Aphutna 42

Zosef a Paruol ngāi Āiguptā ei Sē una

1 # Zer 8:14; Kui 7:12 Zakob-in Āigupta rama sahūm ei om a riat le chu, Zakob-in a nāipasal ngāi kōma, “Hong mo nangni lē nangni nei ān-en u?” a tī na. 2#Sām 33:18-19Amā'n, “Entā, Āiguptā-na sahūm ei om ka riat a. Va chum u tānla koini ranga sovā muna son va rachōk u ro, adama nei oma nei thi nōkna ranga,” a tī na.

3Hatuka Zosef a paruol sōm ngāi chu Āigupta rama sahūm ānchōk ranga a vā chum u na. 4Tenchu Zakob-in Zosef a paruol Benzamin chu a paruol ngāi bila mansē mak a, asik chu amā'n, “Āsia a chunga hong chul ving ni,” a tī na. 5#Dān 32:24; Kui 7:11Israel a nāipasal ngāi chu mī āsē ngāi bila han sahūm ānchōk ranga a sē u na, asik chu Kanān rama māitām a chul a.

6 # Neh 5:14 Zosef chu hava rama ramoppū a ni, ama ha ram pumpuia mi ngāi kōma āzuor chachak pū a ni. Zosef a paruol ngāi a hong u na, a māi u phil atōna a hong āmōk u na. 7Zosef-in a paruol ngāi a mū na, a lei mandang thei a. Tenchu mēlriatlui anga a lei āompē na, arāng sabaka a lei rakōk a. Amāni kōma, “Hova nātā a hong mo nā nī u?” a tī na.

Amānī'n, “Kanān ram ātā nēksāk ānchōk ranga nei hong a ni,” a ti u na.

8 # Zn 21:4 Zosef-in a paruol ngāi a mandang thei a, tenchu amānī'n mandang thei u mak a. 9#Dān 1:22; Zos 2:1Zosef-in a ramang ha anthei a, amāni ranga ramang ei phan ha. A kōm u na, “Nangni hi mīsīpū ngāi kēng nā nī u! Hivā rama manū#42:9 manū: Hebrāi chonga “ram sāikorongna” tīna anziak a. Kam 12nā'm na mū thei. ena āhong kēng nā nī u!” a tī na.

10 # Aph 44:9 Amānī'n a kōma, “Ni mak, ka puma, na suok ngāi chu nēksāk ānchōk ranga kēng ei hong u. 11Mī khat nāipasal kiar kēng nā nī, mīdik kēng nā nī, na suok ngāi hi mīsīpū nī u mak,” a ti u na.

12Tenchu amā'n a kōm u na, “Ni mak, hivā rama manū āsī rang āhong kēng nā nī u,” a tī na. 13#Zer 31:15Amānī'n, “Na suok ngāi hi paruol sōmleianni a ni u na, Kanān rama om mī khat nāipasal kēng nā ni. Entā, avian asakhōn chu koini na pā bila a lei āom, angkhat chu om lāi mak,” a ti u na. 14#Zōb 13:24; Mt 15:21-28Tenchu Zosef-in amāni kōma, “Hiva hi kei na tī u anga a ni, ‘Mīsīpū kēng nā ni u!’ a tī na. 15Hintin hin na thia u ka ting: Faro ei damna le khomāk ansama kei tī a ni zei, hivā mun hi mak pial thei u nō ta ni, na paruol asakhōn hivā hin a hong māseng chu. 16Na bil una angkhat pei tīr u ro, amā'n na paruol u hong tuong rase. Nangni chu ankhumna-ina lei om u na ti. Na kōm una atak ei om le ei om nōk ei āndang theina rang, na chong u chu anthiana om in ti. Hanōkten, Faro ei damna le khomāk ansama kei tī a ni zei, nangni hi mīsīpū ngēt kēng nā ni u!” a tī na. 17#Aph 41:10; Kui 4:3; Heb 12:10Hankēng alom una munkhata ankhumna-ina nīnthum a khum a.

18 # Lev 19:14; 2Sa 23:3 Zosef-in nī anthumna han a kōm u na, “Hiva hi thō u tān, dam u ro, Pathian kei āchi sika: 19#Aph 40:3; 42:33Mīdik nā ni u ten, na paruol u bila angkhat nei ānkhum una ina ankhum rase. Māitām sika na insūngkuo ngāi ranga sahūm chōi tān sē u ro. 20Na paruol asakhōn chu ka kōm hong ruoi u ro. Hatuka na chong u chu ādik tīna anpom in ti, thi u nō ta ni,” a tī na. Hantin han a thō u na. 21Amāni lē amāni a chong u na, “Ataktaka na paruol sika asiat anlō kēng nā ni zei, ei damna a na zong lāi han, a rathā riang ei ānvāi na mū na, ten rangāipē mak mē na. Hasikhan hivā lungnatna hi koini chunga ei hong tung a ni,” a ti u na. 22Ruben-in amāni a masang a, “ ‘Nāipangtē chunga āsia thō u nō ro tī ha’ Kei na ril ni u mak mo? Tenchu rangāi ngal u mak chē na? Hasikhan hava a thisen phubā chu koini chunga ei hong chul a ni zei,” a tī na. 23Tenchu Zosef-in amāni chu a lei riatthei kēng tīna amānī'n riat u mak a, asik chu chonganletpū amanga ei chongpui a ni. 24Amāni kōm ātā anhoi viak a, a vā chap a. A kōm una a hong ākīr rēt a, a hong āchongpui a. A kōm u nātā Simeon a lāk a, a mit makung una a khitpē na.

Zosef a Paruol ngāi Kanān Rama ei Kīr una

25 # Zer 40:5 Zosef-in a bukok una sahūm āthāl ranga, a sum u a puontumbū una ārē ranga lē lampuia a nēksāk āpēk ranga, chong a pēk a. Hantin han amāni ranga a thōpē na. 26#Isa 30:6A sahūm u ngāi chu sakuorpar a manpēl u na, hava nātā a sē u na. 27#Rui 19:19; Isa 1:3Tenchu a bil una mī khatin ei riak una muna sakuorpar sāk āpēk ranga a puontumbū a malong a, a sum chu a mū na. Entā, hava ha puontumbū mūra a lei om a. 28#Zos 2:11; Mk 5:33A paruol ngāi kōma, “Ka sum hi ānkhīr rēt kēng hile, en u ta, ka puontumbū sūnga!” a tī na. A malung annōk a, a rathā a ta u na, amāni lē amāni a chong u na, “Pathianin koini chunga hong mo ei na thōpē a ni zei?” a ti u na.

29Kanān rama, a pā Zakob kōma a sē u na, ei tong u ngāi dōra a kōma a va ril kiar u na. 30“Hava mī ram pumā'n anrum sabaka a na lei chongpui a, ram āsīpūna a na lei bē na. 31Tenchu koinī'n a kōma, ‘Mīdik kēng nā ni, mīsīpū ni mak mē, na tī na. 32Paruol sōmleianni nā ni, koini hi pā khat nāipasal kēng nā ni, angkhat chu om lāi mak a, asakhōn chu Kanān rama, na pā bila a lei āom,’ na tipē na. 33Hava mī ram pumā'n koini kōma, ‘Hintin hin mīdik nei ni u tī hi riat ka ting: na paruol u khat hivā hin ka bila māk u ro, māitām sika, na insūngkuo ngāi ranga sahūm chōi tān sē u ro. 34#Aph 34:21; 1Rē 10:15Na paruol asakhōn chu ka kōm hong ruoi u ro. Hatuka mīsīpū nei ni u nōk, mīdik ke nā ni u tī riatthei ka ting. Na paruol u chu na pēk u ka ting, hivā rama hin sadāi thō thei u na ti,’ a tī na,” a ti u na.

35Hintin hin a ni, a puontumbū u ngāi a hong manrong u le chu, entā, sum lō khakhat a puontumbū u chipa a lei om a. Amāni lē a pā'n hava sum lo ngāi chu a mū u na, a rathā a ta u na. 36#Zōb 3:25; Rōm 8:31A pā u Zakob-in a kōm u na, “Nangnī'n nāi abuia nei na rē u: Zosef om lāi mak a, Simeon om lāi mak a, Benzamin a tuong rēt rang nei tī u. Hivā ngāi dōra hi anā dui kiar a ni zei,” a tī na. 37Ruben-in a pā kōma, “Na kōma ka hong ruoi rēt nōk anten, ka nāipasal anni that ro, ka kut chunga na betōk ro, na kōma hong ruoi rēt ka ting,” a tī na. 38Tenchu amā'n, “Ka nāipasal hi na bil una sē nō ni, a paruol um a thi zei a, ama rong kēng āom a ni zei. Nei sē una lamtuona āsia a chunga a hong ātung ving ten, ka samanchuok hi lungna ngōia Sheola na manliam u na ti,” a tī na.

Currently Selected:

Aphutna 42: RNL

Highlight

Copy