Matiu 2
2
Sinskira nani lalma wina balan ba
1Jisas ba Judia tasbaya ra tawan kum nina Betlehem wi ba ra aisubi takan. Baha piua ra Herod lika baha kuntri kingka aimaki kan. Bamna laih lalma wina Jerusalem tawanka ra waitna sinskira nani balan, 2bara makabi walan:
—¿Anira sa Ju nani kingka aisubi takan ba? Yang nani ai slilmika laih lalma ra kaikri, bara nahara balri witin ra luli kriki mayunaia.
3King Herod naha walan, witin bara Jerusalem uplika nani aiska kira sin sibrin takan. 4Bara king mita paiwan prîs wihtka nani, Lâ Smasmalkra nani, bamna baha nani ra makabi walan Misaya ba#Misaya ba: Tânka kau param ulban bâra sa aisi kaikaia. anira aisubi takaia kan sapa. 5Witin nani bila:
—Judia tasbaya ra, Betlehem tawanka ra; kan prapit bui naku ulban sa:
6“Bamna man, Betlehem, Juda tasbaya ra,
Juda wihtka nani tilara man ba
kau sirpi pali apia sma,
kan man wina wihtka tara kum takbia,
bara witin mita upliki Israel luhpia nani ba tâ bri kabia.”#Miq 5.2.
7Bara Herod mita sinskira nani ba sâp paiwi, makabi walan slilma ba ahkia pali piua takan sapa. 8Bara witin nani ba Betlehem ra blikan wan, bara naku win:
—Man nani bahara was, bara tukta ba tânka pain pali makabi wals, sâkma ba ra, bal maisi paks, bara yang sin wih mayunamna.
9King aisin ba wali, sinskira nani ba mahka wan. Bamna kaiks, lalma ra slilma kaikan ba witin nani tâura auya kan, bara ban tukta bâra kan ba pura kat wih takaskan. 10Sinskira nani slilma ba kaikan ba ra, uya ai lilia takan. 11Witin nani utla bilara diman ba ra, tukta ba ai yaptika Meri wal kan kaikan. Bara tukta ba mawanra ai lula kriki, mayunan. Bara ai lalahka watla nani ba bukutbi, gul, dus mâka bara sîka mâka kîa painkira sin tuktika lupia ra prisant yan. 12Bara yaprisauhkan ra witin nani ra maisa pakan kan Herod ra kli waia apia, bara yabal walak ai tasbaya ra tawi wan.
Idsip ra plapan ba
13Sinskira nani mahka wan ba ningkara, Dawan insalka kum yaprisauhkan ra Josep ra latan taki, naku win: “Man bus, bara tukta ba ai yaptika wal brih Idsip ra plaps. Bahara takasks yang maisam pakamna ba kat, kan Herod tukta ba ikaia wisi plikbia bamna.”
14Bara Josep bûi, tihmia pali tukta ba ai yaptika wal brih, aikuki Idsip ra impakan. 15Witin nani bahara ban takaskan Herod pruan ba kat. Baha ba baku takan, Dawan bui prapit aisin ba aimakaia kan ba mita: “Idsip wina yang Luhpi winri.”#Os 11.1.
Herod tuktan waitna nani sut ikaia adar yabisa
16Herod kaikan sinskira nani witin ra kunin munan, bara ai kupia baiwan. Bara adar yaban Betlehem ra bara baha tawanka lamara iwi tuktika waitna sirpi mani wâl bri ba wina ai mâyara ba sut ikaia, sinskira nani bal witin ra win ba piua pali ba kat. 17Baku sika prapit Jirimaya ulbanka ba aimakan:
18“Ramá ra bîla baikra kum walata,
inanka nani bara sarka tara nani ba sin;
baha ba Raquel ai luhpia nani pura mata ini kan,
upla bui ai maisa nihkaia want apia kan,
kan pat sut pruan kan bamna.”#Jir 31.15.
19Sakuna Herod pruan ba ningkara, Idsip tasbaya ra Dawan insalka kum yaprisauhkan ra Josep ra latan taki, win: 20“Man bus, bara tukta ba ai yaptika sin brih, Israel tasbaya ra kli was, tukta ra ikaia pliki kan nani ba sut pat pruan bamna.”
21Bara Josep buan bara tukta ba ai yaptika wal brih, Israel tasbaya ra wan. 22Sakuna Josep walan Herod luhpia waitna Arquelao ba Judia ra ai aisika watlika ra king aimaki kan, bara bahara waia sibrin daukan. Bara yaprisauhkan ra maisa pakan ba ra, witin Galili tasbaya ra wan. 23Bahara wan ba ra, Nasaret tawanka ra wih iwan.#Mk 1.24; Lk 2.39; Jn 1.45. Baha ba ban takan, Gâd prapitka nani aisin ba aimakaia ba mata: “Jisas ba Nasaret uplika mâkan kabia.”
Currently Selected:
Matiu 2: MSKTU
Highlight
Share
Copy
![None](/_next/image?url=https%3A%2F%2Fimageproxy.youversionapi.com%2F58%2Fhttps%3A%2F%2Fweb-assets.youversion.com%2Fapp-icons%2Fen.png&w=128&q=75)
Want to have your highlights saved across all your devices? Sign up or sign in
© 2010 Bible Society in Nicaragua