Lawana Nani 95
95
LAWANA 95 (94)
Dawan ra liliakira aiwanpi
1Man nani sut bal, liliakira Dawan ra aiwanpi;
aiwanpi wan kan kakahbra,
bara wan Swaki Sasakra ra.
2Dimi wap ai mawanra tingki lâka wal,
bara lawana aiwanpi,
witin ra kulki ba lâka wal.
3Kan Dawan ba Gâd tara sa,
King tara sa, gâd nani sut Gâdka.
4Witin ai mihta ra tasba pîska kau tihu ba brisa;
unta biara kau purara ba, witin dukia nani sa.
5Kabu ba witin ai dukia sa, kan witin paskan bamna;
¡tasba lâwan ba witin ai mihta pali ni paskan sa!#Law 24.1-2; 89.11-12.
6Man nani bal,
wan lula ra bawi witin ra mayunpi;
Dawan mawanra wan lula krikpi,
kan witin wan paskan bamna.
7Witin yawan wan Dawanka,
bara yawan na witin ai uplika nani;
yawan na ai sîpka daknika,
twi langnika nani ra ba.
Man nani naiwa wals, witin dîa aisi ba:
8“Man nani kupiam karna daukpara,#Hib 3.15; 4.7.
Meribá ra baku;
baha yua Masá twi ra takan ba baku,
9damikam nani yang traiki kaikan,#Imp St 17.1-7; Kul K 20.2-13; Law 106.32-33.
yang warkki nani ba sut kaikan sa sakuna.
10Baha kiamka nani ba wal
40 mani kupi sauhki katna,
bara wîri:
‘Naha uplika nani sut tiwi wataukisa;
yang lâika bîla nani wali daukras.’#Kul K 14.20-23,33; Kli S 1.34-36; Hib 4.3,5.
11Baha mita kupi baiwanka wal swer takri#Kli S 12.9-10.
witin nani kumi sin ris yabaisna pliska ra dimbia apia.”#Hib 3.7-11.
Currently Selected:
Lawana Nani 95: MSKTU
Highlight
Share
Copy
Want to have your highlights saved across all your devices? Sign up or sign in
© 2010 Bible Society in Nicaragua
