Aphutna 41

Faro Ramang Ngāi

1 # Ant 1:22 Hatuka hintin hin a nī na, kum anni a hong āhek suona, Faro'n ramang a hong phan a. Entā! Ama chu Nail tidung kōla a lei ānding a. 2#Ant 2:3; Zōb 40:21; Isa 19:6; Zer 5:28Anlāiseka tidung ātā sarāt sari a hong āsuok rak u na, aena āsā lē ānōl a ni. Amāni chu sūlmuna sūl asāka a lei om u na. 3#Aph 41:20-21Entā, hava ngāi suona atei sarāt sari tidung ātā a hong āsuok rēt u na, a mēl āsia lē āchōl a ni. Hivā sarāt ngāi chu atei sarāt ngāi kōla tidung rakhama a hong ānding u na. 4A mēl āsia lē āchōl sarāt sari ngāiin sarāt aena āsā lē ānōl sari ngāi chu a hong sāk hiam u na. Hatuka Faro chu insang a hong lāk a. 5#Isa 23:3A hong āin a, voi annina ramang a phan a. Anlāiseka bukung khat ātā buvūi sari, ānōl lē āsā a hong āsuok a. 6#Ant 10:13; Zōb 6:26; Isa 11:15; Zer 4:11; Izk 19:12; Hos 12:1; Zon 4:8Hava suona entā, vūi sari āchōl tete ngāi suolam thīnthī'n ei manchār ngāi chu a hong āsuok u na. 7#Aph 37:5Vūi sarī āchōl tete ngāiin vūi sarī ānōl ngāi lē āsa ngāi chu ā vol u na. Hatuka Faro chu insang a lāk a, entā, hava ha ramang a lei nī na. 8#Ant 7:11, 22; Zōb 7:14; Dnl 1:20; 2:1; 4:18Hatuka zīnga, a rathā chu a lei ānpōn sabak a, mī a tīr a, Āigupta rama mitpialdōi athei ngāi lē mihian ngāi dōra a mankui a. Faro'n a kōm una a ramanga ril a, tenchu Faro ranga tūtē'n rilmanthiangpē thei u mak a.

9 # Aph 40:23 Hatuka khurīnlōnpū ruoipū'n Faro a kōma: “Avian hin kei machāina ka hong ānriat a, a tī na. 10Faro a suok ngāi chunga a tak asi lāi han, āvēngpū ruoipū ina, koi lē tungpanpū ruoipū khīt chu a na khum a. 11Koi lē amā'n zān khata ramang na phan a. Na ramang chu omzia tei chip a ni. 12Hava han koini bila Hebrāi mī ruothar khat a om a, āvēngpū ruoipū suok a ni. Ama kōma na ril a, amā'n koini na ramang ngāi chu a na rilmanthiangpē na. Koini na ramang ngāi ang chipa amā'n a na rilmanthiangpē na. 13Hantin han amā'n ei na rilmanthiangpē anga a hong ānī na. Amā'n koi chu ka dingmun dēna a na mathui rēt a, tenchu tungpanpū chu ōkrī a mathōi a,” a tī na.

Zosef-in Faro Ramang ei Rilmanthiangna

14 # Rūt 3:3; 2Sa 12:20; Sām 105:20 Faro'n mī a tīr a, Zosef a va mankui a, annot sabaka ankhumna khurzīng ātā a va lāk u na. Ama chu a makhamul a vūi a, a raliang a thūl suona, Faro kōma a hong a. 15#Dnl 4:18Faro'n Zosef a kōma, “Ramang ka phan a, tūtē'n na rilmanthiangpē thei u mak a. Tenchu nangin ramang na riat le, nei rilmanthiang thei tī chu ka lei riat a,” a tī na. 16Zosef-in Faro a masang a, “Hiva hi koi ni mak; Pathianin Faro chu phūkdāi taka ansangna pēk in ti,” a tī na.

17Hatuka Faro'n Zosef a kōma: “Entā, ka ramanga tidung rakhama kā'n ding a. 18#Zer 24:1-3, 5Anlāiseka sarāt sari aena āsā lē ānōl chu tidung ātā a hong āsuok u na. Amāni chu sūlmuna sūl asāka a lei om u na. 19Entā, atei sarāt sari ākōng, a mēl āsia sabak lē āchōl chu a hong āsuok rēt u na, hava anga a mēl āsia Āigupta rama la mū ngāi mak ung a. 20Āchōl lē a mēl āsia sarāt ngāiin mānsāna sarāt ānōl sari ngāi rang a sāk hiam u na. 21#Isa 9:20Amānī'n a hong sāk hiam u nā'm, tūtē'n ei sāk hiam u tī hi riatthei u mak, asik chu aphuta a mēl ei sia u anga a lā ni bang u na. Hatuka insang ka hong lāk a. 22Hivā hī'm ka ramanga ka mū na, anlaiseka bukung khata vūi sari ākūr lē āsapā ngāi a hong āsuok a. 23#Aph 41:6; Sām 129:6-7Entā, vūi sari āchār, āchōl tete ngāi suolam thīnthī'n ei manchār ngāi chu a hong āsuok u na. 24Vūi sari āchōl tete ngāiin vūi sari āsā ngāi chu a vol hiam u na. Hivā ramang hi dōikungpū ngāi kōma ka ril a, tenchu tūtē'n hivā ruia hi a nā'n thiangpē thei om mak a,” a tī na.

25 # Isa 46:11; Dnl 2:45 Hatuka Zosef-in Faro a kōma, “Faro ramang ngāi hi munkhat kēng. Pathianin ei hong thō rang ngāi hi Faro rang ei hong manmū a ni. 26Sarāt sari āsā ngāi ha kum sari a ni, vūi sarī āsā ngāi ha kum sarī a ni, hivā ramang ngāi hi munkhat a ni. 27Amāni nūka sarāt sarī āchōl lē a mēl āsia a hong āsuok ngāi ha kum sarī a ni. Hatuka vūi sarī sarasi riam suolam thīnthī'n ei hong manchār ngāi ha kum sarī māitām a ni. 28Hivā hi Faro kōma neinun kei ril ngāi chu a ni. Pathianin ei hong thō rang ngāi Faro ei hong manmū a ni. 29Entā, kum sari Āigupta ram pumpuia nēksāk ātampā hong om in ti. 30#Sām 105:16Tenchu hava suona māitām kum sari hong chul in ti. Āigupta rama, nēksāk ātampā hun dōra chu anngila om in ti. Māitāmin ram chu hong manchōng in ti. 31#1Sa 5:6Hivā suona māitāmin ei hong chelbō rang hi ei na sabak rang sika, nēksāk ātampā hun chu hivā rama anriat lāi nō ni. 32#Dnl 2:5Hivā ramang chu Faro kōma voi anni ei hong manphan rēt a ni, asik chu hivā neinun hi Pathianin ei phun a ni, Pathianin anrapa ei hong thō rang kēng.

Zosef-in Faro Lungvār ei Sakna

33“Hasikhan atun chu, Faro'n lungvār mī lē mihian khat āthang sela, Āigupta ram chunga hin mansut sela. 34#1Sa 8:15; Est 2:3Hivā hi Faro'n thō sela, ram chunga hin milian ngāi phun sela, nēksāk ātampā hun kum sari sūnga hin Āiguptā ramin ei masuok dōra chu, mun rangāna mun khat rasuong rase. 35Āhong rang kum āsā ngāia hin nēksāk dōra chu lei mankhōm u sela, sahūm chu Faro ningneina thuoia lei ānbūm rase, khopui ngāia nēksāk lei siak u sela. 36Hivā nēksāk hi kum sari Āigupta rama māitām a hong tika ram ranga ānhōi chang rase, māitām tika ram ei ānpei nōkna ranga,” a tī na.

Faro'n Zosef Āvongpūna a Phun

37 # Est 2:4; Isa 19:11 Hava chong chu Faro mitmūna lē a suok ngāi dōra mitmūna āsā a ti u na. 38#Atl 27:18; Dān 34:9; Dnl 2:11Faro'n a suok ngāi kōma, “Hiva nāi anga Pathian Rathā'n ei ompui mī hi, man lāi ma ni mo?” a tī na. 39#Dnl 2:11Hatuka Faro'n Zosef a kōma, “Pathianin hava ngāi dōra ha ei na manmū kiar anga, nang na anga lungvār mī lē mihian hi tūtē om lāi mak a. 40#2Rē 15:5; Est 10:3; Sām 105:21-22; Isa 22:15; Kui 7:10Nang hi ka insūngkuo chunga ruoipū nī tānla, ka mi ngāi dōra chu na chongtaka anvonga om u'n ti. Rēngchōmphāng ronga hin nang na ranga lian ka ting,” a tī na. 41#Est 8:2; Zer 40:7; Dnl 6:3; Kui 7:10Faro'n Zosef a kōma, “Entā, Āigupta ram pumpui chunga ruoipūna kei na mansut kēng a ni zei,” a tī na. 42#Ant 25:4; 1Sa 17:38; 1Rē 19:19; Est 3:10; 6:8, 11; 8:15; Sām 73:6; Sol 4:9; Dnl 5:7, 29; Zek 3:4Faro'n zaketam sīlmōr chu a kut ātā a lāk a, Zosef a kuta a manbun a. Linen puon annīl le a manliang a, rāngkachak rakā a rīnga a manlī na. 43#Est 6:9; 10:3; Isa 2:7A sakortolāi dōn annina han a manchuong a. Mipui chu a makunga ankhēk u na, “Mankhūk bil u ro!” tīna. Āigupta ram pumpui chunga ruoipūna a mansut a. 44#Est 10:2Faro'n um Zosef a kōma, “Koi hi Faro kā nī na, nang na chong nōk anten Āigupta ram pumpuia, tūtē'n a kē lē a kut alāng thei nō ni,” a tī na. 45#Ant 2:17; Est 2:7Faro'n Zosef a raming Zafnat Paānea a phuo na. On khopuia chāizūng Potifera a nāinupang Asenat chu a thāinū ranga a pēk a. Hankēng Zosef chu Āigupta ram pumpuia va vēl kiar a.

46 # 1Sa 8:11; Chn 22:29; Dnl 1:19 Āiguptā rēng Faro makunga anding lāi han, Zosef chu kum 30 mī a ni. Zosef chu Faro makung ātā a suok a, Āigupta ram pumpuia va vēl a.

Kum Sari Nēksāk Tamna

47Kum sari nēksāk atampā hun sūnga, philin a hong manvāng sabak a. 48Hankēng hava kum sari sūnga Āigupta rama āvāng nēksāk dōra chu a mankhōm a, khopui tina nēksāk a mantīng a. Khopui tina, a ravēl phāi ngāi ātā nēksāk chu a rē na. 49Zosef-in sahūm chu tipui siatsāi ramal anga ātampā a mantīng a. A māisuo salui khop ei ni sika, ātel a bāng a.

50Māitām a hong āchul māna Zosef-in nāi anni a nei a, hivā ngāi hi On chāizūng Potifera a nāinupang Asenat-in ei mazirpē a ni. 51Zosef-in a nāirapā raming chu Menase#41:51 Menase: “A manngil” tīna a ni. a phuo na: “Asik chu Pathianin kei āntakna ngāi dōra lē ka pā insūng ngāi a na hong manngil a,” a tī na. 52A nāi annina raming chu Efraim#41:52 Efraim: “Thep annīna ānrā” tīna a ni. a phuo na: “Asik chu āntak kei tuorna rama Pathianin marā a na mannei a,” a tī na.

Kum Sari Māitām

53 # Aph 41:29-31; Sām 73:20 Āigupta rama nēksāk ātampā hun kum sari chu a hong āhek a. 54#Kui 7:11Zosef-in ei tī anga, kum sari māitām chu a hong phut a. Ram ngāi dōrāna māitām chu a hong āchul a, tenchu Āigupta rama chu nēksāk a lei om a. 55#Dān 32:24; 2Kh 20:9; Isa 51:19; Zer 5:12; Zn 2:5Āigupta ram pumpuia māitām a chul le chu, mipuiin Faro kōm ankhēka nēksāk a zong u na. Faro'n Āiguptā mi ngāi dōra kōma, “Zosef a kōma sē u ro, amā'n ei na tī u tak, thō u ro,” a tī na.

56Māitām chu phil pumpui chunga a hong āchul a, Zosef-in sasiar ngāi dōra chu a malong a, Āiguptā mi ngāi kōma a zuor a. Āigupta rama māitām chu a hong ānrik riam a. 57Phila mi ngāi dōra chu Āiguptā-na Zosef a kōma sahūm ānchōk ranga a hong u na, ram ngāi dōrāna māitām ei chul ei ānrik riam sika a ni.

Currently Selected:

Aphutna 41: RNL

Highlight

Copy