Aphutna 45

Zosef a Paruol Ngāi Kōma Anpuong

1 # 2Sa 13:9 Hatuka Zosef chu a kōla mī ānding dōra makunga anrēng suo thei lāi mak a, “Mī dōra ka kōm ātā masuok kiar ro!” tīna ankhēk a. Zosef-in a paruol ngāi kōma a ninga anpuong lāi han a bila mī tūtē om lāi mak a. 2#Kui 7:13Anring sabaka a chap a, Āiguptā mi ngāi lē Faro insūngkuo ngāiin a lei riat u na. 3#Mt 17:6; Mk 6:49-50Zosef-in a paruol ngāi kōma, “Koi hi Zosef kā ni, ka pā hi atun ten a lā dam mo?” a tī na. Tenchu a paruol ngāiin masang thei u mak a, asik chu a makunga a rathā a ta u na. 4Zosef-in a paruol ngāi kōma, “Lungkhama na hong nāi uol u ta,” a tī na. A hong ānāi u na.

Hatuka Zosef-in, “Koi hi na paruol u Zosef kā ni, Āiguptā-na nei zuor u ha. 5#Zōb 10:12; Sām 105:17Tenchu hivā hin nei na zuor u sika, anngūi u lāi nō ro, na tak um mansi u lāi nō ro. Asik chu mī damna āhōi ranga Pathianin na maton una a na lei hong tīr a ni. 6#Ant 34:21; Dān 21:4Asik chu hivā rama hin kum anni a ni zei māitām a lei hong chulna, kum rangā a lā om, hava sūnga han phāi anrītna om nō ni, bu ātnā'm om nō ni. 7#Ant 15:2; 1Sa 14:45; 2Rē 13:5; 19:4; Ezr 9:8, 13; Isa 1:9; 25:9; Zer 6:9; Mik 4:7; 7:7; Zef 2:7Phil chunga na chī u ei ānhōina rang lē zōkna liantaka nei zōk thei una ranga, Pathianin na mān una a na lei manhong a. 8#2Rē 6:21Hivā hin nangni ni mak a na hong ātīr u, tenchu Pathian kēng. Pathianin Faro a pā anga a na sin a, a insūngkuo dōra chunga pumana lē Āigupta ram pumpui chunga ruirilpūna a na sin a.

9 # Kui 7:14 “Anrapa ka pā kōma sē u tānla, a kōma, ‘Na nāipasal Zosef-in hintin hin a tī: “Pathianin Āiguptā pumpuia pumana a na sin a, hong sōt lāi nō tān, ka kōma hong chum ro. 10#Ant 8:22Gosen rama ommun khuor u na ti, nangni lē na nāi u ngāi, na tū ngāi, na beraruol u ngāi lē na sarātruol ngāi lē na nei u ngāi dōra le han, ka kōla hin om u na ti. 11#Sām 102:17Hava han na zon u ka ting, hanōkten nang, nang na insūngkuo lē nei dōn dōra ngāi le na hong ānriang ving u'nle. Asik chu kum rangā tāng māitām a lā om a,” ’ tīna va ril u ro.

12 # Mk 6:50 “Entā, ka mūra kei na ril u hi, na mit u le ka paruol Benzamin a mitin a mū na. 13#Zn 17:24; Anl 21:23Āiguptā-na kei ānlianna dōra lē nei mū u ngāi dōra chu ka pā kōma va ril u ro. Anrap u tān ka pā chu hivā hin hong ruoi u ro,” a tī na.

14 # Aph 33:4 Hatuka Zosef-in a paruol Benzamin a rīng ākuona a chap a. Benzamin um a rīng ākuona a chap a. 15#Sām 77:4; Lk 15:20A paruol ngāi dōrā'm a tum kiar a, a chappui kiar a, hava suole han a paruol ngāiin a chongpui u na.

16 # Kui 7:13 Hava thang chu Faro inā'm a lei riat u na, “Zosef a paruol ngāi a hong u,” tī ha. Hava han Faro lē a suok ngāi rāi a mansān a. 17#Aph 44:1-2Faro'n Zosef a kōma, “Na paruol ngāi ril ro, ‘Hiva hi thō ro: na ran u ngāi chu manpēl u tānla, anphet u ro. Kanān rama sē u ro. 18#Ezr 9:12; Sām 37:19; Isa 1:19; Zer 40:4Na pā lē na insūngkuo ngāi hong tuong u tān, ka kōma hong u ro. Āiguptā-na ram āsā khīt ngāi chu na pēk u ka ting, hivā rama neinun āsa khīt#45:18 neinun āsa khīt: Hebrāi chonga “ram thāi” tīna anziak a. ngāi sāk u na ti. 19#Atl 7:3-8Chong kei na pēk u a ni, hivā hi thō u ro: na nāite u ngāi rang lē na thāinu u ngāi ranga, Āigupta ram ātā sarāttolāi chu lāk u tān, na pā u chu hong tuong u tān, hong u ro. 20#Aph 45:18; Zos 7:11; Isa 13:18; Mt 24:17Na neinun u ngāi um mandon u nō ro, asik chu Āigupta ram pumpuia neinun āsa khīt ngāi chu na tā u a ni.’ ”

21Hantin han Israel a nāipasal ngāiin a thō u na. Zosef-in sarāttolāi a pēk a, Faro a chongpēk anga, lampuia a nēksāk u rang a pēk a. 22#Rui 14:12-13; 2Rē 5:22Alom una ei ānsak una rang raliang a pēk chip a, tenchu Benzamin a rang chu sumrū 300 lē anthūlna raliang rangā a pēk a. 23Hivā neinun ngāi hi a pā ei mathuon a ni. Āiguptā neinun āsā adianga sakuorpar sōm, sakuorpar nupang sōm chu buhūm, vāipōltāp lē lampuia a pā nēksāk rang adianga a mathuon a. 24#Aph 37:22; Sām 133:1-3; Zn 13:34-35Hankēng a paruol ngāi chu a mansē na, anphet u na. Amā'n a kōm u na, “Lampuia anpōn u nō ro,” a tī na.

25Āiguptā nātā a suok u na, Kanān rama, a pā u Zakob a kōma a hong u na. 26#1Rē 10:7A kōma a hong ril u na, “Zosef chu a lā dam, Āigupta ram pumpuia ramoppū a ni,” a ti u na. Tenchu Zakob a malung chu annang chian a, asik chu amāni ha iam thei mak a. 27#Aph 46:5; 1Sa 30:12; Hos 6:2Tenchu Zosef-in amāni kōma chong ei ril dōra ama kōma a va ril u le chu, ei chuongna rang sakortolāi Zosef-in ei hong mathuon a mū le chu, a pā u Zakob a rathā chu a hong āhar rēt a. 28#Lk 2:28-30Israel-in, “Hiva hi a hun zei. Ka nāipasal Zosef atun ten ei la dam hi. Kā thi mān sēna va mu ka ting,” a tī na.

Currently Selected:

Aphutna 45: RNL

Highlight

Copy