2 Korint 6
6
1Baku bamna, Gâd warkka dadaukra aikuki wan uplika nani sma ba, mamkabi banhwisna Gâd ai kupia latwanka lâka mamrikan ba, tikpara pali. 2Kan witin Ulbanka ra naku wisa:
“Piua pain pali kum ra yang mai walri;
swaki sakan lâka yua ra hilp mai munri.”#Ais 49.8.
Bara nanara sika piua pain pali ba, bara nanara sika swaki sakan lâka yua.
3Yang nani mita kupia turbanka lâka upla kumi ra sin munras, baku mika upla kumi mita yang nani warkki ba dukiara saura sip aisaras. 4Sakuna, brin wan daukisa diara sut bâk marikaia, yang nani na Gâd dukia dadaukra, wan kupia alki takaskan lâka manis bri banhwisna ba mita pât nani ba wahwaia sip sna bamna, diara luha bara trabil nani sin. 5Baku bamna, wan wipi banhwan sa, silak ra sin wan mangkan;#Ap St 16.23. upla nani bin dauki wan munan, wark karna wankan taki banhri; yang nani sip sans aikras yapaia, bara plun kasak wahwi banhri. 6Yang nani rayaki klin ba wal sin latan marikisna, diara kasak ba tânka kaikaia lâka ra, wan kupia takaskaia lâka bara umpira kaikan lâka ra, Spirit Holikira yang nani tani ra ba mita, wan latwanka lâka kunin âpu kira ba mita sin, 7diara kasak pali dukiara smalkanka yabi banhwisna ba bui bara Gâd karnika ba mita sin. Aiklabaia dukia wapni pali ba yus muni banhwisna, wan dukiara aiklabi pura luaia ba dukiara bara wan mapara aiklabaia aula ba mapara sin. 8Piua kum kum ra yang nani mayunaia lâka brisna ba ra, sam piua nina sauhkan lâka; piua wala yang nani dukira pain aisisa bara tila piua saura aisisa. Piua kum kum kuninkira nani wan kulkisa, bara sam piua ra diara kasak ba aisasara nani wan kulkisa. 9Sam piua wan kakaira apia wisa, bara tila piua lika wan kakaira pali wisa; bara piua kum ra prura mihta ra aimaki tauki banhwisna, kuna kau ban raya atia sna; klala wanki banhwisa, kuna wan ikras sa. 10Yang nani sari bri baku, kuna piua bani lilia sna; yang nani lika umpira, sakuna upla ailal yuyakira daukisna; ban kra yang nani diara âpu baku sna, sakuna diara sut bri banhwisna.
11Muihki Korint nani, kunin tânka âpu kira yang nani bui man nani ra aisari, bara yang nani kupi ba man nani ra param kwâki banhri sa. 12Yang nani kupi ba praki briras sna man nani tani; man nani mita sika yang nani tani kupiam praki bri banhwisma ba. 13Man nani ra yang makabisna, sim aisa kumi ai luhpia nani ra makabi ba baku, man nani kupiam ba kasak param pali yang ra kwâkma, yang bui man nani ra kwâkri ba baku.
Yawan na Gâd rayakira tempelka sa
14Man nani kasak lukras uplika nani wal asla kapara; kan baku daukma kaka, twilkaika kum wala wal baku apia ba baku asla prakisma. ¿Kan nahki sip kabia diara wapni ba, diara saura wal ai dukia briaia? ¿Nahki ingni ba tihmia wal ai pânika kabia ki? 15¿Nahki Kraist wih Sitan wal asla kabia? ¿Nahki lalukra kum sip lukras uplika kum wal asla kabia ki? 16Bara diara kum mapa ra sin sip apia sa Gâd tempelka ba aidul nani wal prakaia. Bamna yawan nani lika Gâd rayakira ba tempelka sika,#2 Ko 3.16; 6.19. Gâd witin pali aisin ba baku:
“Yang lika witin nani tilara iwamna bara sin taukamna;
yang lika witin nani Gâdka kamna
bara witin nani ba upliki nani kabia.”#Lib 26.12; Isi 37.27.
17Bamna witin bila sin:
“Witin nani lilapaska ba wina dakwi taki bal taks,
Dawan bila;
diara tâski ba kangbi banhpara.#Ais 52.11.
Bâra mika yang mita mai brimna,
18bara yang baman man nani Aisikam kamna,
bara man nani ba luhpi waitna nani
bara luhpi mairin nani kama,
Dawan, karnika sut bri ba, baku wisa.”#2 Sa 7.14; 1 Kr 17.13; Ais 43.6; Jir 31.9.
Currently Selected:
2 Korint 6: MSKTU
Highlight
Share
Copy
Want to have your highlights saved across all your devices? Sign up or sign in
© 2010 Bible Society in Nicaragua
