Aswamisio 2

1 # Leb 23:15-21; Ikis 16:9-11; Asw 1:14. Nakedolio apaaran naka Pentekosit, kejaas kere nepepe aibois adiopet, 2#Asw 4:31. Koŋesun airuruma kokuju bala airuruma naka ekwam loekusi ka gogoŋ, kilelebun etogo kere lokiboioto. 3#Mat 3:11. Kotakanut aŋajepa nuketiakatiaka bala nuka akim; kodoik ŋinidiopet kakesi. 4#Asw 4:31; 10:44-46; 19:6. Kilelebai kere Emoyo Lokalaunan, kogeut einer aŋajepa ace, kwape keinakinia Emoyo kes einer.

5 # Asw 13:26. Kejaas Iyudayan lukiboiete koYerusalem, ituŋa luiyapaarito lukepote kaŋiniteker nakokwap kakui. 6Kosodi nakiirarere airuruma ŋin, kotukokinos ikodeta, kitirirata, naarai abu ŋinituŋanan kiira kes inerasi aŋajepeke. 7Koumokis kere noi noi, kobalas ebe, “Koany, mam kereka lu kere luinerasi eraas Igalilayan? 8Inyo bo ainaki oni aiirar, ŋinituŋanan aŋajepewok nakiwuriere? 9Iparatian, ka Imedin, ka Iyelamin, ka luibolete koMesopotamia, ko Yudaya da, ka Kapadokia, koPonto ka Asia, 10ko Purugia, ka Pampulia, ko Misiri ka atutubeta nuka Libua aapu ka Kurene, ka ice lukepote ko Rome, Iyudayan ka ikebelokinok, 11Ikuretan, ka Iyarabun, kiira kes inerasi aŋajepawok aswamisio nuepolok nuka Edeke.” 12Koumokis kere, kobuonokinos, kotemanaros atiar, “Inyo bo apolou kanu?” 13Konye kokienatar ice kobalas ebe, “Emeras ajon nuwinyiwiny,”

14Konye kobwo Petero nepepe ka lutomon ka lodiopet, kikeseu ekeporoto kolimok kes ebe, “Yes ikiliok luko Yudaya, ka yes da kere luibojete koYerusalem, kojenut akirot na, kopuputu akakiro. 15Mam ituŋa lu Emerasi, kwape iwomitotor yesi, naarai eraas isawan iuni luka apaaran; 16#Yoe 2:28-32. konye erai na naenerit enabi Yoel ebe:

17‘Ebala Edeke ebe, Ejaun kapaarasia nukawasia,

Abukokini awat kere Ekamoyo,

Edwarete rwaru ikusidwe lusap ka lupesur,

Eanyunete ikusikatumunak aitapoeta,

Irujaete ikusimakio airujasia.

18Eebo apaarasia ŋun abukokini ikabulesin

ka akabulesin Ekamoyo, edwarete kesi.

19Etodikini nukaumokin kokuju toma akuj,

Ka aanyuneta kakwap kokwap,

Aokot, ka akim, ka euria loka apuru;

20Ituluorio akoloŋ amuton, Elap da araun aokot,

Eroko edoluno apaaran naka Ejakait, Nakapolon naejenikina,

21 # Rom 10:13. Kosodi kanen, ŋin yeniwonei ekiror loka Ejakait itajario.’

22 # Yoe 3:2. “Yes ikiliok luka Isirael, kopuputu akiro nu: Yesu loko Nasaret, ekiliokit lokitodiar Edeke mamakus kanuka aswamisio nukapedor, ka nukaumokin ka aanyuneta da nukiswamai Edeke kotomakeŋ kokidiŋikus, kwape ijeniata yesi ikulepek, 23#Mat 27:35; Mk 15:24; Luk 23:33; Yok 19:18; Asw 4:28; 1 Pet 1:20. Yesu ŋol, lokijaikinio kanuka ainerun ka aijen naka Edeke ameun apeŋo, ipotu yesi kibubukis, koarata kakanin nuka ituŋa lukaronok. 24#Mat 28:5-6; Asw 3:15; Mk 16:6; Luk 24:5. Konye kitajaru ŋes Edeke, kolaca ariebo naka atwanare; naarai mam epedoro aikamunit ŋes, 25#Sab 16:8-11. Naarai inerit Daudi kanukeŋ ebe,

‘Abu kaanyununei Ejakait kakonyeneka,

Naarai ejaenena akanika nakoteten, Kenyek airiaŋiriaŋa.

26Ŋes iyalamikinor ekatau, elakanari da akaŋajep;

Bobo da iboie akakuan kotoma amun.

27 # Asw 13:35. Naarai mam jo inyeini ekatau kokatwak,

Karaida aijaikin Lokalaunanikon aibos.

28Kitejenik eoŋ irotin luka aijar;

Kilelebikini eoŋ aiyalama kakonyenekon.’

29 # Asw 13:36; 1 Ika 2:10. “Ikiliok iinacan, apedori atitiŋikin alimokin yes nuka papaawok Daudi ebe abu kotwana konukai, ejai da atesike mamawok kiton lolo. 30#Sab 132:11; 89:3,4; 2 Sam 7:12-13. Aso kanu keraar enabi, kojeni ebe iyapoikinit Edeke aiyaposit ebe, kotoma aurike edakakini ediopet oicoloŋoke, 31#Sab 16:10. abu ŋesi kogeik aanyun kinera da nuka ajarun naka Kristo ebe, mam aponi kinyeinai Okatwak, karaida akekuan aibos. 32Yesu ŋol abu Edeke kitajaru, kirai isio kere ikajenakake. 33#Asw 1:4. Aso kedaun aitodokaar kiton akan nakoteten naka Edeke, ka ainakinio kama ejai Papa aisumunet naka Emoyo Lokalaunan, abuku lo loianyunete loipupete da. 34#Sab 110:1. Naarai mam Daudi abu kodoka toma akuj; konye ebala ŋesi elopet ebe,

‘Abu Ejakait kotema Ekajakait ebe,

Kiboikin akanika nakoteten,

35Aitodol naebwaikinia lukasurupokon kere

Araut iicoloŋ yenika akejekon.’

36 # Asw 5:31. Aso kojen ekek kere loka Isirael kabeit ebe etarau Edeke ŋes Ejakait ka Kristo da, ŋes Yesu loipotu kibubukis.”

37 # Asw 16:30. Nakiirariata ŋun koditasi ikecetauon, kobalas Petero ka ikiyakia ice ebe, “Kekonakis ai, iinacan?” 38#Asw 3:17-19; Luk 24:47. Kotema Petero atiar, “Kitoronikinos, kibatisaunos, ŋinituŋanan kayesi, kokiror loka Yesu Kristo, kanuka aisionio naka adiakanaretakus; kiinakinio ainakinet naka Emoyo Lokalaunan, 39#Yoe 2:32; Isa 57:19. Naarai aisumunet erai kanukus ka ikusidwe da, ka ituŋa kere luelwaka, kere luenyarauni Ejakait Edekewok mamakeŋ.” 40#Ikis 32:5; Pil 2:15. Kitejenu kes kakiro ace nuipu ka aicor da ebe, “Kitajarunos katur kana namagul.” 41#Asw 4:4; 5:14. Aponi kibatisai ŋul lukecamunete akekirot, kiyatakinos ituŋa kapaaran kaŋin bala ilukumin iuni. 42#Asw 20:7. Kinyikokinito kaisisianakin naka ikiyakia, ka eidicane, ka aibil emugati, ka ailipasia da.

43Kokurianari ŋinituŋanan; kitwasamai ikiyakia aswam nukaumokin nuipu ka aanyuneta da. 44#Asw 4:32-35. Kojaas luiyuunito kere nepepe, kimorikikina koboro kere; 45Kogwelanasi luebeito ka iborokec ka akoranakin ituŋa kere, kwape kipudar ŋinituŋanan. 46#Asw 2:42. Kinyikokinito ŋinipaaran ketau ediopet kotoma oyekalu, ebilete emugati kore, komorete kalakara ka etau loelai, 47#Asw 4:4; 5:14; 11:21; 14:1. ituritos Edeke kitojokito ituŋa kere. Kiyatanakini Ejakait otiaikec ŋinipaaran lukitajario.

Currently Selected:

Aswamisio 2: AOV1961

Highlight

Copy