Ipeson 3

1 # Pil 1:7,13; Kol 1:24. Kanuka ŋun eoŋ Paul, eenat loka Kristo Yesu kanukus kImo,— 2#Kol 1:25. arai ipotu kiirasi nuka aijokokinio naka asianut naka. Edeke nakainakinio kanukus, 3#Pes 1:9,10; Kol 1:26. kwape ketejenikinere kapukokinio aiyeiyea kwape abu kewadikaa sek kanuesupaaka. 4#Kol 1:26-27. Naisiomiata nu ipedorete ajenun akamisianut nakotoma aiyeiyea naka Kristo, 5namam apotu odwe luka ituŋa kojenut katurio ace, kwape apukorere kwana mama ejaas ikekiyakia lukalaunak ka inabin da kotoma Omoyo; 6#Pes 2:13,18,19. ŋes atemar ebe eraas Imo ikerumak nepepe kasio, atutubeta nuka akuan adiopet, ka ikamorak da luka aisumunet kotoma Kristo Yesu kanuka Akiro Nukajokak.

7 # Kol 1:25,29. Abu eoŋ karau ekejaanakinan loka ŋun, kwape ejaar ainakinet naka asianut naka Edeke nakainakinitai eoŋ, kwape ejaar aswam naka akepedor, 8#1 Kor 15:9,10; Pes 1:7; Gal 1:16. Kainakinitai eoŋ asianut na, loarai loadit noi adepar lukalaunak kere alimonokin Imo Akiro Nukajokak nuka abar namam imarun naka Kristo, 9#Rom 16:25; Kol 1:26,27. ka aitacaikin da ituŋa kere tetere eanyunete aijokokinio kwape ejaar nakaiyeiyea nakibwaitai ameun apeŋo kotoma Edeke lokesubi iboro kere; 10#1 Pet 1:12; Rom 11:33; Kol 1:26. tetere ejenunete ikayaitok ka lukapolou lukotoma aiboisio nuka akuj, acoa naka Edeke nakiponesio luipu, kotoma okanisa; 11#Pes 1:11. kwape ejaar alosikinit naka ikar kere nakelosikinit kotoma Kristo Yesu Ejakaitiwok, 12#Yok 14:6; Bur 4:16; Rom 5:2. Kotomakeŋ kija katitiŋ, kikunyakini da kamun, kanuka aiyuun ŋes. 13#Kol 1:24. Kanuka ŋun kelipit yes sirikitapalikinos kanuka aiticanioka kanukus, naerai aibusesukus.

14Kanuka ŋun akukonokin Papa kakuninika, 15kama emaikinere eipapaene kere loka akuj ka loka akwap da, 16#Pes 1:7; 6:10; Kol 1:11. ebe koinak yes kwape ejaar abar naka akeibuses, aitogogoŋio kapedor kotoma Omoyoke toma otuŋanane lokotoma, 17#Yok 14:23; Kol 1:23; 2:7. kiboienenei Kristo kotoma otauonokus kanuka aiyuun; tetere yes, icasete aliasiokus, iketakina da apetetaitikus, kotoma amin, 18#Kol 2:2. kogogoŋoros ajenun nepepe kalukalaunak kere kwape ejaar alalau, ka aojau, ka amukurur, ka aidules, 19#Kol 2:3. ka ajenun da amin naka Kristo naedeparit ajenunio, tetere itekoro kiton aitekoro kere naka Edeke.

20 # Kol 1:29. Aso mama ejai ŋol loepedori aswam noi noi adepar kere nukilipi arai nukiwomit, kwape ejaar akepedor naiswamai kotomawok, 21kojai aibuses kotoma okanisa, kotoma Kristo Yesu da, kiton aturio kere ikar ka ikar. Amen.

Currently Selected:

Ipeson 3: AOV1961

Highlight

Copy