Aphutna 46

Zakob Āiguptā-na a Sē

1 # Aph 21:31, 33; 26:25; 1Sa 3:20 Israel chu ei nei ngāi dōra le anzin a, Beērseba-na a hong ātung a, a pā Isak a Pathian kōma anbōlna dāli ngāi a dar a. 2Pathianin zāna anlārna lē Zakob a hong āchongpui a, amā'n, “Zakob, Zakob!” a tī na.

Amā'n, “Hiva hin kā om,” a tī na.

3 # Ant 1:7 Amā'n, “Koi hi Pathian, na pā Pathian kā ni. Āiguptā-na nei sē rang āchi nō ro, asik chu sovā son nam alianpāna, na sin ka ting. 4Āiguptā-na na bila sē ka ting, na hong ruoi ngēt rēt ka ting. Zosef a kut ngētin na mit na la mansīngpē in ti,” a tī na.

5 # Kui 7:15 Hatuka Zakob chu Beērseba nātā a suok a. Israel a nāipasal ngāiin Faro'n sarāttolāi ei chuongna ranga ei hong mathuon le han, a pā u Zakob chu, a naite u ngāi lē a thāinu u ngāi le han a manchuong u na. 6#Atl 20:15; Dān 26:5; Zos 24:4; 1Sa 12:8; Sām 105:23; Isa 52:4; Kui 7:15A ranruol u le a neinun Kanān rama ei suo ei vān u ngāi dōra chu a chōi u na. Zakob lē a bila om a chi ngāi dōra chu Āiguptā-na a sē u na. 7A nāipasal ngāi, a nāipasal nāi ngāi, a nāinupang ngāi, a nāipasal nāinupang ngāi, a chi ngāi dōra chu a bila Āiguptā-na a ruoi a.

8 # Ant 1:1; Atl 26:4 Hivā ngāi hi Zakob lē a nāipasal ngāi, Āiguptā-na āsē Israel a nāi ngāi raming chu a ni:

Ruben, Zakob a nāirapā,

9 # Ant 6:14; Atl 1:20; 26:5-6; 1Kh 5:3 Ruben a nāipasal ngāi: Hanōk, Palu, Hezron lē Karmi.

10 # Ant 6:15; Atl 26:13-14 Simeon a nāipasal ngāi: Zemuel, Zamin, Ohad, Zakin, Zohar lē Kanān mī nupang nāipasal Shaul.

11 # Ant 6:16; Atl 3:17, 21, 27; 26:21; 1Kh 2:5; Mt 1:3 Levi a nāipasal ngāi: Gerson, Kohat lē Merari.

12Zuda a nāipasal ngāi: Er, Onan, Shela, Perez lē Zera (Er lē Onan chu Kanān rama a thi u na); Perez a nāipasal ngāi: Hezron lē Hamul.

13 # Atl 26:23-24; Rui 10:1; 1Kh 7:1 Isakhar a nāipasal ngāi: Tola, Pua, Zōb lē Simron.

14 # Aph 49:13; 1Kh 2:1 Zebulun a nāipasal ngāi: Sered, Elon lē Zalel.

15Hiva ngāi hi Lea a nāipasal ngāi, a nāinupang Dina anchela, Padan-Aram-a Zakob a ranga ei nei ngāi chu a ni. Alom u na, a nāipasal lē a nāinupang ngāi dōra chu mī 33 a ni u na.

16 # Atl 1:25; 26:15 Gad a nāipasal ngāi: Zifion, Hagi, Suni, Ezbon, Eri, Arodi lē Areli.

17 # Aph 35:26; 49:20; 1Kh 2:2 Aser a nāi ngāi: Zimna, Isva, Isvi, Beria lē a sarnū u Sera. Beria a nāipasal ngāi: Heber lē Malkiel.

18Hivā ngāi hi Laban-in a nāinupang Lea kōma ei pēkpū, Zilpa a nāipasal ngāi chu a ni u na. Hivā mī sōmleiaruk ngāi chu Zakob a ranga a nei a.

19Zakob a thāinū Rahel a nāipasal ngāi: Zosef lē Benzamin.

20 # Atl 26:28-37 Zosef-in Āigupta rama Menase lē Efraim a nei a. Hivā ngāi hi On khopuia chāizūng Potifera a nāinupang Asenat-in ei nei a ni.

21 # Atl 26:28-37 Benzamin a nāipasal ngāi: Bela, Beker, Asbel, Gera, Naāman, Ehi, Ros, Mupim, Hupim lē Ard.

22 # Atl 26:38-41; 1Kh 8:3 Hivā ngāi hi Rahel a nāipasal ngāi, Zakob a ranga ei nei ngāi chu a ni. Aloma mī sōmleimanli a ni u na.

23 # Atl 26:42 Dan a nāipasal: Husim.

24 # 1Kh 2:2; 7:13 Naftali a nāipasal ngāi: Zazil, Guni, Zezer lē Silem.

25Hivā hi Laban-in a nāinupang Rahel a ranga ei pēk Bilha a nāipasal ngāi chu a ni. Amā'n hava ngāi ha Zakob a ranga a nei a, aloma mī sari a ni u na.

26 # Ant 1:5; Dān 10:22 Zakob a taksā ngēt ātā a hong āsuok a, Āiguptā-na, a bila āsē mi ngāi dōra, (Zakob a thāinū nāipasal ngāi telluia), aloma mī 66 a ni u na. 27#Kui 7:14Zosef-in Āigupta rama nāipasal anni a nei a. Zakob a insūngkuo mī Āiguptā-na āhong ngāi dōra chu mī 70 a ni u na.

Zakob Gosen Rama Ommun ei Khuorna

28Gosen ram lampui ānmū ranga, Zakob-in Zuda chu a mān una Zosef kōma a tīr a. Gosen rama a hong ātung u na. 29Zosef-in a sakortolāi chu a mansūk a, Gosen rama, a pā Israel āntongpui ranga a sē na. A ninga ama kōma a vā'n lang a, a rīnga a vā'n boi a, asōt muoia a rīnga anboi a, a chap a. 30#Lk 2:29-30Israel-in Zosef a kōma, “Atun ten adama nei la om sika, na mēl ka na mū thei a, atun chu kā thi thei zei,” a tī na. 31Zosef-in a paruol ngāi lē a pā insūngkuo ngāi kōma, “Sē ka tinga, Faro kōma, ‘Ka paruol ngāi lē ka pā insūngkuo ngāi, Kanān rama, āom ngāi ha, ka kōma a hong u. 32Amāni chu berapū a ni u na, amāni a sinthō u chu ran avāi chian a ni u na. Amānī'n a beraruol u ngāi, a sarātruol u ngāi lē ei nei u ngāi dōra a hong chōi u na,’ tīna, va ril ka ting. 33Faro'n a na hong kui u le han, ‘Hong mo na sinthō u?’ a tī le. 34#Aph 43:32; Ant 8:26‘Na suok ngāi hi nā vānglāi len ātā atun tenpeia koini lē na pā ngāi um, ran avāi ngāi kēng nā ni,’ tī u ro. Hankēng Gosen rama ommun nei khuor thei u rang. Asik chu berapū ngāi dōra chu Āiguptā mi ngāi ranga antīraruoi a ni u na,” a tī na.

Currently Selected:

Aphutna 46: RNL

Highlight

Copy