Popular Bible Verses from Aphutna 39

Share

Zehova chu Zosef a bila a om a, hasikhan ama chu takanchang mī khat a ni. Ama chu Āigupta mī a pū ina a om a.

Hantin han ei nei ngāi dōra chu Zosef a kut chunga a bāng a, a nēksāk rang rong nōk anten chu atei ītē riat mak a. Zosef chu ānzuot lē mēlsā a ni.

Ankhumna-in āvēngpū'n ankhumna-ina ānkhum ngāi dōra chu Zosef a kuta a betōk kiar a. Havana ei thō u dōra chu Zosef-in ei thō kiar a ni.

Zosef chu a pū'n a ruoi a, ankhumna-ina, a va khum a. Hivā muna hin rēngin ei khum ngāi ei ānkhum u a ni. Zosef chu hava ankhumna-ina a om a. Tenchu Zehova chu Zosef a bila a om a, lungkham a mū na, ankhumna-in āvēngpū mitmūna lungkham a manmū na.

Hava ngāi suona hintin hin a nī na, a pū thāinū'n Zosef chu ning a ōl a, amā'n, “Na zālpui ro,” a tī na. Tenchu amā'n zōt mak a, a pū thāinū kōma, “Entā, hivā hin kei om sika, ka pū'n hivā in ruia ītē mandon mak a, ei nei dōra chu ka kuta a na betōk a. Hivā ina hin koi ka nēka tūtē ālian om mak a, nang rong nōk chu amā'n atei ītē ka kōma ei na betōk nōk om mak a, asik chu nang hi a thāinū nā nī na. Hanle hontin mo hivā nunsiatnā alianpa hi kei thōna, Pathian aduia āsia kei thō rang?” a tī na.

Tenchu ni khat chu hintin hin a hong ānī na, Zosef chu a sin āthō ranga insūnga a vā lūt a, hava lāi han ina insūngkuo mītei tūtē om mak a. Amā'n Zosef a raliang a lei sūr a, amā'n, “Na zālpui ro,” a tī na. Tenchu Zosef-in a raliang chu ama kuta a māk a, a rot a, apang tiang a tān a.