Lawana Nani 97
97
LAWANA 97 (96)
¡Dawan ba King!
1¡Tasba aiska ba, liliam bas!
¡Kî dakura nani ailal ba sin lilia bas!
¡Dawan ba king sa!
2Kasbrika twakni ni kutbi kir brisa;
kasakka lâka bara diara wapni daukaia ba,
ai iwaika ra alki brisa;
3pauta klauhi ba, witin ai tâura auya,
bara ai waihla nani kutbi kir bri ba sut ami lubia.
4Ai imyulika nani ba mita,
wan tasba aiska ba ingni daukisa;
¡baha kaiki tasba ba tatatwisa!
5Dus nani unta biara ra pâwi ba,
blas baku slilwisa#Miq 1.4; Nah 1.5.
Dawan mawanra tasba aiska dawanka ba mawanra.
6Kasbrika purara nani ba ai kasakka lâka dukiara aisisa;
upla nani sut ai prana ba kaikisa.
7Gâd bahki ra mayuni nani ba sut witin ra bawbia,
witin nani baman sa luki banhwi ba sut.
¡Gâd bahki nani sut ba, witin mawanra bawbia!
8Man Dawan, Saion bara Juda tawanka uplika nani ba
man lâmka bîla nani ba dukiara lilia sa;
9kan man Dawan Laih Purara iwisma ba,
man tasba aiska ba purara sma,
bara man kau purara sma,
Gâd bahki nani sut ba wal.
10Dawan ba latwan kaikisa,
baha uplika nani saura ra misbara kaiki ba;
kasak luki nani rayaka ba, kan kahbi brisa;
upla watawikira nani mihta ra kauhaia ba wina dakbi sakisa.
11Ingni ba ingwisa, upla kasakkira nani dukiara,
lilia lâka ba upla kulkanka bri nani ingnika sa.
12¡Liliam bas Dawan ra, upla pain nani sma ba,
bara ai nina holikira ba mayuns!
Currently Selected:
Lawana Nani 97: MSKTU
Highlight
Share
Copy
Want to have your highlights saved across all your devices? Sign up or sign in
© 2010 Bible Society in Nicaragua
