Anyoun 8

1 # Any 3:12. Kobala EJAKAIT Musa ebc, “Koloma mama ejai Parao, kolimok ebe, ‘Ebala EJAKAIT kwanata ebe, “Kisiik ikatuŋa alosit, teterc kejaanakinete eoŋ. 2#Any 7:14; 9:2; Apu 16:13. Arai kigir ijo aisiikin kes alosit, koany, enomi iikorunokon kere kaidodokai: 3#Sab 105:30. Ilweki ecor aidodokai, edokunete elomarete togokon, agolakon naiperi, aperitikon, otogoi da luka ikejaanakinakakon, otunakon, okialakon, amotiikon nukinyonis: 4Edokunete aidodokai mamakon, ido otunakon, kiton ikejaanakinakakon kere.”’” 5#Any 7:19. Kotema EJAKAIT Musa atiar, “Kolimok Aaron ebe, ‘Korio akonikan ka ekonibela ocorin, ka alelesia, ka ataparin da, kitodok aidodokai akwap nako Misiri.’’’ 6#Sab 78:45; 105:30. Korio Aaron akekan akipi nuko Misiri; kodokut aidodokai korapata akwap nako Misiri. 7#Any 7:11. Kiswamata imurwok da kwaŋin kotoma acoakec nakaiyeiyea, kitodokut aidodokai akwap nako Misiri.

8 # Any 9:28; 10:17; Mar 21:7; 1 Ika 13:6; Asw 8:24. Kosodi Parao anyaraun Musa ka Aaron, kiner ebe, “Kilipa EJAKAIT kolema aidodokai kamakaŋ ka ikatuŋa; esiikini ituŋa alosit, koinakis asuban mama ejai EJAKAIT.” 9Kobala Musa Parao ebe, “Ituror ijo eoŋ: wori bo kelipakinia jo ka ikonikejaanakinak kosodete aidodokai amudiario kamakon kotogoikon da, kosalakis ocor bon?” 10#Any 9:14; Ikis 33:26; 2 Sam 7:22; 1 Siit 17:20; Sab 86:8; Isa 46:9; Yer 10:6,7. Kobala ebe, “Moi.” Kobala Musa ŋes ebe, “Kojau kwape eiaar akonikirot, tetere ijenuni ebe emamei yeneputosi ka EJAKAIT Edekekosi, 11Enyounete aidodokai kamakon ka otogoikon, ka mama kaikonikejaanakinak ka ikonituŋa; esalakinete oeor bon.” 12#Any 9:33; 10:18; 32:11; Yak 5:16-18. Konyout Musa ka Aaron kama ka Parao: komony Musa mama ejai EJAKAIT kanuka aidodokai nuainunit Parao. 13Kosub EJAKAIT kwape ajaar akirot naka Musa; kotwakikis aidodokai otogoi, alaroi, ka amanat. 14Kotukonoroi atukon: kouru akwap. 15#Lim 8:11; Awa 21:29. Konye keanyu Parao ebe ejai apak nakibworaret, kitogogon eketau, komam iirari kes; kwape abalar EJAKAIT.

16Kobala EJAKAIT Musa ebe, “Kolimok Aaron ebe, ‘Korio ekonibela kinom apua naka akwap, koluor ilac kakwap kere nako Misiri.’’’ 17#Sab 105:31. Kiswamata kwaŋin; korio Aaron akekan kekebela, kinom apua naka akwap, kojaut ilac otuŋa kotian da; apua kere naka akwap koluor ijae kakwap kere nako Misiri. 18#Any 7:11; Luk 10:18; 2 Tim 3:8,9. Kiswamata imurwok da kwaŋin kacoakec nakaiyeiyea tetere eyaunete ilac, konye mam apotu kopedosi; kojaut ilae otunanan kotian da. 19#Luk 11:20; 1 Sam 6:3,9; Yob 27:11; Sab 8:3; Mat 12:28; Asw 13:11. Kosodi kolimokis imurwok Parao ebe, “Lo ŋes ebokorit loka Edeke.” Kitogogon Parao eketau, komam iirari kes; kwape abalar EJAKAIT.

20 # Any 7:15. Kotema EJAKAIT Musa atiar, “Konyou tupuruc sek kobwo kakonyen nuka Parao; koany, elomuni alosit akipi; kolimok ŋes ebe, ‘Ebala EJAKAIT kwanata ebe, “Kisiik ikatuŋa alosit, tetere kejaanakinete eoŋ. 21Konye arai mam isiikini ikatuŋa alosit, koany, ejukuni icuc luipu noi mamakon, ka neejaas ikonikejaanakinak, ka neejaas ikonituŋa, toma otogoikon da: ilelebunos ieuc luipu noi otogoi luka Imisirian, akwap da naejaas. 22#Any 9:4,6,26. Atiakuni da kapaaran kaŋin akwap nako Gosen, naiboioto ikatuŋa, kinyeis icuc luipu noi ajaut nina; tetere ijenuni ebe Eoŋ EJAKAIT loajai kidin kakwap, 23Ebwaikini atiaket kidin otunaka ka ituŋakon: ejaun aanyunet na moi.” 24#Sab 78:45. Kiswama EJAKAIT kwaŋin; kopotu atukon nuka icue luipu noi toma togo loka Parao, otogoi luka ikekejaanakinak da; kobosu akwap kere nako Misiri kanuka icuc luepu noi.

25Kosodi Parao anyaraun Musa ka Aaron, kobala ebe, “Koloto yesi, koinakis Ekusideke asuban kotoma akwap.” 26Kotema Musa atiar, “Mam ibusakinit aswam kwaŋin; naarai kijaikini luitaleete Imisirian mama ejai EJAKAIT Ekosideke: koany, kiinakini kereka luitaleete Imisirian kakonyenekec, komam kibiribirete sio kamor? 27#Any 3:12,18. Kilosi alosit naka apaarasia auni modiŋ, ainakin asuban mama ejai EJAKAIT Ekosideke, kwape kicorakinia ŋesi sio.” 28#Any 9:28; 1 Ika 13:6; Esr 6:10; Asw 8:24. Kotema Parao ebe, “Kesiikini yes alosit, ainakin EJAKAIT Ekusideke asuban kamodiŋ; konye mam ilosete neelwana: kilipakinai eoŋ.” 29Kotema Musa atiar, “Koany, alomari kaneijai, elipi EJAKAIT konyout ieuc moi kaneejai Parao, ka ikejaanakinakake, ka iketuŋa: konye kinyek Parao aiŋal bobo aiŋer aisiikin ituŋa alosit ainakin EJAKAIT asuban.” 30Konyou Musa kaneaiai Parao, kilip EJAKAIT. 31#Yak 5:17. Kiswama EJAKAIT kwape ajaar akirot naka Musa; kolema atukon nuka icue kaneejai Parao, ka ikekejaanakinak, ka iketuŋa da; mam abu kosal ediopet da. 32#Any 4:21; Awa 28:14; Rom 9:17-23; Yak 1:13-17. Kitogogoŋ Parao eketau irwan nin da, mam abu kisiik ituŋa alosit.

Currently Selected:

Anyoun 8: AOV1961

Highlight

Copy