Lawana Nani 98
98
LAWANA 98 (97)
¡Dawan ba pura luan lâka alkan sa!
Lawana.
1¡Man nani bui Dawan ra lawana raya kum aiwans,
kan witin diara aihka daukan bamna!
¡Kan witin pura luanka ba alkan sa,
karnika tara bara ai klahkla ba wal!
2Dawan, witin pura luan, ba upla ra maisa pakan sa;
ai kasakka lâka ba sin marikan sa
nisan nani nakra kat;
3witin ai latwanka lâka bara ai kasakka lâka ba,
piu bani bri kan Israel luhpia nani ra.
¡Gâd mita pura lui ba mariki kan
tasba aiska ra paski takaskan ba kat kaikan sa!#Ais 52.10.
4Gâd ra liliakira aiwans,
tasba ra iwi nani ba sut;
lilia lâka aiska mariki,
witin ra lawana nani aiwani bas.#Law 100.1.
5Dawan ra arp kangbi lawana aiwans,
gitar awa bri nani ba wal sin.
6Dawan wan kingka ra liliakira aiwans,
trumpit binka tara dauki ba wal.
7Kabu ba bin tara daukbia,
bara kabu bilara ba sin;
tasba aiska ra upla nani iwi ba sin;
8mihtam pruks awala nani;
unta tasbaya, dus nani pâwi ba,
liliakira asla taki banhs,#Ais 44.23.
9Dawan mawanra,
witin tasba na wihtka aimakaia aula.
Tasba aiska na wihtka aimakbia
kasakka lâka bara sibrin luha ba wal.
Currently Selected:
Lawana Nani 98: MSKTU
Highlight
Share
Copy
Want to have your highlights saved across all your devices? Sign up or sign in
© 2010 Bible Society in Nicaragua
