Aphutna 39

Zosef lē Potifar a Thāinū

1 # Aph 45:4; Kui 7:9 Zosef chu Āigupta rama a ruoi u na. Faro a milian khat, ārungpū ngāi ruoipū, Āigupta mī Potifar han Zosef chu, Ismael mī ama a hong āruoi ngāi kōm ātā a rachōk a. 2#Zos 1:5; Rui 1:19; 1Sa 18:14; Kui 7:9Zehova chu Zosef a bila a om a, hasikhan ama chu takanchang mī khat a ni. Ama chu Āigupta mī a pū ina a om a. 3#1Sa 18:14; 2Rē 18:7; 2Kh 20:20; Sām 1:3; Isa 33:6Zehova chu a bila ei oma, a kut sinthō takpeia Zehova'n bārī ei mantung chu, a pū'n a mū na. 4#1Rē 11:28; Chn 22:29Hankēng Zosef chu a pū mitmūna lungkham a tung a, ama chu a pū dorbō ā dom a. Potifar-in a insūngkuo ngāi chunga āenpūna a phun a, ei nei ngāi dōra chu a kut chunga a betōk kiar a. 5#Dān 28:3; 2Sa 6:11A insūngkuo lē ei nei ngāi dōra chunga āenpūna ei phun len ātā, Zehova'n Āigupta mī insūngkuo chu Zosef a zāra bōr a pēk a. Ei nei ngāi dōra chunga ina lē phāia Zehova bōrsāng atung u na. 6#Ant 2:2; 1Sa 9:2; Dnl 1:4Hantin han ei nei ngāi dōra chu Zosef a kut chunga a bāng a, a nēksāk rang rong nōk anten chu atei ītē riat mak a.

Zosef chu ānzuot lē mēlsā a ni.

7 # Chn 7:15-18 Hava ngāi suona hintin hin a nī na, a pū thāinū'n Zosef chu ning a ōl a, amā'n, “Na zālpui ro,” a tī na.

8 # Chn 6:23-24 Tenchu amā'n zōt mak a, a pū thāinū kōma, “Entā, hivā hin kei om sika, ka pū'n hivā in ruia ītē mandon mak a, ei nei dōra chu ka kuta a na betōk a. 9#Atl 22:34Hivā ina hin koi ka nēka tūtē ālian om mak a, nang rong nōk chu amā'n atei ītē ka kōma ei na betōk nōk om mak a, asik chu nang hi a thāinū nā nī na. Hanle hontin mo hivā nunsiatnā alianpa hi kei thōna, Pathian aduia āsia kei thō rang?” a tī na.

10 # Est 3:4; Chn 1:10 Hantin han anikhuo'n tina amā'n Zosef a chongpui ngalā'm, amā'n āzālpui rang lē a bila om ranga chu poisakpē mak a.

11Tenchu ni khat chu hintin hin a hong ānī na, Zosef chu a sin āthō ranga insūnga a vā lūt a, hava lāi han ina insūngkuo mītei tūtē om mak a. 12#2Sa 13:11; Chn 5:8; 7:13; 2Ti 2:22Amā'n Zosef a raliang a lei sūr a, amā'n, “Na zālpui ro,” a tī na. Tenchu Zosef-in a raliang chu ama kuta a māk a, a rot a, apang tiang a tān a. 13#Aph 38:1, 25Amā'n Zosef a raliang a kuta ei māk raka, apanga ei rot a mū le chu, 14#Dān 22:24, 27A ina om mi ngāi chu a kui a, amāni kōma, “Entā, ka ruotharin ēlsekara anā thō ranga, Hebrāi mī khat ei hong ruoi a ni. Ama chu anā zālpui ranga a hong ālūt a, hasikhan anringa kei ānkhēk a ni zei. 15Anringa kei ānkhēk a riat le chu, a raliang chu kā kōla, a māk raka, a rot a, apanga a suok a,” a tī na.

16 # Sām 37:12, 32; Zer 4:22 Hankēng a pū ha a ina a hong ātung māseng chu, a raliang chu a lei siak a. 17#Sām 101:5Hatuka a ruothar kōma hivā chong ngāi hi a lei ril a, “Hebrāi suok koini kōma nei hong tuong ha, ēlsekara anā thō ranga ka kōma a hong ālūt a. 18#Aph 22:13; Chn 12:22Anringa kā'n khek le chu, a raliang chu ka kōla a māk a, apang tiang a rot a,” a tī na.

19 # Est 1:12 A pū'n a thāinū chongril ngāi, “Na suokin hintin hin ei na lōt a ni,” tī a hong riat le chu, a tak asi alum a. 20#Sām 105:18Zosef chu a pū'n a ruoi a, ankhumna-ina, a va khum a. Hivā muna hin rēngin ei khum ngāi ei ānkhum u a ni. Zosef chu hava ankhumna-ina a om a. 21#Ant 3:21; Est 2:9; Sām 106:46; Chn 16:7; Dnl 1:9Tenchu Zehova chu Zosef a bila a om a, lungkham a mū na, ankhumna-in āvēngpū mitmūna lungkham a manmū na. 22#Aph 40:3-4Ankhumna-in āvēngpū'n ankhumna-ina ānkhum ngāi dōra chu Zosef a kuta a betōk kiar a. Havana ei thō u dōra chu Zosef-in ei thō kiar a ni. 23#Aph 29:27, 30; 31:7; Atl 14:41-43Ankhumna-in āvēngpū'n Zosef a ningneina thuoia, neinun āom dōra chu ītē en lāi mak a. Asik chu Zehova a bila a om a, ei thō takpei chu Zehova'n tak a manchangpē na.

Currently Selected:

Aphutna 39: RNL

Highlight

Copy