Popular Bible Verses from Aphutna 26

Share

Hivā rama ommun khuor tānla, na bil una om ka tia, bōr na pēk ka ting. Hivā ram dōra hi nang lē na chipui ngāi ranga ka na pēk u, na pā Abraham a kōma ka khomāk ansamna chongtin ha, tak hong manchang ka ting.

Anvāna ārsi ngāi anga na chī chu la maphung ka ting. Hivā ram ngāi dōra hi na chipui ngāi la pēk ka ting, na khūk ātā phila nam tin bōrsāng la tung in ti. Asik chu Abraham-in ka hē a tel a, ka chongril ngāi, ka chongpēk ngāi, ka dānphun ngāi lē kei manchūna ngāi a zī kiar a,” a tī na.

Hava nātā anthot a, tikhur a vā huot rēt a, hava sika chu ansuol u lāi mak a. Hasikhan amā'n a raming chu Rehobot a phuo na, asik chu amā'n, “Atun ātā kēng Zehova'n mun ei na la sinpē, hivā rama koinī'n marā tamtak dōn in ti,” a tī na.

Hatuka Zehova chu a kōma a hong anlang a, “Āigupta rama sē nō ro, kei na ril rang rama han om ro.

Hankēng hava han amā'n māichām a sin a, Zehova raming chu a pāi a, hava han a puon-in chu a zar a. Hatuka Isak a suok ngāiin hava han tikhur ā huot u na.