Aswamisio 3

1Kosodete edokarete Petero ka Yokana alosit oyekalu esawa loka ailip, ŋes lokikanyetekaoŋon. 2#Asw 14:8; Yok 9:1. Ido adakitai etuŋanan Ioeŋwalit ameun kaurioke, lokibwaanakinio ŋinipaaran orute loka eyakalu loenyaritai Lokajokan, tetere ilipitoi nukaitim kama ejaas ituŋa luelomanarete toma oyekalu, 3Keanyu ŋol Petero ka Yokana elomarete oyekalu, kilip kes nukaitim. 4#Asw 14:9. Kosodi Petero kosesen ŋes nepepe ka Yokana, kotema atiar, “Kiteoi sio.” 5Koŋolia kes, komun adumun ibore kamakec. 6#Asw 3:16. Konye Petero kotema atiar, “Emamei eoŋ epuesa karaida esabu; konye yenikija keoŋ, kainakini ŋin, Kokiror loka Yesu Kristo loko Nasaret, kosakasak.” 7Kitiŋ akekan nakoteten, kitonyou ŋes: atipet kodomut akekeje ka ikekurunya agogoŋ. 8#Yok 5:14. Kodetu, kobwo, kogeu alosit; koloma oyekalu nepepe kakes, elosi, esomanari, iturit Edeke, 9Koanyut ituŋa kere elosi iturit Edeke. 10Kojenata ebe kerai ŋesi ŋopeŋol lokiboie ilipitoi nukaitim korute Lokajokan loka eyekalu: koumokis noi ŋin naedoikinit ŋes.

11 # Asw 5:12. Naperiŋa ŋesi itiŋit Petero ka Yokana, kokerut ituŋa kere mama ejaas toma alomaret naenyaritai naka Solomon, eumokinitos noi. 12Nakeanyunia Petero, Koboŋok ituŋa ebe, “Yes ikiliok luka Isirael, kanukinyo iwumokinitotor nu, kanukinyo da kiseseniata sio, bala Iem kitolosi ŋes kakosipedor arai bo kakosiyoŋit Edeke? 13#Any 3:6,15; Asw 5:30; Isa 52:13; 53:11; Asw 2:23. Edeke loka Aburaam, ka loka Isaak, ka loka Yakob, Edeke loka lukapapaawok etopoloo Eketelepat Yesu; loipotu yesi kijaikis, ka aiŋer kakonyen nuka Pilato, nakekotor aosikin ŋes. 14#Mat 27:15-23; Mk 15:6-14; Luk 23:13-23; Yok 19:12-15. Konye yes ipotu koŋeroto Lokalaunan Lokadoliton, kilipa ainakinio ekaaran, 15#Asw 4:10; 5:31; Bur 2:10. koarata Ekapolon loka aijar; lokitajaruni Edeke kotoma okatwak, Kirai isio ikekajenak. 16Kanuka aiyuun ekekiror ainak ekekiror etuŋanan lo agogoŋ, loianyunete loijenete da; eebo, aiyuun ŋin naejai mamakeŋ ainak lo aŋaleu naeleleba kakonyenekus kere.

17 # Luk 23:34; 1 Tim 1:13. “Kwana da iinacan, ajeni ebe iswamato ŋun kanu mam ijeniata, kwape eswamaata ikayaitokokus da. 18#Luk 24:27. Konye akiro kwa nukelimonokini Edeke ameun apeŋo kaituk nuka inabin kere ebe ibusakinit Kristoke aiticanio, etodoliki kwaŋin, 19#Asw 2:38. Aso do kitoronikinos, kibelokinos, komwatarai akusidiakanareta, tetere edolete apakio nuka aisikwarunio nuepote kama ejai Ejakait, 20Ido tetere ijukuni Kristo lokiseikinitai apeŋo, ŋes Yesu: 21loibusakinit akuj aisukunyikin aitodol apakio nuiteteunere akiro kere nukinerit Edeke kaituke nuka inabinoke lukalaunak ameun kageunet naka akwapin. 22#Ikis 18:15,18; Asw 7:37. Naarai enerit teni Musa ebe, ‘Kitonyoikini yes Ejakait Edeke enabi kotoma oinacanakus loeputos keoŋ. Ŋol ŋes iirarete kotoma akiro kere nukilimokini yes. 23#Ikis 18:19; Leb 23:29. Kosodi kanen, ŋinituŋanan yenimam iirari enabi ŋol emudiario kotuŋa.’ 24Eebo, inabin kere ameun ka Samuel ka luketupakinete ŋes, kere lukineras, kelimonokinete nuka apaarasia kanu. 25#Age 22:18; 12:3; Gal 3:8. Iraas yesi idwe luka inabin ka aitutuket ŋin nakitutuki Edeke kalukapapaakus, elimokini Aburaam ebe, ‘Isirereŋio atekerin kere nuka akwapin kotoma aurikon.’ 26#Asw 13:46. Kedau Edeke aitaiarun eketelepat Yesu, kijuku ber mamakus, tetere kisirereni yes aibelokin ŋinidiopet kayesi kotoma nukaronokokus.”

Currently Selected:

Aswamisio 3: AOV1961

Highlight

Copy