Oseas 9
9
Israel purara klala aula ba Oseas aisisa
1Israel, man nani lilia kapara;
upla wala nani baku, âmyapah pali srutwi kapara,
man bui Dawankam ba lulki swiram
bara ur takram,
plawar mâ taya saki ba watla ra
ur takisma mana, mamna briaia lihkisma.
2Israel luhpia nani, plawar, wain sin bribia apia;
wainka disang ba, ailal apia kabia.
3Efraín kli Idsip ra wabia,
bara Asiria ra wih tâski kulkan pata nani ba pibia.
Witin nani lika Dawan tasbaya ra ban iwi kabia apia:
4bahara Dawan yamni kulki wainka dibia apia,
sakripais nani sin, bahara Dawan ra daukbia apia.
Ai pata pi ba sin sari pata pi kabia,
bara upla wala nani baha pata pibia uplika ba sin, tâski kulkan kabia.
Witin nani lika ai pata ba pibia,
sakuna Dawan tempelka ra brih waia sip apia kabia.
5¿Lilia daukaia yua ra, man nani dîa daukma,
sâpkira Dawan wal lilia takaia?
6Witin nani ra sauhki tikan kabia ba wina plapan;
Idsip witin nani ba bribia,
bara Menfis raitika ra bikan kabia.
Silbarka kukanka nani ba purara, inma nani pâwbia,
bara ai kiampka ra iwan ba tasbaya ra, kiaya nani pâwbia.
7¡Klala yabaia yua nani ba pat bal aimakan!#Lk 21.22.
¡Witin nani mana pali aibapaia yua pat balan!
¡Israel ai dahra walbia baha yua pat balan ba!
Man nani aisisma: “Prapit ba sinskas kum sa.
Diara takuya ba tânka bri, aisi uplika ba grisi kum sa.”
Witin nani baku aisisa, kan watawika ni banhwan mita,
prapit misbara pali kaiki mita.
8Gâd mita ai prapitka ba, Efraín aihwaki kaiki kaia#Ais 21.6,11; Jir 6.17; Isi 3.16-21; 33.1-9. mangkan,
sakuna man nani bui witin ai yabalka ra mina alkaika nani kahbisma;
¡Gâd tempelka bîla kat sin man nani bui witin ra misbara kaikisma!
9Man nani aisawan pali takram,
Guibeá yua nani ra takan kan ba baku.#Wih 19.1-30.
Sakuna witin nani watawi daukan ba dukiara Dawan lukbia,
bara saurka nani mana klala yabia.
Israel saura daukan ba mana, pât nani wauhbia
10Dawan aisisa:
“Yang lika Israel wal prawri yua ba, lilia ai daukan,
sim upla iwras tasbaya ra wain pâwan kan sakan liliaka baku.
Man nani damikam nani ba naikra ra kaiki kapri ba
kwah mâ disang baku kan.
Sakuna witin nani Baal-peor ra#Kul K 25.1-5. wan piua ra
bara kuninkira nani ba gâdka ra tawan.
Bara witin nani lika upla bahki pali takan,
baha aidulka nani latwan kaiki ba wal baku takan.
11Israel ra kulkanka tara ba tnawira kum pâli auya baku pâli wabia.
Tuktan nani kau aisubi takbia apia,
kau mairin kwihra nani âpu kabia.
Mairin nani sip kwihra tiwbia apia.
12Witin nani ban kra luhpa baikbia kaka sin,
yang mita luhpia nani ba sut mihta dakbamna.
Yang lika witin nani wina tnaya ra tawamna
bara naha uplika nani sari pali kabia.
13Yang kaikisna Efraín ai luhpia nani ra dauki ba
antin dadimra nani daiwan ra iki ba baku ikisa:
ai luhpia nani ba saki ikaia watla ra kwahki auya.”
14¡Witin nani ra yas, Dawan, dîa yabaia sma ba!
¡Plauya nani ba biarapara dauks bara tialka nani ba sin laya âpu dauks!
Dawan kupia baiwanka Efraín mapara
15Dawan aisisa:
“Witin nani Guilgal ra wan ba wina mahka saura nani sut ba daukisa,#Os 4.15; 12.11; Em 5.5.
bara baha wina, yang bui witin nani ra misbara kaikisna.
Diara watawi nani witin nani dauki ba tâwan
yang waitla bîla wina kangbi sakaisna;
ban latwan kaiki kamna apia,
kan wihta nani ba sut maipara babura nani taki ba mita.
16Efraín ba insauhkan sa;
dus kum wakia nani lâwan ba baku
mâ nani kau sakras takaskan.
Witin nani ban luhpa baikbia kaka,
luhpia nani ba, yang bui ikamna.”
17Naha uplika nani na, Gâdki aisi ba walan daukras sa;
baha mita Dawanki mita witin nani ba lulki swiaisa,
bara ai tasbaya âpu nisan nani tilara ban watauki kabia.#Kli S 28.64-65.
Currently Selected:
Oseas 9: MSKTU
Highlight
Share
Copy
Want to have your highlights saved across all your devices? Sign up or sign in
© 2010 Bible Society in Nicaragua