ST. LUKE 5
5
1Goomuhpe dush ahnishenahban keche‐sinsekahgood, wenoonduhmenid ewh oodekedoowin owh Kesha‐Muhnedoo, kenebahwe cheguhbeeg Genezareth azhenekahdag kechegummee.
2Oogewahbundaunun dush neezh nahbequaunun chegahgaum agwindanig, egewh dush kegooëka‐wenenewug, kekuhbahbuneeg, magwah dush kesebegenahwaud oodahgwahbenahgunewaun.
3Kepooze dush ewh pazhig nahbequauning Simon kahdebanduhmenid, oogepahgoosanemaun punge nahwij chekaundenahmenid. Kenuhmuhduhbe dush emuh nahbequauning, kekekenooähmahwaud enewh ahnishenahban.
4Uhpe dush kahishquah‐kekedood, oogeguhnoonaun enewh Simonun, Akoo‐demeeg enuhkoozewan, kuhya kedahgwahbenahgunewaug puggeduhwaug chepeenduhahnahyag
5Owh dush Simon oogenuhquatuhwaun, oo‐oo keënaud, Nindoogemaum, kuhpa‐debik ningeähnookeemin, kah dush gagoo ningenetoosemin: ninduhwauj edush keen akedooyun ningahoonjepahkoobe‐wabenah ahgwahbenahgun.
6Uhpe dush oo‐oo kahezhechegawaud, keche‐nebewah gegooyun oogeähgwahbenahwaun, oodahgwahbenahgunewaun dush kepegooshkahwun.
7Oogewahtikwahahmahwahwaun enewh oowejewahgunewaun kahahyahnejin emuh bakaunudenig nahbequauning, chepenahdahmahgoowaud. Kepeëzhahwun dush, kuhya oogemooshkenuhtoonahwaun nuhyazh enewh nahbequaunun, gagah dush kahkoosahbemahgudenig.
8Uhpe dush owh Simon kahwahbundung, keähpuggezoo emuh Jesus oocheengwuhnahning, oo‐oo keëkedood, Nuhguhzheshin, Tabaningayun, nemujje‐ezhewadiz muh.
9Kemahmahkandandum muh, kuhya kuhkenuh enewh waujewegoojin, ewh menik kahpeendahahnahwaud kegooyun.
10Kuhya ween egoo James, kemahmahkahdandum, kuhya John, Zebedee kahoogwissejin, enewh kahweejewahjin owh Simon. Jesus dush oo‐oo oogeënaun enewh Simonun, Gagoo sagezekan; noongoom kegahmahje‐ahgwahbenahwaug enenewug.
11Uhpe dush kahzhakesittowaud enewh nahbequaunun, oogenuhguddaunahwah kuhkenuh, ewh dush kenoopenuhnahwaud.
12Kepuggummeähyahmahgud kush magwah uhneähyaud pazhik keche‐oodanaung, benuh keähyahwun enenewun wamegeenejin; uhpe dush wuhyahbuhmaud enewh Jesusun keähpuggezoo emuh oodangwyng, kenundooduhmahwaud, oo‐oo keëkedood, Tabaningayun, kishpin enanduhmun, kekushketoon chenoojemooëyun.
13Keshebenekane dush, kuhya oogetaungenaun, oo‐oo dush keëkedood, Nindenandum: mahnoo kegahpeeneëgoo Me dush kazhetena kenuhguhnegood oodoomegeewin.
14Oogeäungwahmemaun dush kuhnuhga ahweyah cheweendahmahwahsenid: mahjaun suh, wahbunduh keyow owh sahsahgewejega‐wenene, kuhya meegewan ewh kahenahkoonegapun owh Moses, kepeeneëegoowin oonje, chedebahjemootuhwindwah dush.
15Ahwahshema dush kesuhswa‐yahjemah, oo‐oo keëzhechegad: nebewah dush kepemahwunjeëdewun chenoonduhmenid, kuhya chenoojemooëgoozenid, menik kahuhyenahpenanid.
16Emuh dush puhgwuhduhkummig keëzhemahjah, chenahkoowa‐ahnuhmeäud.
17Kepuhgummeähyahmahgud dush ewh ningooding kekezheguk, magwah kekenooähmahgad, kenuhmuhduhbewun ahnind Phariseen kuhya enewh kakenooähmahganejin ewh tebahkoonegawin, kahpeoonjenejin anduhching enewh oodanahwun emuh Galileeng, kuhya Judeäïng, kuhya Jerusaleming: keähyahmahgudene dush owh Tabaningad oomushkahwezewin chenoojemooindwah.
18Benuh dush, enenewug oogepeenahwaun naboowahpenanejin enenewun emuh nebahguning: oogenundahwandahnahwah chepeendiguhnahwaud, cheähsahwaud dush enahsuhmuhbenid enewh Jesusun,
19Kah dush oogemekunsenahwah, kaöonjepeendeguh-nahwaud, oonzaum kebahtuhyeïnoowug egewh ahnishenahbag; me dush keëzhahwaud emuh wuhgedegummig, ahpahquahzoowining ewede dush oogeoonjeneswabegenahwaun emuh nesuhwuhyeëe kuhya oonebahgun anahsuhmuhbenid Jesusun.
20Uhpe dush kahwahbundung ewh oodabwayanduhmoowinewah, oo‐oo oogeënaun, Enene, kewabenuhmahgoo kemujjeëzhewabezewinun.
21Kemahje‐guhnoonindewug egewh oozhebeëga‐wenenewug kuhya Phariseeg, oo‐oo keëkedoowaud, Ahwanan mahbuh maje‐kezhwad? Ahwanan kashkeäwezid chewabenuhmahgad mujje‐ezhewabezewinun, ween atuh Kesha‐Muhnedoo?
22Jesus dush kekanemaud uhyenanduhmenid, oogenuhquatuhwaun, oo‐oo keëkedood, Ahneen uhyenanduhmag emuh kedaëwaung?
23Wagoonan nahwuj wuhyanepunuk, oo‐oo cheënind owh naboowahpenad, Kewabenahmahgoo kemujje‐ezhewabezewinun; gamuh oo‐oo cheënind, Oonishkaun, pahbahmoosan dush?
24Cheoonjewahbunduhmag owh Enene Oogwissun cheähyaung kushkeäwezewin oomuh uhkeeng chewabenahmahgad enewh mujjeëzhewabezeweninun, (oogeënaun enewh naboowahpenanejin,) Kedenin, Oonishkaun, oodahpenun kenebahgun, ezhaun dush emuh kewegewauming.
25Kazhetena dush keöonishkah emuh anahsuhmuhbenid, keöodahpenung ewh emuh keshingeshingebun, kemahjah, keëzhaud dush emuh oowegewauming, kewahwezhanemaud dush enewh Kesha‐Muhnedoon.
26Kekeche‐mahmahkahdanduhmoog suh kuhkenuh, kuhya oogewahwezhanemahwaun enewh Kesha‐Muhnedoon, oogemooshkenashkahgoonahwah ewh sagezewin, oo‐oo keëkedoowaud, Ningewahbundahmin kache‐mahmaundahwukin noongoom kezheguk.
27Kahishquahkummeguk oonoo kesahguhum, kuhya dush oogewahbuhmaun pazhig mahwunjechega‐wenenewun, Levi kahezhenekahzoonejin, nuhmuhduhbenid emuh mahwunjechega‐weguhmigoong; oo‐oo keënaud, Noopenuhzheshin.
28Oogenuhguhdaunun dush kuhkenuh ooduhyeemun, kepuhsegwe dush, kuhya kenoopenuhnaud.
29Levi dush oogeöozhetahmahwaun keche‐wekoondewin emuh tebenuhwa oowegewauming; kekeche‐bahtuhyeïnoowun mahwunjechega‐wenenewun, kuhya bakahnezenejin enewh kahwedoopuhmegoojin.
30Enewh dush oodoozhebeëga‐wenenemewaun kuhya enewh oo Phariseemewaun oogenuhneebikemahnene enewh ookekenooahmahgunun, oo‐oo dush keëkedoowaud, Ahneeshwin wedoopuhmagwah egewh mahwunjechega‐wenenewug kuhya majeëzhewabezejig?
31Jesus dush oogenuhquatuhwaun, oo‐oo keënaud, Egewh manoo‐bemahdezejig kahween wenuhnaunduhweëgoozesewug, egewh atuh ahyahkoosejig.
32Kahween ninpeöonjeëzhahse chenundoomugwah egewh manooëzhewabezejig, cheäunwanindezoowaud, majeëzhewabezejig atuh.
33Oo‐oo oogeënahwaun, Ahneeshwin ahyahpe keëquishemoonid ookekenooahmahgunun owh John, kuhya ahnuhmeähnid, kuhya ookekenooähmahgunewaun egewh Phariseeg; keen dush kekekenooahmahgunug wesenewug kuhya menequawug?
34Oo‐oo dush oogeënaun, Tahgekushkeöowug nuh chekeëquishemoowaud egewh dabandahgoozejig emuh wewekoodahde‐weguhmigoong, magwah weejewahwaud enewh nahaungeshun?
35Tahpuhgummeähyahmahguddoon enewh kezhegudoon uhpe kemuhkummindwah enewh nahaungeshun, me ewh uhpe kezheguk kakeëquishemoowaud.
36Oowahweenduhmahwaun dush ewh ahwajegun; Kahween ahweyah oopahgwahunseen ewh ooshke‐mahnedoowagin emuh kata‐ahgwewining; mahgeshah ewh ooshkegin bahnahjechegamahgud, kah suh dush ewh ooshkegine-puhgwahegawin menoosasenoon emuh kata uhyeëeng cheähtag.
37Kah dush ahweyah oodahtooseen ewh ooshke‐shooweminahboo emuh kata‐oomoodyïng; mahgeshah ooshke‐shooweminahboo tahgeöonjepaushkekahwun enewh oomoodyün tahgesekesamahgud dush kuhya tahgebuhnahdudoon enewh oomoodyün.
38Tahahchegahda ewh ooshke‐shooweminahboo emuh ooshke‐oomoodying; nuhyazh dush guhnuhwanjegahdanoon.
39Kah dush ahweyah kahmenequad ewh kata‐shoowe-minahboo bahbega oonundahwanduhseen ewh ooshke‐uhyeëe; oo‐oo muh ekedoo, Ahwahshema oonesheshin ewh kata‐uhyeëe.
Currently Selected:
ST. LUKE 5: OTW
Highlight
Share
Copy
Want to have your highlights saved across all your devices? Sign up or sign in
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.
