Aphutna 43

Āiguptā-na ei Ānzin u Voi Annina

1 # Aph 18:13; Kui 7:11-13 Hava rama han māitām anrik riam a. 2Hintin hin a ni, Āigupta ram ātā sahūm ei hong chōi u ngāi dōra a nēk suo u na, a pā'n a kōm u na, “Kīr rēt u tān, nēksāk alaktē luo chu va rachōk u ro,” a tī na.

3Tenchu Zuda'n a kōma, “Hava mī hān chong ei na ti zēt kēng, ‘Na paruol u na bil una a om nōk ten, ka mēl mū thei u nō ta ni,’ a tī na. 4Koini na paruol koini bila na manhong ten, sē in tia, na ranga nēksāk va rachōk in ti. 5#2Sa 3:13Tenchu na manhong nōk ten, sē nō ma ni. Asik chu hava mī hān koini kōma, ‘Ka mēl mū thei u nō ta ni, na paruol u na bil una a om nōk ten,’ ” a tī na.

6Israel-in, “Paruol khat na lā dōn tīna hava mī kōm nei ril u na, hong sik mo ka chunga āsia nei thō u?” a tī na.

7Tenchu amānī'n, “Hava mī hān koini ruia lē na insūngkuo ruia anthiang vanga a na rakel a, ‘Na pā u a lā dam mo? Paruol atei na lā dōn u mo?’ a tī na. Hava chong ngāi anga koinī'n na masang a. ‘Na paruol u hong ruoi u ro’ ei ti rang hi, koinī'n achālaka na lei riat mo?” a ti u na.

8 # Atl 14:31 Hatuka Zuda'n a pā Israel kōma, “Nāipangtē chu ka bila na mantuong ro. Koini, nang lē na naite ngāi nei dama nei thi nōkna ranga, anthuia sē in ti. 9#1Sa 23:20; Flm 1:18-19Koi len hi ama ranga zābīm ni ka ting, ka kut chung ātā ama chu zong ro. Na kōma ka hong ruoi rēt nōka, ka hong manlang rēt nōk ten, tāituona siatanlōna raput ka ting. 10#Aph 19:16Hadōr pei ha sōt nō ila chu, voi anni hong kīr suo rēt zei ma ni ba,” a tī na.

11 # Ant 30:23; Izk 27:17, 22 A pā u Israel-in a kōm u na, “Havan tin han a ni ten, hivā hi thō u ro: na marsā una han hivā rama theimarā āsasā senkhat, tuoilui alaktē, khuoiningtī alaktē, anmarim, berō, pistakio ruthāi lē almond ruthāi chu thāl u tānla, hava mī ranga nuompēk chōi u ro. 12#Ant 22:4, 7; Chn 6:31Na kuta sum thep anni atama chōi u ro, na marsā mūra sum ei na makhīr u hā'm na kuta chōi rēt u ro, hava ha āchāi um a ni thei. 13#Aph 42:38Na paruol um tuong u tān, anthui u ta ro, hava mī kōma kīr rēt u ro. 14#Dān 13:17; 2Sa 18:33; Est 4:16; Sām 25:6Atei na paruol u lē Benzamin ei zōk theina rang, Āthōtheikiarpū Pathianin hava mī makunga lungkham na mu u rase. Ka nāi ngāi ka machān ten kei machān len a ni zei!” a tī na.

15 # Mt 2:11 Hankēng amānī'n nuompēk a chōi u na, a kut una sum thep anni ātam a chōi u na, Benzamin um a ruoi u na. Hatuka anthui a, Āiguptā-na a sē u na, Zosef a makunga a vā'n ding u na.

16 # 2Sa 19:17; Isa 22:15; Lk 15:23 Zosef-in Benzamin chu a bil una a lei mū le a in āenpū kōma, “Hiva mi ngāi hi ka ina tuong u ro, ran that u tān, lei suong u ro, asik chu hivā mi ngāi hi ka bila sūnbū ei nēk u rang,” a tī na. 17Amā'n Zosef-in ei tī anga a thō na, hava mi ngāi chu Zosef a insūnga a hong ruoi a. 18Zosef a ina ei hong ruoi u sika, amānī'n a rathā a manta u na, amānī'n, “Hiva hi nā sē mānsa lāia na puontumbū mūra sum ei na makhīr rēt sika kēng, hivā hin ei na hong manlūt. Hankēng koini chunga manū anvāna ei na rūna, koini na sakuorpar ngāi le han suoka anā sin rang āzōt kēng,” a tī na.

19Zosef a in āenpū kōla a hong u na, in suokkhār kōla a vā chongpui u na, 20#Aph 3:3, 7; 42:10, 27Amānī'n, “O ka pū, māna nā hong lāi han nēksāk anchōk ranga ngal āhong kēng nā ni. 21Tenchu na riabuk na hong āsuok le chu, na puontumbū ngāi na hong phong a. Entā, na sum ngāi chip chu puontumbū mūra a lei om a, na sum ngāi chu akip chīta om a. Hasikhan na kuta nei hong chōi rēt a ni. 22Nēksāk anchōkna ranga sum atei na kuta na hong chōi a. Tū mo koini puontumbūna na sum ngāi a lei ārē riat mak mē na,” a ti u na.

23Tenchu amā'n, “Phūkdāia om u ro, āchi u nō ro. Na Pathian u lē na pā u Pathianin hivā dōngluo hi na puontumbūna ei na pēk u kēng, na sum u chu kā dōn,” a tī na. Hatuka Simeon chu a kōm una a hong rasuo na.

24Hankēng hava mī hān amāni chu Zosef a ina a hong manlūt a, tī a pēk u na, a kē a rasūkpē u na. Amā'n sakuorpar ngāi um sāk a pēkpē na. 25#Aph 43:11Sūna Zosef ei hong rang tika rang nuompēk a lei sin ir u na, asik chu havana bū ei nēk u rang a riat u na.

26 # Mt 2:11 Zosef chu ina a hong ātung suole han, a kut una nuompēk chu insūnga a kōma a hong chōi u na, phila anboka ā mōk u na. 27Amāni ei dam lē ei dam u nōk rui chu a rakel a, “A rui nei ril u hava atar, na pā u chu a dam mo? Ama chu atun ten a lā dam mo?” a tī na. 28#Ant 18:7Amānī'n a masang u na, “Na suok koini na pā chu rivoiansēl a, ama chu a lā dam.” Hatuka anbūna anbok u na, anboka ā mōk u na.

29 # Atl 6:25; Isa 30:18-19 Atanga, a en le chu a paruol Benzamin, a nū nāipasal chu a mū na, “Hiva hi mo na nāipā u, ka kōma a rui nei na ril u ha?” a tī na. Zosef-in, “Pathianin lungkham na mu rase, ka nāipasal,” a tī na. 30A paruol sika a malung annang a. Zosef-in annota ei va chapna rang mun ā rok a. Ama a tadana a sē na, hava han a vā chap a. 31Hatuka a māi a phia suona, a hong āsuok a, a ninga anrēng zazām a, “Bū hong thur u ro,” a tī na. 32Ama rang mun abinga lē amāni rang abinga lē Āigupta mī a bila ānēk ngāi ranga abinga a sin u na. Asik chu Āigupta mi ngāiin Hebrāi mi ngāi le bū nēk thei u mak a. Āiguptā ngāi ranga hava ha ānnim a ni. 33Amāni chu anāirapā chu anāirapā nīna anga lē asakhōn chu asakhōn nīna anga a matona ansut u na. Hatuka angkhatin angkhat chu boidong chunga an-en u na. 34#1Sa 1:5; 11:8A makunga nēksāk alāka amāni rang a sem a, tenchu Benzamin rang thep ranga misītei ngāi rang atama a sem a. Hantin han zū anēka ama le rāi a mansān u na.

Currently Selected:

Aphutna 43: RNL

Highlight

Copy