Popular Bible Verses from Igalatian 5

Share

Konye araito nuka Emoyo kes nupenu: amin, aiyalama, ainapakin, atitiŋikin, asianut, ajokis, aiyuun, aiyapepera, aitikokina; emamei ekisil loisimiki nuikote nen.

Konye abala nata ebe, Kolosenenete kotoma Omoyo, kwabo siritodolete nuimiela akuan.

Arai kijari kotoma Omoyo, kalosenenete da kotoma Omoyo

Ŋul da lueraas luka Kristo Yesu apotu kibubukis akuan nepepe ka aiŋobeleke ka eimielike da

Aso ideleleete aswamisio nuka akuan, kes nupenu: adoteu, asilianut, abenyanut, aima aputosia, ecudet, asurup, epeget, ekokote, anyunyura, aŋolopa, atiakara, irioŋeta, alilit, emeret, eraŋa, ka nuikote nen da. Kotoma kaŋun kekwenya yes kwape abu kekwenyaritor ebe, luiswamaete nuikote nen mam irumete ajakanut naka Edeke.

Naarai iinacan, aponi konyaraun aosikinio; konye aosikiniokus kinyek araun naisigalikini akuan, konye kijaanakinos kanuka amin.

Naarai imiela akuan asurokin Emoyo, Emoyo da asurokin akuan; naarai eutasi bonik; kanuka ŋun mam ipedorete aswam nuikotosi.

Naarai itodolikinio ikisila kere kotoma akirot adiopet, ŋes nata ebe, “Komina iidunyetekon kwape iminar bon.”

Sirikiiturokin atai, sirikiitunyunyuranakin, sirikiijau da kalilit bonik ka bonik.

Kotoma aosikin ŋin abu Kristo koosik oni; kanuka ŋun kicata, kwabo sirikilomasi bobo ajookot naka ebulesene.