Ipeson 5

1 # Mat 5:48; Kol 3:12. Aso koputorito Edeke kwape idwe luminan. 2#Any 29:18; Sab 40:6; Gal 2:20; Bur 10:10; Kol 3:13; Esk 20:41. Kolosenenete da kotoma amin, kwape Kristo da kiminar yes koinakin elopet kanuwok, ainakinet ka asubanit da naeuru maa mama ejai Edeke.

3 # Pes 4:19; Kol 3:5. Konye adoteu ka asilianut kere ka airaŋaanut sirielimitoi cut kotomakus, kwape ibusakinitor lukalaunak. 4#Pes 4:29; Kol 3:8. Kinyeis nukileic, ka eyala nukabaŋaanut, karaida aboliar akiro, numam ibusakinito; konye gwai aimalaenen. 5#1 Kor 6:9,10; Kol 3:5; Asw 8:21. Naarai ijenete yesi kabeit ebe emamei yenedote, karaida yenesiliana, karaida yeniranaana, ŋes yenemai aputosia, yenejaas kairumet toma ajakanut naka Kristo ka Edeke, 6#Rom 1:18; Kol 2:4,8. Kinyek ituŋanan aiŋalaŋal yes kakiro nuemameete, naarai kanuka ŋun ŋes ebunokinia anyunyura naka Edeke odwe luiulaka. 7Aso sirikimorianakinos kakes, 8#Pes 2:11,13; Luk 16:8; 1 Pet 2:9; Yok 12:36. naarai iraas kolo amuton, konye kwana iraut aica kotoma Ejakait; kolosenenete do kwape idwe luka aica. 9Naarai araito nuka aica ejaas ajokis kere ka adolit ka abeit da. 10#Rom 12:2. Kitemete nuitojokit Ejakait. 11#Yok 16:8. Kwabo siridicasi kaswamisio numam eraete, nuka amuton, konye kitoronata kes. 12#Rom 1:24. Naarai erai nakileic alimit ŋun nuiswamaete kesi kaiyeiyea; 13#Yok 3:20,21. konye nuitoronit aica kere, etakanunete, naarai ŋinikirot kere naetakanunitai, ŋes aica. 14#Isa 26:19; 60:1; Rom 13:11; 6:13. Ŋes ebalar ebe,

“Kokweny, ijo yenijotoi, kojaru kokatwak, Kicaikini Kristo.”

15 # Mat 10:16; Kol 4:5. Aso kocoito noi kwape ilosenenoto, mere kwape luemamei acoa, dimarai kwape luejai acoa, 16#Kol 4:5. koyuununete apak, naarai eroko apaarasia nu. 17#Rom 12:2. Kanuka ŋun siriraas ibaŋiok, konye kojenut nuekot Ejakait kwape ejaatar, 18#Awa 23:31; Luk 21:34. Kwabo sirimeranakinos ajon, naarai eyaunete iceleta; konye kilelebununos Emoyo, 19#Kol 3:16-17; Sab 33:2,3. kinerenenas kotoma osabulin, ka ikososinei, ka nupwakan nuka emoyo, koyeenenete, kituruonokinete Ejakait lueruos kotauonokus, 20#Kol 3:17. kimalaenenete Edeke Papa apaarasia kere, kanuka kere, kokiror loka Ejakaitiwok Yesu Kristo.

21 # 1 Pet 5:5. Kononokianakinos bonik kotoma ayoŋit Kristo. 22#Kol 3:18; 1 Pet 3:1; Age 3:16. Yes aŋor, kononokikis ikiliokokus kwape inonokikiniata Ejakait, 23#1 Kor 11:3; Kol 1:18. naarai ekiliokit ŋes akou naka aberu, kwape Kristo da eraar akou naka ekanisa, ŋes Eketajaran loka akuan. 24Konye kwape enonokikinitor ekanisa Kristo, kwape kwaŋin aŋor da kononokikis ikiliokokec kaŋinikirot, 25#Kol 3:19; 1 Pet 3:7. Yes ikiliok, kominasi aŋorokus, kwape Kristo da keminar ekanisa koinakin kanukeŋ, 26#Tit 3:5. tetere italauni ŋes, kedau aitesegaar kailotar kakipi toma akirot, 27#Sab 45:13; 2 Kor 11:2. tetere ijaikini ŋes elopet ekanisa lokaibuses, komamei akemer, karaida asukokinet, karaida ibore kere yenikoni nen, konye korai lokalaunan, loemamei aitoronet, 28Kwape kwaŋin da ibusakinit ikiliok aminenena aŋorokec kwape awatekec kikulepek. Loemina akeberu eminakina bon. 29Naarai emamei etuŋanan loelait akekuan elopet, konye itani ka aricit, kwape Kristo da iswamakinitor ekanisa, 30#Pes 1:23; 1 Kor 6:15; Age 2:23. naarai kirai atutubeta nuka akuanake. 31#Age 2:24. “Kanuka ŋun ŋes inyeinia etuŋanan papake ka totoke da, kirotakinos kakeberu, kes da iarei eraunos adiopekuan.” 32#Apu 19:7. Epol aiyeiyea ŋin, konye enera nuka Kristo ka ekanisa. 33Konye ŋolituŋanan kayesi kominenena akeberu, kwape eminar bon, koyoŋitenenei aberu da okilenike.

Currently Selected:

Ipeson 5: AOV1961

Highlight

Copy