Aswamisio 5

1Konye ekiliokit ediopet, ekekiror Anania, ka akeberu Sapira, abu kogwela ibore yenajaatar, 2#Asw 4:37. kiŋadak acepesan kotiai, kojeni akeberu da, koyau ace, kibwaik akejen nuka ikiyakia. 3#Yok 13:2. Konye kotema Petero atiar, “Anania, kanukinyo kisilelebia Satan etaukon aimod Emoyo Lokalaunan, ka aiŋadakin da acepesan kotiai loka amana? 4Arai kesalakinit mam egwelara, mam kereka kesalit erai nakon? Nakedaunere agwelar, mam kerai nakakonipedor? Kikonakini bo ai ibwaikin akirot ŋin otaukon? Mam imodit ituŋa konye Edeke.” 5Nakiiraria Anania akiro ŋun, kibiror kotwana. Kokuriakaros ituŋa kere noi lukiirarete ŋun. 6Konyout ikatumunak konunukoto, kodakasi kiŋa, kidaata.

7Ketuboros bala isawan iuni kolom akeberu da komam ejeni nukedoikinete. 8Kotema Petero atiar, “Kolimokinai, ipotu kereka kogwelasi amana kotiai kaŋol” Kotema atiar, “Eebo, kotiai kaŋol.” 9Kotema Petero atiar, “Kanukinyo ineruniata akodun Emoyo loka Ejakait? Koany, akejen nuka luedaete okilenikon ejaas okek, kidakarete jo da.” 10Atipet kibirokin akejeke kotwana. Kolomut ikatumunak kodumut ketwana, kodakasi kiŋa, kidaata kidunyas kokilenike. 11Kokurianar Ekanisa kere, ka ituŋa kere lukiirarete ŋun,

12 # Asw 3:11. Kiswamai aanyuneta ka nukaumokin nuipu kotuŋa kakanin nuka ikiyakia. Kojaenenas kere nepepe kediopetau alomaret naka Solomon. 13Ice da mam apotu kotitiŋikis aimorikikin kakes, konye ituŋa kitopoloorito kes. 14#Asw 2:47; 6:7; 21:20. Kiyatanakinos lukiyuunito mama ejai Ejakait, ikepuak, ikiliok ka aŋor; 15#Asw 19:11,12; Mk 6:56. kodakununete lukadekak orotin, ka aiperionokin ojam ka opalisin, tetere naitorio Petero kodolokini etoribeke ice kakesi. 16Kotukonokinos da ituŋa lukoreria lukeapias ko Yerusalem, koyaununete lukadekak ka ŋul lukiticanenete ajokin nueroko; kitaŋaleunoi kes kere.

17 # Asw 4:1,6. Konye konyou losasedoti lopeti ka lukejaas nepepe kaŋes kere, ŋes erioŋet loka Isadukayon, ileleba ekolo, 18Kikamut ikiyakia koenikis aidaris naka ituŋa kere. 19#Asw 12:7. Konye kuare koŋaa emalaika loka Ejakait ikekia luka aidaris, kitolom kes kotema atiar, 20“Koloto, kobwaata koyekalu kolimokis ituŋa akiro kere nuka Aijar kana.” 21Nakiirariata kesi, kolomasi oyekalu tupuruc sek, kisisianakis.

Konye kobu losasedoti lopeti, ka ŋul lukejaas nepepe kaŋes, konyaraut aurianet, ka imakio kere luka idwe luka Isirael, kiyakiasi ituŋa aidaris tetere eyaunete kes. 22Konye nakedolioto ikejaanakinak mam eanyuna kesi kaidaris; koboŋut kolimokis kes ebe, 23“Kidum aidaris eenen ejok, ebwoete ikedarak da kokekia; konye nakiŋaaria mam edumuna idiotuŋanan kotoma.” 24Nakiiraria ekapolokiton loka eyekalu ka isasedotin lupeti akiro ŋun, kobuonokinos noi kanukec ebe, “Ikonakini bo do akirot na ai?” 25Kobu etuŋanan kolimok kes ebe, “Ituŋa ŋul lukienikinito yesi aidaris ejaas toma oyekalu, ebwoete isisianakinete ituŋa.” 26Kosodi kolot ekapolokiton nepepe ka ikejaanakinak koomata kes, konye mere kagogoŋ, naarai kekuriaka ituŋa kinyeis aibiribir kes kamor.

27Nakeyauniata, kibwaikis akonyen nuka aurianet. Kiŋit losasedoti lopeti ebe, 28#Mat 27:25; Asw 4:18.“Kipou kecorakis yes kagogoŋ ebe Sirikisisianakis kokiror kalo; ido koany, ilelebata Yerusalem kaisisianakinikus, ikotosi ayaŋaun aokot nuka etuŋanan kaŋol mamakosi.” 29#Asw 4:19; Dan 3:18. Konye koboŋokis Petero ka ikiyakia ebe, “Kibusakinit arimarit Edeke aitelekarit ituŋa. 30#Ikis 21:22; Asw 3:15. Abu Edeke loka lukapapaawok kitaiaru Yesu, lokiarete kaikajakin okitoi. 31#Asw 2:33; Bur 2:10; 12:2. Etopoloo Edeke ŋes kakanike nakoteten korau Lokapolon ka Eketaiaran, koinak Isirael aitoronokin ka aisionio adiakanareta. 32#Luk 24:48; Yok 15:26,27. Kirai isio ikajenak luka akiro kaŋun, nepepe ka Emoyo Lokalaunan, loainak Edeke kere luerimasi ŋes.”

33 # Asw 7:54. Nakiirariata ŋun, konomos noi ikecetauon, kinerut aiar kes. 34#Asw 22:3. Konye etuŋanan ediopet, Eparisayot ekekiror Gamaliel, ekesisianakinan loka ikisila, lokeyonito ituŋa kere, kobwo kaurianet, kicorak kitolomarai ber ikiyakia kiŋa. 35Kotema kes atiar, “Yes ikiliok luka Isirael, kocoito nuiswamakinete ituŋa ŋul. 36#Asw 21:38. Naarai eroko apaarasia nu edoluno abu Teudas konyou, kituro ebe erai lokapolon; kimorikikinos ŋes kituŋa bala akwat aoŋon; konye koarai ŋes, kere da lukerimarete ŋes kisiarakinos, mam eraun ibore. 37#Luk 2:2. Akaulo kaŋol konyou Yuda Egalilayat, kapaarasia nuka aibil akwes, kiria ice kotuŋa atupar ŋes; ŋes da abu koolio; kere da lukerimarete ŋes kisiarakinos. 38#Mat 15:13. Kwana da katemari yes atiar, Kinaca ituŋa ŋul, kinyeisi kes; naarai akirot na arai aswam na, arai erai naka ituŋa, eoliori; 39#Asw 9:5. konye arai erai naka Edeke, mam ipedorete aitoolior kes; kinyeis diat atakanun bala itijiete Edeke.”

40 # Asw 22:19. Kocamut akekiro; nakenyarauniata ikiyakia, kodaata, kicorakis kes kinyeis einer kokiror loka Yesu, koosikis. 41#Mat 5:10-12; 1 Pet 4:13. Aso kolomut kesi kaurianet, iyalamasi naarai imaritai luibusakinit aiticanio kanuka Ekiror kaŋol, 42#Asw 18:5. Ido ŋinipaaran, koyekalu ka oreria da mam inyeina aisisianakin ka alimonokin nuka Yesu ebe ŋes Kristo.

Currently Selected:

Aswamisio 5: AOV1961

Highlight

Copy