Aphutna 27

Isak-in Zakob Bōr a Pēk

1 # Dān 34:7; 1Sa 3:2 Hintin hin a hong ānī na, Isak chu a hong ātar a, a mit a lei hong zīng sabak a, mutheilui khopa a om a. Hava lāi han a nāipasal ulian Esau chu a kui a, a kōma, “Ka nāipasal” a tī na.

Amā'n, “Hiva hin kā om,” a tī na.

2 # 1Rē 2:1 Hatuka Isak-in, “Entā, atun kā tar zei a. Kei thi rang nikhuo riat mak ung a. 3Hasikhan atun, lungkhama na rālthuom, na thalkok lē na thal sāilī ngāi lāk tānla, rama sē tānla, ka ranga ramsā na va valpē ro. 4#Heb 11:20Kei madū dān nēksāk ātī kei sāk ranga, na hong chōipē ro, hatuka kā thi mān ka rathā'n bōr ei na pēkna rang,” a tī na.

5Isak-in a nāipasal Esau a chongpui lāi han, Rebeka'n a lei rangāi a. Esau chu ramsā avala a hong āchōi ranga ram tiang a sē na. 6Hankēng Rebeka'n a nāipasal Zakob rang, “Entā, na pā'n nā vō Esau kōma, 7‘Ramsā na va lākpē tānla, kei nēk ranga nēksāk ātī na mansūkpē ro. Hatuka kā thi mān Zehova matona bōr na pēk ka ting,’ ei tī ha ka riat a. 8Hasikhan, ka nāipasal, chong kei na pēk anga ka chongpēk ngāi chu zī ro. 9#1Sa 16:20Ranruol omnāna sē tānla, hava nātā han kēltē antuoi nanat anni na vā lākpē ro, hatuka na pā ranga ama ei madū dān anga, nēksāk ātī sabak mansūkpē ka ting. 10Hatuka na pā kōma chōi in na tia, hankēng hava ha sāk in tia, hatuka a thi mān bōr ei na pēk theina ranga,” a tī na. 11Zakob-in a nū Rebeka kōma, “Entā, kā vō Esau chu ānmul mī a ni, tenchu koi chu mi vun annīl kā nī. 12Ka pā'n a na lei matuoi ving inle. Ama ranga āhuongpū hong ni ka ting. Hatuka bōrsāng niluia ka chunga khomāk ka hong mantung ving inle,” a tī na. 13#Mt 27:25Tenchu a nū'n a kōma, “Ka nāipasal, na chunga khomāk chu ka chunga tung rase. Ka hē rong tel tānla, sē ro, hava ngāi chu na va lākpē ro,” a tī na. 14A sē na, hava ngāi a va lāk a, a nū kōma a hong chōi a, hatuka a pā'n ei madū anga a nū'n nēksāk ātī sabak a mansūkpē na. 15Hatuka Rebeka'n a nāipasal ulian Esau puon anthang ina a kōma āom ha a lāk a, a nāipasal nāipang Zakob chu a mansil a. 16Kēlte ngāi vun chu a kuta lē a rīng annīlna muna a mansil a. 17Hatuka nēksāk ātī sabak lē nēksāk ei mansūk ngāi chu a nāipasal Zakob a kuta a pēk a.

18Hankēng ama chu a pā kōma a sē na, “Pāpā,” a tī na. Amā'n, “Hiva hin kā om. Tū mo nā nī, ka nāipasal?” a tī na. 19Zakob-in a pā kōma, “Na nāirapā Esau kā nī. Nei na ril anga kā hong thō zei. Lungkhama anthui ro, ansut tānla ka me that hi sāk ro, na rathā'n bōr ei na pēkna rang,” a tī na. 20Tenchu Isak-in a nāipasal kōma, “Ka nāipasal, hontin mo anrap sabaka nei va man len thei?” a tī na.

Hatuka amā'n, “Zehova na Pathianin ei na pēk a ni,” a tī na.

21Isak-in Zakob a kōma, “Ka nāipasal, lungkhama hong nāi ta, kei na matuoina rang, ka nāipasal Esau ngal chu nā ni tatak mo ole ni mak che mo,” a tī na. 22Hankēng Zakob chu a pā Isak a va dēp a, amā'n a lei matuoi a, amā'n, “A rōl chu Zakob a rōl a ni, tenchu a kut ngāi chu Esau a kut ngāi a ni,” a tī na. 23Amā'n lei riatthei mak a, asik chu a paruol Esau a kut ngāi anga a kut anmul a ni. Hankēng amā'n bōr a pēk a. 24Hatuka amā'n, “Ka nāipasal Esau nā ni tatak mo?” a tī na. Amā'n, “Kā nī,” a tī na. 25Amā'n, “Ka kōla hong chōi ro, ka rathā'n bōr ei na pēkna ranga, ka nāipasal me that chu sāk di rong,” a tī na. Hankēng a kōla a hong chōi a, a sāk a. Hatuka theirapomningtī a hong chōi a, a buong a.

26Hatuka a pā Isak-in a kōma, “Ka nāipasal, na hong dēp tān, na tum ro,” a tī na. 27#Ant 4:27; Rūt 1:9; 1Sa 20:41; 2Sa 14:33; Sām 65:10-13; Heb 11:20A hong dēp a, a tum a. Amā'n a puonsil marim chu a marim a, bōr a pēk a.

Amā'n, “A ni ngēt, ka nāipasal marim hi

Zehova'n bōr ei pēk suo ram marim ang a ni.

28 # Dān 33:13; 2Sa 1:21; Sām 4:7; 65:9; Chn 3:20; Isa 36:17; Zer 31:12; Hos 14:5; Hag 1:10; Zek 8:12 Hasikhan Pathianin vān rodō, philsatna, sahūm lē

Theirapomningtī tamtak na pēk rase.

29 # 2Sa 8:14 Nam ngāiin na dorbō a dom u rase,

Nam ngāi chu na matona anbok u rase.

Na paruol ngāi chunga puma ni ro,

Na nū nāipasal ngāi chu na kōma anbok u rase.

Khomāk anā sam ngāi dōra chu khomāk tung rase,

Bōr anā pēk ngāi dōra chu bōrsāng tung rase!”

a tī na.

Esau Sabeina Dong

30Hatuka hintin hin a nī na, Isak-in Zakob bōrsāng a pēk suo phing a, Zakob chu a pā Isak kōm ātā a lei āsuok chak le, a vō Esau chu mēval ātā a hong ālūt a. 31Amā'n um nēksāk ātī a mansūk a, a pā kōma a hong chōi a, a pā kōma, “Ka pā anthui sela, a nāipasal me kāp sāk rase, na rathā'n bōr ei na pēkna rang,” a tī na. 32#Aph 25:33-34A pā Isak-in a kōma, “Tū mo nā ni?” a tī na.

Hankēng amā'n, “Na nāipasal, na nāirapā Esau kā ni,” a tī na.

33 # Aph 25:23; 28:3-4; Atl 23:20 Hatuka Isak chu annōk sabak a, amā'n, “Tū mo? Mē kāp ka kōma a hong āchōipū ha hon tiang mo ei om a ni zei? Nā hong māna hava ngāi dōra ka lei sāk suona, bōr ka lei pēk suo zei, taktaka ama chu bōrsāng tung in ti,” a tī na.

34 # Ant 12:32; Heb 12:17 Esau'n a pā chong a riat suole han, ama chu a na sabaka ankhēk a, a chap a, a pā kōma, “O pāpā, bōr na pēk ro, koi um bōr na pēk ro!” a tī na.

35 # Zer 9:4 Tenchu ama kōma, “Na nāipā'n a na lei hong huonga, na bōrsāng chu a na lei hong lākpē zei,” a tī na.

36 # 1Sa 28:12; Heb 12:16-17 Esau'n, “A raming Zakob#27:36 Zakob: “Kemadil asūr” ole “Āhuong” tīna a ni. ei ānphuo ha ādik phit ni mak mo? Amā'n voi anni a na huong suo zei a. Nāirapa kei nina a na lākpē na, entā, ka bōrsāng um a nā lākpē viak zei!” a tī na. Amā'n, “Ka rang le bōrsāng hōi lāi mak chē mo?” a tī na.

37 # Ezr 6:9; Isa 16:10; Zer 40:12 Hatuka Isak-in Esau rang a masang a, “Entā, ama chu na Pumāna ka sin a, a paruol ngāi dōra asuok ranga ka pēk a. Ama chu sahūm lē theirapomningtī le han ka vūr a. Ka nāipasal, atun na ranga hong mo kei thō rang?” a tī na.

38 # Atl 14:1; Rui 2:4; Rūt 1:9; 1Sa 11:4; Heb 12:17 Esau'n a pā kōma, “Ka pā, bōr angkhat dak mo nei dōn? O ka pā, bōr na pēk ro, koi um bōr na pēk ro!” a tī na. Esau chu anring sabaka a chap a.

39 # Heb 11:20 Hatuka a pā Isak-in ama rang a masang a, a kōma,

“Entā, ommun nei khuorna rang chu philsatna le,

Chung tianga anvān rodō madōng phaluia nī'n ti.

40 # 2Sa 8:14; 2Rē 8:20, 22 Na khendāi le dam in na ti,

Na nāipā dorbō ādom na ti.

Hintin hin hong nī'n tia, cheianvāia nā om tikle,

Zakob a rīngkol chu na rīng ātā khiak in na ti,” a tī na.

Zakob, Esau nātā a Zōk

41 # Atl 20:29; 1Sa 17:28; Hos 10:14; Oba 1:10 Hankēng a pā bōr pēk, bōrsāng sika Esau chu Zakob a mūmāk a. Esau'n a malunga, “Ka pā chapanngūina rang nikhuo chu a nāi zei. Hava suole han ka paruol Zakob chu that ka ting,” a tī na.

42Hatuka a nāi ulian Esau chongril chu Rebeka kōma anril a. Hankēng amā'n a nāipasal nāipang Zakob chu a va mankui a, a kōma, “Entā, nā vō Esau chu anā that rang avala na ruia a ninga lungngam ansaka om. 43Hasikhan ka nāipasal ka chong tel ro: anthui tān, Haran-a ka chāpā Laban a kōm va rot ro. 44Na vō a taksitna a chum māseng, a bila va om tot ro. 45Na chunga na vō a taksitna a chum māseng lē a chunga nei thō a mangil māseng. Hatuka hava nātā mī hong tīra na hong manlāk ka ting. Hong sika mo nikhat sūnga kei na machān rit u rang?” a tī na.

46 # Aph 26:34-35; 28:8; Zōb 7:7 Rebeka'n Isak a kōma, “Het nāinupang ngāi sika kei damna hi a mahuot zei. Hivā rama nāinupang ngāi anga, Zakob-in Het nāinupang ngāi a thāinū rang a lāk ten, ka ranga damna hi imo ei nemna?” a tī na.

Currently Selected:

Aphutna 27: RNL

Highlight

Copy