Aswamisio 4

1 # Luk 22:4,52. Napineras kituŋa, koponikis isasedotin ka ekapolokiton loka eyekalu ka Isadukayon, 2#Asw 23:8. ekadakinito noi naarai isisianakinete ituŋa, ka alimono kin ajarun naka Iukatwak kotoma Yesu. 3#Asw 3:1. Kikamut kogolokis aidaris kiton tupuruc: naarai kitiboŋit akwap, 4#Asw 2:47. Konye kiyuunito luipu luapotu kiirasi akirot; etiai da loka ikiliok kodol kwaka ilukumin ikany.

5Kosodi kanen tupuruc, kotukonokinos ikayaitokokec ka imakio ka ikewadikak Yerusalem; 6ka Anas losasedoti lopeti, ka Kaiapa, ka Yokana, ka Alegesanda da, ka ŋul lukeraas luka ekek loka losasedoti lopeti. 7#Mat 21:23. Kedautu aisibwo kes kokidiŋ, kiŋita ebe, “Kanuka apedor anyoin, ka okiror enyoin, iswamaata yesi nu?” 8#Mat 10:19,20. Kosodi Petero, kilelebun Emoyo Lokalaunan, kotema kes atiar, “Yes ikayaitok luka ituŋa, ka imakio, 9arai kiiŋisi lolo akiro nukajokak nueswamakinio loŋwalas, epone lokitanaleunere, 10#Asw 3:6,13-16. kojenutu yesi kere, ka ituŋa kere luka Isirael ebe, Kokiror loka Yesu Kristo loko Nasaret, lokibubukinete yesi, lokitajaruni Edeke kokatwak, kanuka ŋol ebwoi etuŋanan lo kakonyenekus eŋalei, 11#Sab 118:22; Mat 21:42. ŋol ŋes amoru nakinerete yesi ikadukok, naebwaikin araut amoru nati naka agor. 12#Mat 1:21. Kwabo emamei aitajar kotoma ece kere: naarai emamei ecekiror kokwap kakuj loeinakinitai ituŋa, loibusakinitor oni aitajario.”

13Kosodi keanyutu atitiŋ naka Petero ka Yokana, komisiikis da ebe eraas ituŋa lumam isisianakinitai, luemamei aijen, koumokis; kojenut da ebe kejaas kaYesu. 14#Asw 3:8,9. Nakeanyuniata da lokitaŋaleunio ebwoi nepepe kakes, komamuut nueboŋokinete, 15Konye kicorakis kes alomar kaurianet, kineranakinos ebe, 16#Yok 11:47.“Kikonakini ai ituŋa lu? Naarai idelelei kotuŋa kere luibojete koYerusalem ebe eswamai aanyunet naejenio kamakec; kwabo mam kipedori aiŋer. 17#Asw 5:28. Konye kinye akirot na aiyatakin aisiarakin otuŋa, ketukuriana kes, sirikinerata bobo kediotunanan kere kokiror kaŋol.” 18Konyaraut kes, kicorakis kinyeis einer cut karaida aisisianakin kokiror loka Yesu. 19#Asw 5:29. Konye koboŋokis Petero ka Yokana kotemasi kes atiar, “Arai edolit kakonyen nuka Edeke aiirar yes aitelekarit Edeke, kotuboto yesi: 20naarai mam kipedori ainyein einer akiro nukianyunit ka nukiirarit da.” 21Nakedauniata aitukurian bobo, koosikis, mam apedorete aitican kes kanuka ituŋa; naarai kitopolooritos ituŋa kere Edeke kanuka ŋun nukiswamao. 22Naarai keraas ikar luka etuŋanan lokiswamakinio naanyunet ŋin naka aitaŋaleun luedeparito akaisaoŋon,

23Nakeosikinere koloto neejaas ikecetuŋa, kitatamikis kes akiro kere nukelimokinete isasedotin lupeti ka imakio, 24#Any 20:11; Nek 9:6; Sab 146:6; Isa 37:16; Luk 2:29; Apu 6:10. Nakiirariata, kikeut ikeceporotoi nepepe mama ejai Edeke, kotemasi atiar, “Wu Ejakait, lokisubi akuj, ka akwap, ka aŋolol, ka kere da luejaas tomakec: 25#Sab 2:1-2. ibu kiner kotoma Emoyo Lokalaunan kaituk naka papaakosi Daudi ekonitelepat ebe,

‘Kanukinyo enyunyuratatar lukacekwapin, Ka ituŋa da itetemonoroto aamameak?

26Etemonokinos ikabakan luka akwapin, Etukonokinos ikayaitok nepepe,

Asurokin Ejakait, ka Lokinyonyoikitonoke akinyet.’

27 # Mat 27:1-2; Mk 15:1; Luk 23:1,7-11; Yok 18:28-29. Naarai abeit etukonokinos Kerode ka Pontio Pilato, nepepe ka Imo ka ituŋa luka Isirael ore lo asurokin ekonitelepat lokalaunan Yesu, loinyonyoikinit akinyet, 28#Asw 2:23. tetere iswamaete kere nuelosikinit akonikan, ka nuinerunit ŋol ajaun. 29#Pes 6:19. Kwana da, wu Ejakait, kosesen aitukurianakec: koinak ikonibulesin einer akirot katitiŋ kere, 30nairioria akonikan aitaŋaleun; kiswamai da aanyuneta ka nukaumokin kanuka ekiror loka ekonitelepat lokalaunan Yesu.” 31#Asw 2:2,4. Nakedauniata ailip, kitamaranai aibois kama ketukonokina; kilelebunos kere Emoyo Lokalaunan, kinerata akirot naka Edeke katitiŋ.

32 # Asw 2:44-45. Kejaas ekodet kere loka luiyuunito ketau ediopet ka aijar adiopet: kwabo emamei idiopet yenikebala ebe ibore kere yenejaatar erai yenike; dimarai emorikikinito iboro kere. 33#Asw 2:47. Kitejenut ikiyakia ajarun naka Ejakait Yesu kapedor naepol, kojai asianut naepol mamakec kere. 34#Asw 2:45. Amamei yenilwaritoi kotomakec, naarai ituŋa kere lukejaas amanat arai itogoi, apotu kogwelanasi, koyaata etiai loka iboro lukegwelunete 35kibwaikis akejen nuka ikiyakia: kokorakinai ŋinituŋanan kwape kipudar. 36#Asw 11:22,24; 13:4; 15:39. Yosep da, lokenyaraete ikiyakia Baranaba, (apolouke Okoku loka aitalakaar) Elebit, lokeurikinio Kupuro, 37kejai ŋes amana kogwela, koyau apesan kibwaik akejen nuka ikiyakia.

Currently Selected:

Aswamisio 4: AOV1961

Highlight

Copy