Lawana Nani 99
99
LAWANA 99 (98)
Dawan ba King tara sa
1¡Dawan ba king sa!
¡Witin ai iwaika ba kirubin nani purara brisa!
Nisan nani ba tatatwi kabia, tasba aiska ba sin.#Imp St 25.18-22; 1 Sa 4.4; Law 80.1; Ais 37.16.
2Dawan ba tara sa, Saion ilka purara sa;
Dawan ba upla banhwi nani ba sut purara sa.
3Witin ai nina ba mayunan kabia,
witin ba tara bara sibrinkira sa;
¡Gâd holikira sa!
4Man ba king kum karnakira sma,
man sin kasakka lâka ra latwan kaikisma
man bui bapram, wal baku kaia lâka ba;
Jekob luhpia nani ra,
kasakka lâka ba bara wapni kaia lâka ba sin.
5¡Man nani bui Dawan wan Gâdka ra mayuns,
witin ai mina ra lulam kriki banhs!
¡Gâd holikira sa!
6Moses bara Eran wal, ai prîska nani tilara sa,
Samuil lika nina mayuni ba tilara sa.
Dawan wali kan witin nani hilp pliki makabi kan piua ra.
7Gâd bui witin nani ra aisin,
kasbrika playka nani ba tila wina,#Imp St 33.9.
bara baha lâka ba aiska daukan
dîa lâ witin nani ra yan ba kat.
8Dawan, yawan Gâdka,
¡man baha nani ra pana un kahbatma!
Man ba witin nani saurka swih tatikra Gâdka takram,
sakuna ai watawanka daukan ba tâwan klala sin yabram.
9Man nani bui Dawan ra mayuns,
yawan wan Dawanka ba,
¡nina holikira ra ai mawanra lulam kriki bas!
¡Yawan wan Dawanka, witin ba holi sa!
Currently Selected:
Lawana Nani 99: MSKTU
Highlight
Share
Copy
Want to have your highlights saved across all your devices? Sign up or sign in
© 2010 Bible Society in Nicaragua
