Aphutna 40

Zosef-in Ānkhum Anni ngāi Ramanga Rilmanthiang

1 # Neh 1:11 Hava ngāi suona hintin hin a nī na, Āiguptā rēng khurīnlōnpū lē tungpanpū ngāiin a pū u Āiguptā rēng aduia āsia a thō u na. 2#Est 2:21; Chn 16:14Faro chu a milian anni ngāi chunga, khurīnlōnpū ruoipū lē tungpanpū ruoipū chunga a tak asī na. 3Hatuka amā'n āvēngpū ruoipū ina ankhumna-ina, Zosef a lei ānkhumna-ina han amāni chu a va khum rit a. 4Āvēngpū ruoipū'n Zosef chu amāni āvēngpū ranga a va rē na, amāni dorbō chu a dom a. Nikhuo hotuk ten mo chu lōkōna ankhumna-ina a lā om u na.

5Āiguptā rēng khurīnlōnpū lē tungpanpū chu ankhumna-ina ānkhum ngāiin, āninīn u'n ramang a phan rit u na. Zān khat sūnga ramang a phan rit u na. A ramang u ngāi ha omzia nei chip a ni. 6#Aph 41:8; Dnl 2:1-3Zosef chu zīnga amāni kōma a hong ālūt a, entā, amāni chu anngūi ngeta a va mū na. 7#Neh 2:2Amā'n a puma ina Faro a milian ei ānkhumpui ngāi rang a rakel a, “Hong sika mo avian nei ānngūi sabak u?” a tī na.

8 # Dān 29:29; Dnl 2:22, 28, 47 Amānī'n a kōma, “Koinī'n ramang na phan rit a, tenchu hava ramang rilanthiangtheipū tūtē om mak a,” a tī na.

Zosef-in a kōm u na, “Rilanthiangna hi Pathian tā ni mak mo? Lungkhama na ramang u ngāi ha na ril u ta,” a ti u na.

9 # Dnl 4:10-18 Hatuka khurīnlōnpū ruoipū ramang chu Zosef rang a ril a, a kōma, “Entā, ka ramanga han theirapomrāng chu ka matona a lei āom a, 10#Isa 27:6; Hos 14:7Theirapomrānga han bāk anthum a om a, hava ha a hong ānmuom a, a hong āpār a, apār raku ngāiin theirapom āmin a hong rasuo na. 11#Neh 1:11Faro khuri chu ka kuta a lei om a, theirapom ngāi chu ka lāk a, Faro khurīna ka sōm a, khuri chu Faro kuta ka manlōn a,” a tī na. 12#Dnl 2:36Zosef-in a kōma, “Hiva hi rilanthiangna chu a ni: Abāk anthum ngāi chu nīnthum tīna a ni. 13#Zos 1:11; Ezr 8:32; Neh 2:11Nīnthum sūnga Faro'n na lū na mansāngpē in tia, na sinthōna mun dēna na mathui in ti. Nangin Faro kuta khuri chu manlōn na tia, hava māna khurīnlōnpū nā ni lāia nei manlōn chachak anga. 14#1Sa 20:14, 42; 25:31; 2Sa 9:1; 1Rē 2:7; Chp 9:15; Lk 23:42Tenchu na rang nikhuo a hong āhui tika na va riat tānla, lungkhama riangvāi na hong mū ro. Faro kōma ka rui va ril tānla, hivā in ātā na hong masuok rase. 15#Zōb 13:27Ataktaka Hebrāi ngāi ram ātā anruka a hong āntuong kā nī na. Ankhumna khurzīnga ei na khum una rang khopa, hivā hin um ītē thō mak ung a,” a tī na.

16 # Am 8:1-2 Tungpanpū ruoipū khītin ei rilanthiangna chu asāna a riat a, amā'n Zosef a kōma, “Koi um ramang ka phan a, ka lu chunga koksereng anthum vāipōltheppak ka diang a. 17#Aph 49:20Chung khīta bōma han Faro ranga nēksāk chi tin a om a, ka lu chunga bōm ātā va ngāiin a hong sāk u na,” a tī na. 18Zosef-in a masang a, “Hiva hi rilanthiangna a ni: bōm anthum ngāi hi nīnthum tīna a ni. 19#Dān 21:22-23; 28:26; 1Sa 17:44; 2Sa 21:10; 1Rē 14:11; Est 2:23; Izk 39:4Nīnthum sūnga Faro'n na lū chu na taksā nātā na mansāng a, thingkunga na mathōi in ti. Va ngāiin na taksā chu sāk u'n ti,” a tī na.

20 # Est 2:18; Mt 14:6-10; Mk 6:21 Nī anthumna han hintin hin a hong ānī na, Faro ei ānzirna champhāna, a suok ngāi dōra ranga pāntā a mansūk a. A suok ngāi bila khurīnlōnpū ruoipū lē tungpanpū ruoipū ngāi lū chu a mansāng a. 21#Zer 52:31Khurīnlōnpū chu a dingmun dēna a mathui a, khuri chu Faro kuta a pēk a. 22Tenchu tungpanpū ruoipū chu a mathōi a, Zosef-in a lei rilmanthiang anga. 23#Chp 1:11Tenchu khurīnlōnpū ruoipū'n Zosef chu va riattit lāi mak a, a va mangil diei a.

Currently Selected:

Aphutna 40: RNL

Highlight

Copy