ST. LUKE 6
6
1Kepuhgummeähyahmahgud dush uhpe neezhing aunwabe‐kezheguk keëshquah keche‐aunwabekezheguk, kepahbahmoosa emuh buhquazhegune‐ketegauning; ookekenooahmahgunun dush oogeühnechesuhnukkepenuhwaun enewh buhquazhegunun powenuhmoowaud emuh ooneenjewaung keäumwahwaud edush.
2Abnind dush enewh Phariseen oo‐oo oogeëgoowaun. Ahneeshwin ezhechegayag magwah aunwabe‐kezheguk ewh enandahgussenook cheëzhechegangebun?
3Jesus dush oogenuhquatuhwaun, oo‐oo keënaud, Kah nuh ween keduhgindussenahwah e‐ewh kahezhechegad owh David, uhpe kahpuhkuddad ween kuhya enewh wahjewahjin?
4Kepeendegad emuh Kesha‐Muhnedoo oowegewauming, keöodahpenaud dush enewh wahbundahewawine buhquazhegunun; enewh enandahgoozesig ahweyah cheäumwahpun, egewh atuh sahsahgewejega‐wenenewug, keäumwaud dush, kuhya oogemeenaun enewh wahjewahjin?
5Oo‐oo dush oogeënaun, Owh Enene Oogwissun oodoogemahkundaun kuhya ewh aunwabe‐kezhig.
6Kepuhgummeähyahmahgud menuhwah aunwabe‐kezhegudenig kepeendegad emuh ahnuhmeä‐weguhmigoong, kuhya kekekenooahmahgad: kuhya dush ewede keähyah pazhig enene neboomahgudenig ookeche‐neenj.
7Egewh dush oozhebeëga‐wenenewug kuhya egewh Phariseeg oogeähkahwahbuhmahwaun, kishpin wenoojemooahnegwan aunwabe‐kezhegudenig; chemekuhmoowaud gagoo kaoonje‐ahnahmemahwaud.
8Ween dush oogekekanemaun uhyenanduhmenid, oo‐oo dush oogeënaun enewh naboowenikanejin enenewun, Puhsegween, emuh nahwuhyeëe nebahwin. Kepuhsegwewun dush kuhya kenebahwewun.
9Jesus dush oo‐oo oogeënaun, Kegahkuhgwajeminim suh, Nundahwandahgwud aunwabe‐kezheguk chemenoo‐doodahgang gamuh chemujje‐doodahgang? chebemahjeëwang gamuh cheneshewang?
10Oogeguhnuhwahbuhmaun kuhkenuh enewh kewetuhyeëe nahbahwenejin, oo‐oo oodenaun enewh enenewun, Umba zhebenikanin. Me dush keëzhecheganid; kenoojemoomahgudene dush ooneenj debishkoo ahzhuhweneenj.
11Kekeche‐kewuhnahje‐wegedahzoowug suh egewh Phariseeg; kekuhnoonedewug, nuhmunj kadoodahwahwah gwan enewh Jesusun.
12Kepuhgummeähyahmahgud ewh uhpe kezheguk, kesahgahum, keëzhaud dush wahjewing cheähnuhmeäud; kuhpa‐tebik dush keähyah ahnuhmeätuhwaud enewh Kesha‐Muhnedoon.
13Uhpe dush kahwahbunenig oogenundoomaun enewh ookekenooähmahgunun: uhpe dush kahwawanahbuhmaud metahswe‐ahshe‐neezh, Apostleün oogeëzheweenaun.
14Simonun enewh kahezhenekahnahjin Peter, kuhya enewh wejekewaün Andrewun, Jamesun kuhya Johnun, Philipun kuhya Bartholemewun,
15Matthewun kuhya Thomasun, Jamesun oogwissun owh Alpheus, kuhya Simonun, Zelotes kahezhenekahzoonejin,
16Judasun wejekewaün owh James, kuhya Judas Iscariot, mesuh wah‐owh kahbahtahewad.
17Uhpe kahweejenesahkewamaud, kenebahwe emuh mushkootang, kuhkenuh ookekenooähmahgunun, kuhya keche‐nebewah ahnishenahban kahpeöonjebahnejin emuh kuhkenuh anegookwaug ewh Judeaing duhzhe uhkee, kuhya emuh Jerusaleming, kuhya emuh Tyring, cheege‐kechegummee anduhgoog, kuhya emuh Sidoning kahpeëzhahnejin, chebezindahgood kuhya chenoojemooëmind ewh anahpenanid;
18Kuhya dush egewh kahkooduggeëgoojig enewh wahnezenejin muhnedoon: kenoojemooähwug dush.
19Kuhkenuh dush egewh ahnishenahbag oogenundahwandahnahwah chetaungenahwaud: kepeöonzekahne muh ewh kushkeäwezewin, chenoojemooäud dush kuhkenuh.
20Ween dush uhpe duhyatahgahbid keguhnuhwahbuhmaud enewh ookekenooähmahgunun, oo‐oo keëkedood, Keshahwandahgoozeem kenuhwah katemahgezeyag: kedebandahnahwah muh Kesha‐Muhnedoo oodoogemahwewin.
21Keshahwandahgoozeem kenuhwah noongoom pakuddayag: kegahtabesineëgoom muh. Keshahwandahgoozeem noongoom maweyag: kegahbahpim muh.
22Keshahwandahgoozeem, uhpe sheenganemenagwah egewh enenewug, kuhya uhpe puhka‐wabenenagwah, kuhya mujje‐guhnoonenagwah, kuhya uhpe ezhe‐sahgeje‐wabenuhmoowaud kedoonoozoowinewah debishkoo andoodahwindwah egewh majeëzhewabezejig, oonje owh Enene Oogwissun.
23Moojegezeyook ewh uhpe kekezheguk, kuhya keche-oonahnegwanduhmook: benuh gooshah, keche‐enandahgwud ewh kameenegooyag ewede keche kezhegoong: me muh oonoo, oosewahbuneen kahdoodahwahnid enewh aunwahjega‐wenenewun.
24Kedahnemezeem suh kenuhwah wuhyahnuhdezeyag! noongoom muh ketaähyahnahwah ewh kemenoodaäshkahgoowinewah.
25Kedahnemezeem kenuhwah tuhyabesineyag! kegahpuhkuddam muh. Kedahnemezeem kenuhwah noongoom buhyahpeyag! kegahkushkandaum suh kuhya dush kegahmuhweem.
26Kedahnemezeem uhpe kuhkenuh enenewug menoo‐duhzhemenagwah! me muh nahsaub kahdoodahwahwaud enewh kakenuhwishke‐aunwahjega‐wenenewun.
27Kedenenim suh kenuhwah nwaunduhmag, Sahgeïk egewh shaunganemenagoog, menoodoodahwik egewh nashkanemenagoog,
28Shahwanemik egewh maje‐guhnoonenagoog, kuhya ahnuhmeätuhmahwik egewh quatuggeënagoog.
29Owh pakittaöok emuh kenoowaung enenuhmow ewh ahzhuhwuhyëe; kuhya kagoo sahgetoomahwahkan owh kamuhkummik ewh kekeche‐puhpeensekuhwahgun ewh kepuhpeensekahwahgun.
30Meezh kuhkenuh egewh nandoodahmahwikig; owh dush makummik enewh kedahyeemun gagoo menuhwah nundooduhmoowahkan.
31Azhenundahwanduhmag egewh enenewug chedoodoonagwah, me nahsaub kenuhwah kadoodahwagwah.
32Kishpin dush sahgeägwah egewh suhyahgeënagoog, ahneen manwandahgoozeyag? pooch muh majeëzhewabezejig oosahgeähwaun enewh suhyahgeëgoowahjin.
33Kishpin dush menoo‐doodahwagwah egewh manoo‐doodoonagoog, ahneen manwandahgoozeyag? pooch egewh majeëzhewabezejig nahsaub ezhechegawug.
34Kishpin ahweägwah shooneyah ningahkezhekahgoonahnig uhyenanemagoog, ahneen azheminwandahgoozeyag? egewh muh majeëzhewabezejig oodahweähwaun shooneyah enewh majeëzhewabezenejin, cheöonje‐tebahahmahwindwah ewh menik.
35Kenuhwah dush sahgeïk egewh shaunganemenagoog, kuhya menoodoodahwik kuhya ahweëwag shooneyah ahnahween goo enanduhsewag wetebahahmahgoozeyag; tahkeche‐enandahgwud suh ewh keshahwandahgoozewinewah, kegahoogwissemegoowah dush owh Kache‐ishpandahgoozid: ween muh ooshahwanemaun enewh megwach‐ananduh-senegoon kuhya enewh majeëzhewabezenejin.
36Netuh‐shahwanjegag suh dush kenuhwah, nahsaub owh Koosewah kuhya ween azhe‐netuh‐shahwanjegad.
37Kagoo ween tebahkoonewakagoon, kah dush kenuhwah kegahtebahkoonegooseem: kagoo ween nahneboomewakagoon, kah dush kenuhwah kegahnahneboomegooseem: ahbwayanjegag, kenuhwah dush kegahahbwayanemegoom.
38Meegewag, kegahmenegoom dush, kuhya kenuhwah; ewh mwaushkenag tebahegun kuhkinjedooshkenag, kuhya kasebesechegahdag, kuhya quaushkooshkenag kameenenagwah egewh enenewug emuh kepeendoomooning. Ewh muh menik kaëzhetebahahmahgayag me ewh kaëzhetebahahmahgooyag.
39Kuhya dush ahwacheguning oogeëzheguhnoonaun, Oodahsahgahbegenaun nuh owh kakepeengwad enewh waujekuhkepeengwanejin? kah nuh ween nuhyazh tahpungeshinsewug emuh wahnekauning?
40Owh kekenooähmahgun kahween ahwahshema apeetandahgoozese dush ween enewh kakenooähmahgoojin: kuhkenuh dush kache‐nebwahkahjig tahahpeetandahgoozewug apeetandakgoozenid enewh kakenooahmahgoowahjin.
41Ahneshwin wahbunduhmoowud ewh panzenegood kejekewa, kah dush ween kewahbunduhmahdezooseen ewh metik pamahquahmook emuh tebenuhwa keshkinzhegoong?
42Ahneeshwin oo‐oo azheguhnoonud owh kejekewa, Tuhguh ningahkejepetoon ewh panzenegooyun, keen ween kuhnuhga wahbunduhsewun ewh metik pamahquahmook emuh keshkinzhegoong? Anuhmeäkahzooyun, netum sahgeje-wabenuhmahzoon ewh metik pamahquahmook emuh tebenuhwa keshkinzhegoong, me dush uhpe kaminwahbeyun chekejebetuhwud owh kejekewa ewh panzenegood.
43Kah muh oonesheshese owh metik maje‐meenewid, kah kuhya mujjeähyahwese owh metik manoo meenewid.
44Kuhkenuh muh egewh metigoog azhemeenewewaud oonje‐kekandahgoozewug. Kah mah ween emuh menasahgahwunzheeng oodoondenahsewaun enewh figoominun, kah dush emuh ootuhtuhgahgoomeezhing oodoondenahsewaun enewh shooweminun.
45Owh manoo‐ezhewabezid enene emuh wanesheshinenig oodaïng anduhgoonenig oodoondenaun ewh wanesheshing; kuhya dush owh majeëzhewabezid enene emuh mujje‐ahsunjegooning oodaïng anduhgoonenig oodoondenaun ewh majjeëzhewabudenig: anushkenanig muh emuh oodaïng me ewh azhe‐kekedoomahgudenig ewh oodoon.
46Ahneeshwin ezheyag, Tabaningayun, Tabaningayun, ezhechegasewag dush enewh akedooyaunin?
47Owh suh pahnaunzekahwid, bezinduhwid dush enewh nindekedoowinun ewh dush akedooyaun ezhechegad, kegahwahbundahenim anandahgoozid owh:
48Debishkoo owh enene kahoozhetood ewh wegewaum, kedemeyahneka dush, kuhya keühyeenjesetood emuh oogedahbik; kemooshkahunene dush kuhya kepeëzhejewunene ewh seebe emuh wahkaheguning, kah dush kekahwesasenoon oogedahbik muh keminjemoosechegahda.
49Owh dush nwaundung, ezhechegasig dush, enandahgahgooze debishkoo pazhig enene kahoozhetood ewh oowegewaum emuh oogeduhkummig, kuhnuhga dush keminjemoosechegahdasenook; kepekezhejewunene ewh seebe, bahbega dush kekahwesamahgudene; kekootahmegoo kahwesamahgud ewh wahkahegun.
Currently Selected:
ST. LUKE 6: OTW
Highlight
Share
Copy
Want to have your highlights saved across all your devices? Sign up or sign in
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.
