Anyoun 6

1 # Any 11:1; 12:31. Kotema EJAKAIT Musa atiar, “Kwana ianyuni nueswamakini Parao: naarai kakan nakagogon isiikini kes alosit, kakan nakagogon da irenei kes kakwapuke.”

2 # Age 17:1; 28:3; 35:11; Any 3:13-15. Kotema Edeke Musa atiar,” Eoŋ YAWE: 3#Sab 68:4; Yok 8:58; Apu 1:4. Abu ketaanyikin Aburaam, ka Isaak, ka Yakob, kwape Edeke Lokapedor kere, konye toma okirorika YAWE mam apotu kajenut eoŋ. 4#Age 15:18; 17:4,7,8. Etogogon da akaitutuket kakes, ainakin kes akwap naka Kanaan, akwap naka alositekec, naalosenenoto. 5#Any 2:24. Ido eira eidiny loka idwe luka Isirael, luitubulesenito Imisirian; eitu akaitutuket. 6#Any 3:17; 7:4; 15:13; Ikis 26:8; 7:8; Sab 81:6; 136:11; 1 Siit 17:21; Nek 1:10. Ŋes ilimokinia idwe luka Isirael ebe, ‘Eoŋ Yawe, ketolomunete kabwokon naka Imisirian kalemarete kobulesenekec, kalakunete kakan naerioro, ka itubesia luepolok: 7#Ikis 7:6; 29:13; 2 Sam 7:24; Age 17:7,8; Apu 21:7; Sab 81:6. Ido kaseuni yes araun atcker mama ajai, eoŋ da araun Edeke kamakus: ijenunete yesi da ebe Eoŋ Yawe Ekusideke, loketolomuni yes kotoma abwokon naka Imisirian. 8#Age 15:18; 26:3. Ido ketolomarete toma akwap naabu kario akakan ainakin Aburaam, ka Isaak, ka Yakob; kainakinete yes airum:

Eoŋ Yawe.’’’ 9Kolimok Musa idwe luka Isirael kwaŋin; konye mam apotu kiirasi Musa kanuka ican luka itauon, ido kanuka cbulesene loededeŋ.

10Kotema EJAKAIT Musa atiar, 11“Koloma, kolimok Parao ekabaka loka Misiri kisiik idwe luka Isirael anyoun kakwapuke.” 12#Yer 1:6. Kiner Musa kakonyen nuka EJAKAIT, kotema atiar, “Koany, mam idwe luka Isirael keirarito eoŋ; ikoni Parao keirari eoŋ ai, eoŋ lomam kakepitai aituk?” 13Kiner EJAKAIT ka Musa ka Aaron, kolimok akiro nuyaŋaara mama ejaas idwe luka Isirael, ido mama ejai Parao ekabaka loka Misiri, aitolomar idwe luka Isirael kakwap nako Misiri.

14 # Age 49:9; 1 Siit 5:3. Lu kes lukapolok luka ikalia luka lukapapaakec: idwe luka Reuben ekiyai loka Isirael; Kanok, ka Palu, ka Kesuron, ka Karumi: nul kes ikekia luka Reuben. 15#Age 46:10; 1 Siit 4:24. Idwe luka Simeon: Yemuel, ka Yamin, ka Okad, ka Yakin, ka Sokar, ka Saul okoku loka aberu Akanaanit: ŋul kes ikekia luka Simeon. 16#Mar 3:17-20; 26:57-58; 1 Siit 6:16-19; Age 46:11; 1 Siit 6:1. Lu kes ikiroria luka idwe luka Lebi kwape eiaar aurikec; Gereson, ka Kokat, ka Merari; ikar da luka aijar naka Lebi emwaasi akwatat ka akaisauni ka lukanykaarei. 17Idwe luka Gereson; Libuni ka Simei, kwape ejaatar ikekiakec. 18#Mar 26:57; 1 Siit 6:18. Idwe luka Kokat; Amuram, ka Isikar, ka Keburon, ka Usiel; ikar da luka aijar naka Kokat emwaasi akwatat ka akaisauni ka luuni. 19Idwe luka Merari; Mali, ka Musi: nul kes ikekia luka Ilebin kwape ejaar aurikec. 20#Any 2:1,2; Mar 26:59. Komany Amuram Yokebed kinac naka papake; kourik ŋes Aaron ka Musa; ikar luka aijar naka Amuram emwaasi ikar akwatat ka akaisauni ka lukanykaarei. 21#Mar 16:1; 1 Siit 6:37,38. Idwe luka Isikar; Kora ka Nepeg, ka Sikiri. 22#Leb 10:4; Mar 3:30. Idwe luka Usiel; Misael, ka Elasapan, ka Sitiri. 23#Rus 4:19,20; 1 Siit 2:10; Mat 1:4; Leb 10:1; Mar 3:2. Komany Aaron Eliseba, akoku naka Aminadab, inac naka Nason; kowurik ŋes Nadab ka Abiku, ka Eleasar ka Itamar. 24#Mar 26:11. Idwe luka Kora; Asir ka Elukana, ka Abiasap; nul kes ikekia luka Ikorakin. 25#Mar 25:7,11,12; Yos 24:33. Komany Eleasar okoku loka Aaron adiopet kadwe nuka Putiel; kowurik ŋes Pinekas. Ŋul kes lukapolok luka ikalia luka lukapapaa luka Ilebin kwape ejaatar ikekiakec.

26 # Any 7:4; 12:17; Mar 33:1. Ŋupenul kes Aaron ka Musa, lualimokinit EJAKAIT ebe, “Kitolomasi idwe luka Isirael kakwap nako Misiri kwape eiaar ajorekec.” 27#Any 32:7; 33:1; Sab 77:20. Ŋul kes lualimokinete Parao eka baka loka Misiri, aitolomar idwe luka Isirael koMisiri: nul kes Musa ka Aaron,

28Kosodi kapaaran naeneratar EJAKAIT ka Musa kakwap nako Misiri, 29#Any 7:2. Kotema EJAKAIT Musa atiar, “Eoŋ EJAKAIT: kolimok Parao ekabaka loka Misiri kere nukalimokini jo.” 30#Any 4:10; Yer 1:6. Kotema Musa kakonyen nuka EJAKAIT atiar, “Koany, arai eoŋ loka aituk namam ekepitai, keirari Parao eoŋ biai?”

Currently Selected:

Anyoun 6: AOV1961

Highlight

Copy