Aphutna 26

Isak lē Abimelek

1 # Dān 32:24; Rui 10:6 Abraham a hunlāia māitām mānsā panga, hava rama han māitām a chul rēt a. Isak chu Filistia ngāi rēng Abimelek kōma Gerar-a a sē na. 2Hatuka Zehova chu a kōma a hong anlang a, “Āigupta rama sē nō ro, kei na ril rang rama han om ro. 3#Ant 3:12; Isa 43:2; Zer 1:8, 19; Hag 1:13; Kui 7:5Hivā rama ommun khuor tānla, na bil una om ka tia, bōr na pēk ka ting. Hivā ram dōra hi nang lē na chipui ngāi ranga ka na pēk u, na pā Abraham a kōma ka khomāk ansamna chongtin ha, tak hong manchang ka ting. 4#Kui 3:25; Gal 3:8Anvāna ārsi ngāi anga na chī chu la maphung ka ting. Hivā ram ngāi dōra hi na chipui ngāi la pēk ka ting, na khūk ātā phila nam tin bōrsāng la tung in ti. 5#Lev 18:4-5, 26; Atl 15:40; Dān 4:40; 1Rē 2:3; Izk 18:21Asik chu Abraham-in ka hē a tel a, ka chongril ngāi, ka chongpēk ngāi, ka dānphun ngāi lē kei manchūna ngāi a zī kiar a,” a tī na.

6Hankēng Isak chu Gerar-a ommun a khuor a. 7#Aph 12:11, 13; 20:2, 12; 24:16; 29:17; Chn 29:25Havana khuo mi ngāiin a thāinū ruia a rakel u na. Amā'n, “Ka sarnū kēng,” a tī na. Asik chu amā'n, “Ka thāinū kēng,” āti rang ā chī na. Asik chu amā'n a mandon a, “Rebeka sika hivā rama mi ngāiin a na that lam ving u ngāi, asik chu Rebeka ha a mēl āsā a ni.” 8Hintin hin a nī na, hava han āsōtpā a om suona, Filistia ngāi rēng Abimelek-in tukver ātā a en a, entā, Isak-in a thāinū Rebeka ei ānbōipui a mū na. 9Hatuka Abimelek-in Isak a kui a, “Na thāinū tatak ei nīna hin, hontin mo, ‘Ama hi ka sarnū kēng,’ nei ti thei?” a tī na. Isak-in a kōma, “Asik chu, ‘Ama sika kā thi ving inle,’ kei tī,” a tī na. 10Abimelek-in, “Imo koini chunga nei na lōt a ni zei? Mī khat peiin na thāinū a lei āzālpui vingin, hatuka koini chunga siatanlōna nei hong masul rang,” a tī na. 11#1Sa 24:6; Sām 105:15Hankēng hintin hin Abimelek-in a mi ngāi dōra chong a pēk a, “Tūkareng hivā miring mo ole a thāinū mo ātōn tak chu ei thi ngēt rang,” a tī na.

12 # Mt 13:8 Hatuka Isak-in hava rama han sāng a tū na, hava kum lena han thep razā a āt a. Zehova'n bōr a pēk a. 13#Dān 8:18Ama chu a nei a, anei sabak māseng a hong ānei tir a. 14Hantin han amā'n dōngluo beraruol lē sarātruol a dōn a, suok ātampā'm a dōn a. Hava sika han Filistia ngāiin manarasia a thō u na. 15Hasikhan a pā Abraham a dam lāia a suok ngāi tikhur ei manhuot ngāi dōra ha, phil le a manbit kiarpē u na, Filistia ngāiin a mahīppē u na. 16#Ant 1:9; Dān 8:18; Rui 11:7; Sām 105:24-25Abimelek-in Isak a kōma, “Koi nī bil ātā sē ta ro, asik chu koini ranga nangni ranak nā nei sabak u na,” a tī na.

17Hatuka Isak chu hava nātā a suok a, Gerar phāiruoma a puon-in chu a zar a, hava han ommun a khuor a. 18A pā Abraham a dam lāia tikhur anhuot ngāi ha, Isak-in a hong āhuot rēt a, Abraham a thi suona Filistia ngāiin hava ngāi dōra ei mahīp u sika. A pā Abraham-in a raming ei phuo ngāi ang dēna, Isak-in a hong phuo rēt a. 19Isak a suok ngāiin um phāiruoma ā huot u na, hava han tinār aluong tikhur a man u na. 20Tenchu Gerar rama ran ārung ngāiin Isak a ran ārung ngāi chu, “Tī chu koini na tā kēng,” tīna ansuolpui u na. Hasikhan amā'n tikhur raming chu Esek#26:20 Esek: “Ānsuol” tīna a ni. a phuo na, asik chu amānī'n Isak ansuolpui u na. 21Hatuka atei tikhur khat āhuot rēt u na, hava sikā'm ansuol rēt u na. Hankēng hava raming chu Sitna#26:21 Sitna: “Duina” tīna a ni. a phuo na. 22#Sām 18:19; Isa 33:20Hava nātā anthot a, tikhur a vā huot rēt a, hava sika chu ansuol u lāi mak a. Hasikhan amā'n a raming chu Rehobot#26:22 Rehobot: “Mun atong” tīna a ni. a phuo na, asik chu amā'n, “Atun ātā kēng Zehova'n mun ei na la sinpē, hivā rama koinī'n marā tamtak dōn in ti,” a tī na.

23Hatuka hava nātā Beērseba-na a sē na. 24#Dān 13:17; Zos 8:1Hava zān lena han Zehova chu a hong anlang a, “Koi hi na pā Abraham a Pathian kā ni, āchi nō ro, asik chu na bila kā om. Ka suok Abraham a sika, bōr na pēk ka ting lē na chipui ngāi la maphung ka ting,” a tī na. 25#Kui 2:21Hankēng hava han amā'n māichām a sin a, Zehova raming chu a pāi a, hava han a puon-in chu a zar a. Hatuka Isak a suok ngāiin hava han tikhur ā huot u na.

Isak lē Abimelek Dānkhitna

26Hatuka Abimelek chu a kōma Gerar ātā a mal ngāi bila angkhat, Ahuzat lē sipai ruoipū Fikol ngāi le a hong a. 27#Rui 11:7Isak-in a kōm u na, “Hong sika mo ka kōm a nei hong u, asik chu nangnī'n nei na mūmāka, na kār u nātā nei na rahōk u a ni,” a tī na. 28#Zos 9:6Tenchu amānī'n, “Zehova na bila ei om hi anthiang vanga na mū thei zei a. Hasikhan koinī'n, ‘Nang lē koini kongkāra chongtinna om rase! Nang lē koinī'n dānkhitna khat dōn u rei, 29koini chunga āsia nei na thō nōkna ranga. Asik chu koinī'n na tōn ngal mak mē na, āsā rong nōk chu na chunga ītē thō mak mē na, tenchu phūkdāi taka kēng nei na mansē a ni. Hasikhan atun chu nang hi Zehova kōm ātā bōrsāng atung kēng nā ni,’ tīna na mandon a,” a ti u na.

30 # Ant 18:12; 1Sa 20:27 Hankēng amā'n pāntā a thōpui a, anēk asāka, a buong u na. 31#Aph 21:14, 31Hatuka zīnga ārkhuona anthui u na, amāni le amāni khomāk ansama chongtinna a dōn u na. Isak-in amāni chu a manphet a, phūkdāi taka amāni chu a kōm ātā a sē u na.

32Hintin hin a hong ānī na, hava nikhuo lena Isak a suok ngāi a hong u na, tikhur ei āhuot u rui chu a hong manthei u na, a kōma, “Tī na man zei a,” a ti u na. 33Hankēng ha tikhur chu Siba#26:33 Siba...Beērseba: Siba chu “sari” ole “chongtin” tīna a ni. Beērseba chu “tikhur sari” mo ole “khomāk ansamna tikhur” tīna a ni. a phuo na. Hasikhan ha khopui raming chu avian tena Beērseba a lā nī na.

Esau'n Nam Atei Nungāk a Lāk

34 # Zos 3:10; 1Sa 26:16; 1Rē 10:29 Esau kum 40 a ni han, Het mī Beēri nāinupang Zudit lē Het mī Elon nāinupang Basemat ngāi chu a thāinū rang a lāk a. 35#Aph 27:46Hava ngāi ha Isak lē Rebeka malung ānna ngāi a ni u na.

Currently Selected:

Aphutna 26: RNL

Highlight

Copy