Ipeson 4

1 # Kol 1:10. Aso eoŋ eenat kotoma Ejakait, keŋaiŋait yes alosenen kwape ibusakinitor anyaraunio nakinyaraunere, 2#Kol 3:12-13. kaitasono kere ka aiyapepera da, katitiŋikin, koŋirionokinos kotoma amin, 3#Kol 3:14,15. kodunyakinito aricit eipeone loka Emoyo kotoma olomorut loka ainapakin. 4#Rom 12:5. Ejai akuan adiopet, ka Emoyo ediopet, kwape kolo kinyaraunere kotoma amun adiopet naka anyarauniokus, 5#Yok 10:16; 1 Kor 8:6. Ejakait ediopet, aiyuun adiopet, aibatis adiopet, 6#1 Kor 12:6. Edeke ediopet, ŋes Papa loka kere, loeyait kere, loitorit toma kere, loejai da toma kere. 7#Rom 12:3,6; 1 Kor 12:11. Konye aponi koinakinai ŋinidiopet kaoni asianut kwape ejaar aitemis naka ainakinet naka Kristo. 8#Sab 68:18; Kol 2:15. Ŋes ebalar ebe,

“Naadokaria kuju abu kijoreo ikijoreoro,

Koinak da ituŋa ainakineta.”

9 # Yok 3:13. Akirot ŋin ebe, “Abu kodoka”, ŋes atemar ai dimarai ebe abu kijesar da ariino nukokwap noi nuka akwap? 10Ŋol loabu kijesar ŋes ŋopeŋol loabu kodoka kuju noi adepar akuj kere, tetere itekori iboro kere. 11#1 Kor 12:28; Asw 21:8. Ŋol da abu koinak ice araun ikiyakia, ka ice inabin, ka ice ikalimonokinak Akiro Nukajokak, ka ice ikecokok, ka ice da ikesisianakinak, 12#1 Pet 2:5; 2 Tim 3:17. aitodolikinio lukalaunak kanuka aswam naka aijaanakin, kosodi akuan naka Kristo adukio; 13#Kol 1:28. kiton nepekidolio oni kere oipeone loka aiyuun, ka ajenun da Okoku loka Edeke, kiton nekidolio okiliokone loibecokino, kiton aitemis naka apolou naka aitekoro naka Kristo; 14#1 Kor 14:20; Bur 13:9. tetere mam kirai bobo imukerun luiriaŋiriaŋas, lukiyaŋanari ŋolikwam loka aisisianakin kotoma aimod naka ituŋa, kotute lokibotei luitapaarete. 15#Pes 1:22; 5:23; Kol 1:18. Konye karicata abeit kotoma amin, kapolooros da adolore tomakeŋ kakiro kere, loerai akou, ŋes Kristo. 16#Kol 2:19. Tomakeŋ akuan kere kerucokin ka ainicakinio ejok kanuka aisigalikin naka ŋinikilenyasit, kwape ejaar aswam kotoma aitemis naka ŋinitutubet, kiyatanakini akuan apoloor kanuka aiduk kotoma aminanar.

17 # Rom 1:21; Kol 2:4,6. Aso enera na etejenun da kotoma Ejakait, ebe, sirilosenenete bobo kwape elosenenoto Imo, kotoma aamameak nuka aomisiokec; 18#Pes 2:12; Kol 1:21; 1 Pet 1:14. itumutonitai akececoa, egelara kotoma aijar naka Edeke kanuka aolit naejai tomakec, kanuka aninik naka itauonokec. 19#Kol 3:5. Erum kes esumerededek, aluŋakinos kes ikulepek toma abenyanut aswam nukasilianut kere kotoma airaŋaanut, 20Konye mam yes isisiato Kristo kwaŋin, 21arai ipotu kiirasi ŋes, ka aisisianakinio da kotomakeŋ, kwape ejaar abeit toma Yesu. 22#Kol 3:9; Rom 8:13; Gal 6:8. Kotoma akiro nuka iponesiokus lusodit, kolacasi etuŋanane lokolo, loebosi kanuka aiŋobel naka aiŋal, 23#Rom 12:2. ido kiteteunos kotoma omoyo loka aomisiokus, 24#Age 1:26; Kol 3:10. konapata da etuŋanane lokitetet, lokesubio toma aput naka Edeke, toma adolit ka alaunit da naka abeit.

25 # Sek 8:16; Kol 3:8. Kanuka ŋun kolacasi asabanut kinerenenasi abeit, ŋinituŋanan kikeidunyet, naarai kirai atutubeta ŋinidiopet kayenice. 26#Sab 4:4; Yak 1:19,20. Konyunyurasi, kwabo sirikidiakasi; kinyek akoloŋ alomar koriŋa inyunyurasi, 27kwabo sirikiinakis Satana apak. 28#1 Ses 4:11. Kinyek ekokolan akoko bobo, konye gwai kokokak aswam ejok kakaninike, tetere edumuni lueinakini yeniyarorotoi. 29#Pes 5:4; Kol 3:16,17; 4:6. Sirikelomu adiokirot kere naebosit kaitukekus, dimarai naejok naeduki kwape ipudar, kosodi ainakin asianut ŋul luepupunete. 30#Pes 1:13; Isa 63:10. Ido sirikitakadikis Emoyo Lokalaunan loka Edeke, lokolo kipucakini yes aipucet kiton apaaran naka alakuniokus, 31#Kol 3:8. Kolemaros kamakus adwaris kere, ka anyunyura, ka adedeŋ, ka ecelet, ka ainyanakin, nepepe ka ameŋeranut kere, 32#Kol 3:13; Mat 6:14; 18:22-35. koraas luisiaka bonik ka bonik, luitimonoros, ido kisionionoros, kwape kisionio Edeke da yes kotoma Kristo.

Currently Selected:

Ipeson 4: AOV1961

Highlight

Copy