5

1 # Gal 4:5,31; Asw 15:10. Kotoma aosikin ŋin abu Kristo koosik oni; kanuka ŋun kicata, kwabo sirikilomasi bobo ajookot naka ebulesene.

2 # 2 Kor 10:1. Koany, eoŋ Paul kalimokini yes ebe arai kiikepi, mam Kristo kitudumikini yes ajokis. 3Konye etogogoŋi bobo ebe ŋinituŋanan yenekepitai itepesenitai aitodol ikisila kere. 4Kitiakar kama ejai Kristo, yes luikotosi aitojokio kanuka ikisila; ibiroros ainyein asianut. 5Naarai oni kotoma Omoyo kidarete amun naka adolit kanuka aiyuun. 6#Gal 6:15; 1 Kor 7:19. Naarai kotoma Kristo Yesu mam akepio epedori ibore, karaida amamus akepio, dimarai aiyuun naiswamai kanuka amin. 7Ikerete lem ejok, iŋai bo kitikokinit yes arimar abeit? 8#Gal 1:6. Aijodijod ŋin mam kebuni kama kaŋol lokinyarit yes. 9#1 Kor 5:6. Aitubuunet naedit itubuuni aluŋuret kere. 10#Gal 1:7; 2 Kor 11:15. Ejai eoŋ amun mamakus kotoma Ejakait ebe mam ijaunete kaomisio ace, konye ŋin kere yenikisiyaloŋoŋoi yes, ebeikini aketubokinio, 11#1 Kor 1:23. Eoŋ da, iinacan, arai eriŋa alimonokini akepio, kanukinyo eriŋar kareitere? Kwaŋin alemar ekomio loka emusalaba. 12#Sab 12:3. Arai kepedor ŋul lukiticanete yes tikegitaros!

13 # 1 Pet 2:16. Naarai iinacan, aponi konyaraun aosikinio; konye aosikiniokus kinyek araun naisigalikini akuan, konye kijaanakinos kanuka amin. 14#Leb 19:18. Naarai itodolikinio ikisila kere kotoma akirot adiopet, ŋes nata ebe, “Komina iidunyetekon kwape iminar bon.”

15Konye arai ikonyokonyas, inyamas, kocoito kinyeis amudianar bonik.

16Konye abala nata ebe, Kolosenenete kotoma Omoyo, kwabo siritodolete nuimiela akuan. 17#Rom 7:15-23; Yak 4:5; 1 Pet 2:11. Naarai imiela akuan asurokin Emoyo, Emoyo da asurokin akuan; naarai eutasi bonik; kanuka ŋun mam ipedorete aswam nuikotosi. 18#Rom 8:14. Konye arai kiŋarenikinit Emoyo, mam kiyaito ikisila. 19#1 Kor 6:9,10. Aso ideleleete aswamisio nuka akuan, kes nupenu: adoteu, asilianut, abenyanut, 20aima aputosia, ecudet, asurup, epeget, ekokote, anyunyura, aŋolopa, atiakara, irioŋeta, 21#Pes 5:5; Apu 22:15. alilit, emeret, eraŋa, ka nuikote nen da. Kotoma kaŋun kekwenya yes kwape abu kekwenyaritor ebe, luiswamaete nuikote nen mam irumete ajakanut naka Edeke. 22#Pes 5:9. Konye araito nuka Emoyo kes nupenu: amin, aiyalama, ainapakin, atitiŋikin, asianut, ajokis, aiyuun, 23#1 Tim 1:9. aiyapepera, aitikokina; emamei ekisil loisimiki nuikote nen. 24#Rom 6:6; Kol 3:5; 1 Pet 2:11. Ŋul da lueraas luka Kristo Yesu apotu kibubukis akuan nepepe ka aiŋobeleke ka eimielike da,

25 # Rom 8:4. Arai kijari kotoma Omoyo, kalosenenete da kotoma Omoyo, 26#Pil 2:3. Sirikiiturokin atai, sirikiitunyunyuranakin, sirikiijau da kalilit bonik ka bonik.

Currently Selected:

Igalatian 5: AOV1961

Highlight

Copy