Igalatian 4

1Konye abala ebe ekeruman naeriŋar erai ikoku, emamei atiaketait ka ebulesit, karaida kerai ejakait loka kere; 2konye eyaito ŋes ikedarak ka ikeŋadak aitodol apak naetetemit papake. 3#Gal 3:23; 5:1; Kol 2:20. Oni da kwape kwaŋin, nakirokor kirai idwe, karaas ibulesin luka kanugeet nuka akwapin. 4#Pes 1:10. Konye naadolio apak naabeit, abu Edeke kijuk Okokuke, lokewuruuni aberu, lokewuruunio koyaito ikisila, 5#Rom 8:15-17. tetere elakuni ŋul lukeyaito ikisila, tetere oni kitaraunio odwe, #Gal 3:13,26. 6#Rom 8:15. Ido naarai iraas odwe, abu Edeke kijuk Emoyo loka Okokuke otauonowok, loiworoi ebe, “Abba, Papa!” 7#Gal 3:29; Rom 8:16,17. Kanuka ŋun mam bobo irai ebulesit dimarai okoku, ido arai irai okoku, aso irai ekeruman kanuka Edeke,

8Konye apak ya namam ijeniata Edeke, ipotu koraas ibulesin luka ŋul lumam eraas idekesio kauruunet; 9konye kwana ijenut Edeke, konye aitelekarit ajenu Edeke yes, ikonakinete ai iboŋorete bobo mama ejaas nugeet nuekalanyaka ka nukibakor nuikotosi yesi kitubulesenoto bobo? 10#Rom 14:5; Kol 2:16. Iricito apaarasia, ka ilapio, ka apakio ka ikar da! 11#2 Yok 1:8. Acoikinit akaitaaritoi kamakus kinyek araun natitai.

12 # 2 Kor 2:5. Iinacan, keŋaiŋair yes, koraut kwape kaeoŋ, naarai arau eoŋ da kwape kayesi. Mam ipotu kikonakis erono kakirot kere; 13#Asw 16:6; 1 Kor 2:3. konye ijenete ebe abu kalimonok yes Akiro Nukajokak irwan nasodit kanuka akalanyanut naka akuan; 14#Asw 14:11,12. ido karaida akakuan kerai acodunet kamakus, mam ipotu komwaŋata, karaida aiŋer eoŋ, konye ipotu kisukunyikis eoŋ kwape emalaika loka Edeke, kwape Kristo Yesu. 15Aso ani bo akusiisirereŋikino? Naarai etogogoŋit nukus ebe, arai kepedor tikigorununut akusikonyen, koinakis eoŋ. 16#Amo 5:10. Arau kereka lokasurup kamakus kanuka alimonokin yes nukabeit? 17#Gal 1:7. Kikokotikinitos yes konye mere kotoma ajokis, dimarai kikotos agolor yes kiŋa, tetere yes ikokotikinete kes. 18Konye ejok aikokotikinio duc kanuka akirot naejok, kwabo mere apak nakijaar eoŋ kayes bon. 19#1 Kor 4:15. Ikadwe, luariebar bobo bala nakedounon, aitodol naesubunere Kristo kotomakus, 20konye tikemuit ajaut kayes kwana, aijulakin ekaporoto, naarai abuonokin kanukus.

21 # Gal 3:23. Kolimokinai, yes luikotos koyaito ikisila, mam kereka ipupete ikisila? 22#Age 16:15; 21:2,9. Naarai iwadikatai ebe ajaas Aburaam odweke iarei, ediopet loka abulesit, ediopet da loka naijakakai. 23#Rom 9:7-9; Age 17:16. Konye ŋol loka abulesit keurio kwape ejaar akuan, konye loka naijakakai kanuka aisumunet. 24#Gal 5:1; Rom 8:15. Akiro ŋun eraas aput: naarai eraas aŋor ŋun aitutuketa aarei. Ebuni adiopet komoru Sinai, naeuriei kanuka ebulesene, ŋin ŋes Kagar. 25Kwabo Kagar na ŋes erai emoru Sinai kotoma Arabia; erianas ka Yerusalem loka tinenikwana; naarai erai ŋesi abulesit nenipe kikedwe da. 26#Bur 12:22. Konye Yerusalem lokokuju ŋes naijakakai, ŋes ŋin totowok. 27#Isa 54:1. Naarai iwadikatai ebe,

“Kolakar ijo arakan namam iwuriei, Kodelo, kiworo ijo namam irieba aidoun,

Naarai ipu idwe luka naejalakinitai aitelekarit luka ŋin naejai

ekiliokit.”

28Konye iinacan, kirai oni#4:28 Iwadikaete lukapolok ice “iraas yesi” aibois naka “kirai oni”. idwe luka aisumunet, kwape ka Isaak. 29#Age 21:9. Konye kwape kolo abu ŋol loawurio kwape ejaar akuan koreitor lokeurio kwape eiaar Emoyo, kwape kwaŋin kwana da. 30#Age 21:10,12; Yok 8:35. Konye ebala ai naiwadikatai? Ebe, “Kireŋea abulesit ka okokuke, naarai mam okoku loka abulesit irumete kikoku loka naijakakai.” 31#Gal 3:29. Aso iinacan mam kirai idwe luka abulesit, dimarai luka naijakakai.

Currently Selected:

Igalatian 4: AOV1961

Highlight

Copy