Anyoun 7

1 # Any 4:16; Yer 1:10. Kobala EJAKAIT Musa ebe, “Koany, ketuluo jo edeke mama ejai Parao; ido Aaron onacekon eraun ekoninabi. 2Ineri ijo kere nukecorakini: elimokini onacekon Aaron Parao, tetere isiikini idwe luka Isirael anyoun kakwapuke. 3#Asw 7:36; Any 4:7; 11:9. Etogogoŋi eoŋ da etau loka Parao, eyatakini aanyunetaka ka nukaumokinika kakwap nako Misiri. 4#Any 6:6; 10:1. Konye mam Parao kiirari jo, ebwaikini eoŋ akakan Misiri, aitolomar akajoresio, ikatuŋa idwe luka Isirael, kakwap nako Misiri, aitolomar idwe luka Isirael kamakec. 5#Any 8:22; 14:4,18; Sab 9:16; 59:13; Any 3:20. Ejenunete Imisirian ebe Eoŋ EJAKAIT, naarioria akakan Misiri, aitolomar idwe luka Isirael kamakec.” 6Kiswamata Musa ka Aaron kwaŋin; kwape kicorakinia kes EJAKAIT, kiswamata kwaŋin, 7#Ikis 29:5; 31:2; 34:7; Asw 7:23,30. Korai Musa loka ikar akaisakanykauni, korai Aaron loka ikar akaisakanykauni ka luuni, inerasi kaParao.

8Kobala EJAKAIT Musa ka Aaron ebe, 9#Isa 7:11; Yok 2:18; 6:30; Any 4:2,17. “Kiilimok Parao yes ebe, ‘Kitodikinai nakaumokin’: ŋes konyet ilimokinia Aaron ebe, “Koyana ebelakon, kocakak akonyen nuka Parao, tetere eraun emun.’’’ 10#Any 4:3. Kolomasi Musa ka Aaron mama ejai Parao, kiswamata kwaŋin kwape kicorakinia EJAKAIT: kocakak Aaron ekebela akonyen nuka Parao, akonyen da nuka ikekejaanakinak, koluor emun. 11#Age 41:8; Dan 2:2; 2 Tim 3:8; Any 7:22; 8:7,18; 2 Kor 11:13; 2 Ses 2:9,11; 2 Tim 3:13; 2 Pet 2:13; Apu 12:9; 13:14. Kosodi Parao da anyaraun lukacoa ka ikacudak; kes imurwok luka Misiri, kiswamata kesi da kwaŋin kakececoa nakaiyeiyea. 12Naarai kocakak ninitunanan ekebela koluonoros imunwo: konye kilikono ebela loka Aaron ibelaikec. 13#Any 4:21. Kogogonior etau loka Parao, komam iirari kes; kwape abalar EJAKAIT.

14 # Any 8:15; 10:20,27. Kobala EJAKAIT Musa ebe, “Eninik etau loka Parao, egirit aisiikin ituŋa alosit. 15#Any 4:2,3. Kolot ijo mama ejai Parao tupuruc; ko any, elomuni alosit ocor; ibwoi ijo da kariri naka ecor airiamakin kaŋes; kitinite kakanikon ebela loaluoro emun. 16#Any 3:12,18; 5:1,3. Ilimokini ŋes ebe, ‘EJAKAIT, Edeke loka Iburanian, ŋes keyakunit mama ijai, ebe, “Kisiik ikatuŋa alosit, tetere kejaanakinete eoŋ kamodiŋ: ido koany, aitodol lolo mam ipupunit.” 17#Apu 16:4,6; Sab 9:16; Esk 20:48; 25:17; Yok 3:17; Any 4:9. Ebala EJAKAIT kwanata ebe, “Na ŋes ijenunia ebe Eoŋ EJAKAIT: koany, enomi kebelaka loetinit kakanika akipi nuejaas ocor, eluoros aokot. 18#Any 7:24. Etwakete lukecor luejaas ocor, ebosuuni ecor; egirete Imisirian aimat akipiŋun.” 19#Any 8:5; 9:22; 10:12. Kobala EJAKAIT Musa ebe, “Kolimok Aaron ebe, “Koyana ebelakon, korio akonikan akipi nuka Misiri, ocorinikec, ka alelesiakec, ka ataparinikec, ka abwalinikec kere nuka akipi, koluoros aokot; ejaunos aokot akwap kere nako Misiri, toma oborokec luka akito ka amotiikec nuka amor.’’’

20 # Any 17:5; Sab 78:44; 105:29. Kiswamata Musa ka Aaron kwaŋin kwape kicorakinia EJAKAIT; kikeu ebela, kinom akipi nuka ecor, kakonyen nuka Parao, kakonyen da nuka ikekejaanakinak; akipi kere nuajaas ocor koluoros aokot. 21Kotwakata lukecor; kobosuut akip, komam lmisirian apedorete aimat akipi nuka ecor; kojaut aokot akwap kere nako Misiri. 22Kiswamata kwaŋin imurwok luka Misiri kotoma acoakec nakaiyeiyea; kogogoŋior etau loka Parao komam iirari kes; kwape abalar EJAKAIT. 23#Awa 29:1. Kibelokin Parao koloma togoke, komam ibwaikinit ŋun etau, 24Kobokata Imisirian kere ariri naka ecor kanuka akipi numatan naarai mam apedorete aimat akipi nuka ecor.

25Kotuboros apaarasia akanykaarei, kedau EJAKAIT ainom ecor.

Currently Selected:

Anyoun 7: AOV1961

Highlight

Copy