Lawana Nani 96
96
LAWANA 96 (95)
Lawana raya kum Dawan ra
(1 Kr 16.23-33)
1Dawan ra lawana raya kum aiwani banhs;
Dawan ra aiwans, tasba ra iwi nani sma ba sut;
2Dawan ra aiwani banhs,
witin ai nina ba yamni sa wis,
witin swaki sakan lâka ba yu bani ra aisi bas.
3Ai prana ba dukiara aisi bas,
diara aihka tara dauki ba dukiara sin upla
nani sut ra bara nisan nani sut ra sin aisas.
4Kan Dawan ba tara sa,
bara aitani sa witin ra mayunaia:
¡gâd nani sut purkara kau saurakira sa!
5Upla sât wala nani Gâdka sut ba bahki sa,
sakuna Dawan sika kasbrika pura ba paskan.
6¡Ai mawanra ingni tara bâra sa!
¡Karnika bara kupia painka prana bâra sa,
Dawan wal prawaia watla ra!
7Dawan ra yas, tasba uplika nani sut,
Dawan ra yas karnika bara prana lâka ba;
8Dawan ra kulkanka lâka yabaia
aitani ba kat yas;
prisantka nani brih bal ai watla ra dims,
9man nani bui Dawan ra mayuns
witin wal prawaia watla painkira ra.#Law 29.1-2.
¡Tasba aiska ba, witin ai mawanra tatatwi kabia!
10Nisan nani ra wis:
“¡Dawan ba king sa!”
Tasba aiska ba bapan sa, nikwaia apia dukiara;
witin bui upla nani lâka daukbia kasakka lâka ra.
11¡Kasbrika pura nani ba lilia takbia,
bara tasba ba sin!
¡Kabu ba lawi bin tara daukbia,
dîa kabu bilara ba sin!
12¡Twi bara dîa dîa ai bilara bri ba sut!
¡Dus tara nani, unta biara nani ba sut lilia wini kabia;
13Dawan mawanra, witin aula ba!
¡Âu, witin aula tasba wihtka aimakaia
bara tasba aiska uplika nani wihta aimakaia
kasakka lâka bara kasak tânka ba wal!
Currently Selected:
Lawana Nani 96: MSKTU
Highlight
Share
Copy
Want to have your highlights saved across all your devices? Sign up or sign in
© 2010 Bible Society in Nicaragua
