ST. LUKE 4
4
1Jesus dush kemooshkenashkahgood Keche‐Oojechaugwun, kepeöonjekewa emuh Jordaning, kuhya dush Keche Oojechaugwun oogeëzhewenegoon emuh buhquuhduhkummig,
2Nemeduhnuh‐duhsoogoon oogekuhgwatebanemegoon dush enewh mujje‐muhnedoon. Kah dush gagoo oogemeejeseen oonoo kezhegudoon: uhpe dush kahishquahsag, me dush kepukuddad.
3Oo‐oo dush oogeëgoon enewh mujje‐muhnedoon, Kishpin ahyahwewunan Oogwissun owh Kesha‐Muhnedoo, edun oo‐oo ahsin chepahquazhegunewung.
4Jesus dush oogenuhquatuhwaun oo‐oo keëkedood, Ezhebeëgahda, Kahween buhquazhegun atuh tahoonjebemahdezese enene, kuhkenuh suh ween oodekedoowinun owh Kesha‐Muhnedoo.
5Uhpe dush owh mujje‐muhnedoo kahezheweenaud emuh kache‐ishpahdenahnig wahjewing, kazhetena dush oogewahbundahaun kuhkenuh uhkeeng duhzhe oogemahwewinun.
6Owh mujje‐muhnedoo oo‐oo oogeënaun, Kegahmeenin kuhkenuh maunduh kushkeäwezewin, kuhya oopezhegandahgoozewinewah: nepuggedenahmahgoo muh, ahwagwan dush wahmeenahwugan, nemeenah.
7Keen dush kishpin oojecheengwunetuhweyun, kuhkenuh kegahtebandaunun.
8Jesus dush oogennhquatuhwaun oo‐oo keënaud, Ahwus nepequunaung ezhaun, Satan: ezhebeëgahda muh, Kegahoojecheengwunetahwah owh Jehovah Kekesha‐Muhnedoom, ween dush atuh kabuhmeetuhwud.
9Oogeëzheweenaun dush emuh Jerusaleming, oogenebahweäun dush emuh keche‐wahnuhkoowung ewh keche‐ahnuhmeä‐weguhmi oo‐oo dush oogeënaun, Kishpin ahyahwewunan Oogwissun owh Kesha‐Muhnedoo, oomuh oonje-nesepuggezoon:
10Ezhebeëgahda muh, Oogahguhgaunzoomaun enewh oodangenemun cheguhnuhwanemikwah:
11Emuh dush ooneenjewaung kegahoombenegoog, chepetahkoossittashinsewun emuh ahsineeng.
12Jesus dush oogenuhquatuhwaun oo‐oo keënaud, Ekedoom suh, Kahween kegahkuhgwatebanemahse owh Jehovah Kekesha‐Muhnedoom.
13Uhpe dush owh mujje‐muhnedoo kahishquahkuh-gwatebanemaud, ahjenuh oogenuhguhnaun.
14Jesus dush keëzhekewa emuh oomushkahwezewinening Keche Oojechaugwun ewede Galileeing: kesuhswa‐yahjemah emuh anegookwaug ewh uhkee kewetuhyeëe anduhgoog.
15Kuhya dush kekekenooähmahga emuh oodahnuhmeä‐weguhmigoowaung, kewahwezhanemegood kuhkenuh.
16Keëzhah dush emuh Nazarething, kahduhzhe‐netuh-wugeïnd; kepeendega dush, debishkoo moonzhug kahezhechegad emuh ahnuhmeä‐weguhmigoong aunwabe‐kezhegdenig, kenebahwe‐ahgindung dush ewh muzzenuhegun.
17Kemeenah ewh muzzenuhegun emuh oozhebeëgahdagin enewh oodaunwahjegawinun owh Esaias. Uhpe dush kahpuhgahkoonung ewh muzzenuhegun, oogemekaun ewh ozhebeëgawin oo‐oo azhebeëgahdag,
18Nekekishkahwah Jehovah Ookeche‐Oojechaugwun, ningenuhmuhkoonik muh chedebahjemootahwugwah egewh katemahgezejig ewh minwahjemoowin; ningepeähnoonik chenoojemooügwah egewh magooshkahjedaäjig, chedebahjemootuhwugwah egewh kabahquahegahzoojig ewh chepuggedenindwah, kuhya egewh kakepeengwajig chewahbeïndwah, chepuggedenindwah egewh banahsekahwindjig,
19Chepuhbahdebahdooduhmaun ewh manwandahgwudenig ookekenoonoowin owh Tabaningad.
20Oogekebahquahaun dush ewh muzzenuhegun, oogemeenaun dush ahnuhmeä‐weguhmigoong duhzhe buhmeetahgun, kenuhmuhduhbe dush. Oogeminjemahbuhmegoon dush kuhkenuh emuh annuhmeä‐weguhmigoong ahyahnejin.
21Kuhya dush kemahje‐kekedoo, oo‐oo keënaud, Noongoom kezheguk ketebishkoosamahgud maunduh oozhebeëgawin emuh ketuhwuggahwaung.
22Kuhkenuh dush oogedebahjemahwaun, kuhya oogemahmahkahdandahnahwah enewh shahwanjegawine‐ekedoowinun kahoonzekahmahgudenig emuh oodooning, Oo‐oo dush keëkedoowug, Kah nuh mahbuh ahwese oogwissun owh Joseph?
23Oo‐oo dush oogeënaun, Ahbettakummig kegahezhim maunduh ahwachegun, Mashkeke‐weneneweyun, nahnaundahweëdezoon; wagoodoogwan kahenettahmoowaungan keëzhechegayun emuh Capernauming, kuhya oomuh ezhechegen emuh tebenuhwa kedunduhnuhkeewining.
24Keëkedoo dush, Kagate kedenenim, Kahween ahweyah aunwahjega‐wenene bezindahwahse emuh tebenuhwa oodunduhnuhkewining,
25Kagate kedenenim, Nebewah keähyahwug shegaug emuh Israel duhzhe uhkeeng, magwah kebemahbezid owh Elias, uhpe kekebahquahegahdag ewh kezhik nesoo‐kekenoonoowin kuhya ningoodwausso‐keezis, kekeche‐puhkuhdawenahguk emuh kuhkenuh anegookummegaug uhkee;
26Kah dush ahweyah keëzhenahzhahmahwahse Elias, me atuh emuh Sareptaïng, Sidon duhzhe oodanah, enewh equawun kahshegahwenejin.
27Kebahtuhyeeïnwug dush wamegeejig emuh Israeling magwah owh Elizheus keäunwahjegad emuh; kah dush ahweyah kepeeneähse, me atuh owh Naäman Syriaïng duhshe enene.
28Kuhkenuh dush egewh kahahyahjig emuh ahnuhmeä‐weguhmigoong oogemooshkenashkahgoonahwah ewh niskahdezewin, uhpe kahnoonduhmoowaud oonoo ekedoowinun.
29Kuhya dush kepuhsegwewaud, keöonje‐sahgejewabenahwaud emuh oodanaung, kuhya dush oogeëzhewenahwaun kishkuddenahnig ewh wahjewh emuh keöozhechegahdahnig oodoodanahwewah, ewede cheoonje‐neswabenahwaud.
30Ween dush kepemeëzhaud nesuhwuhyeëe emuh ahyahnid, keühnemahjaud dush,
31Ketuhgwishin dush emuh Capernauming, Galileenaung duhzhe oodanah, oogekekenooähmahwaun dush uhpe aunwabe‐kezhegudenegin.
32Oogemahmahkahdandahnahwah dush ewh ookekenooähmahgawin: kushkeäwezewining muh keëzhekekedoo.
33Keähyah dush emuh ahnuhmeä‐weguhmigoong pazhig enene kakishkahwaud oojechaugwun owh wahnezid muhnedoo, kekeche‐pepahge dush,
34Oo‐oo keëkedood, Kagoo pahbahmanemishekaunkan; ahneen kadoodahdeyung, keen Jesus Nazarething duhzhe eneneweyun? chebahnahjeëyaung nuh kepeöonje‐ezhah? Kekekanemin ahyahweyun owh Pahnezid, Kesha‐Muhnedoong wanjebaud.
35Jesus dush oogenuhneebekemaun, oo‐oo keëkedood, Pezaun‐ahyaun, kuhya dush pesahgejenuhwashkow wah‐owh. Uhpe dush owh mujje‐muhnedoo kahahpuggenaud emuh nesuhwuhyeëe, oogesahgejenahwashkahwaun, kah dush ningood oogeëzhewesuhgishkahwahseen.
36Kuhkenuh dush kemahmahkahdanduhmoog, keguhnoonindewug dush, oo‐oo keëkedoowaud, Wagoonan maunduh ekedoowin! emuh kushkeäwezewining, kuhya mushkahwezewining oodezheguhgaunzoomaun enewh wahnezenejin‐muhnedoon, me dush azhesahgejenahwashkahganid.
37Kesuhswa‐yahjemah dush emuh anegookwaug ewh uhkee.
38Ahnuhmeä‐weguhmigoong keöonje‐mahjaud, kepeendega emuh ooowegewauming Simon. Oosiggoosissun dush owh Peter kekeche‐niningebenegoowun; oogenundoodahmahwahwaun dush ween oonje.
39Kenebahwe dush emuh ahyahnid, oogenuhneebekindaun ewh niningebenegoowin, me dush kahezhenuhguh-negoonid: bahbega dush kepuhsegwe owh equa, kebuhmeetahwaud dush.
40Uhpe dush owh kezhike‐keezis anepungeshemoog, kuhkenuh egewh kahahyahwahjig ahnooj anahpenanejin ahyahkoosenejin oogepeetahmahwahwaun enewh; ween dush oogetaungenaun anduhchenid, me dush kenoojemooaud.
41Egewh dush mujje‐muhnedoog oogepesahgeje‐nahwashkahwahwaun nebewah bamahdezenejin, kepepahgewaud dush, oo‐oo keëkedoowaud, Keen kedow owh Christ Oogwissun owh Kesha‐Muhnedoo. Oogenuhneebekemaun dush, kah dush oogepuggedenuhmahwahseen chekekedoonid: oogekekanemegoon muh ween Christ ahwid.
42Uhpe dush kahwahbunenig, kesahgahum keëzhaud dush emuh puhgwuduhkummig: egewh dush ahnishenahbag oogeündoonawahwaun, kenaunzekahwahwaud dush, kenuhdoodahmahwahwaud chemahjahsenid.
43Oo‐oo dush oogeënaun, Nenundahwandahgooz suh goo cheähwedebahduhdoomaun Kesha‐Muhnedoo oodoogemahwewin enewh bakaunukin oodanahwun: me muh pahoonzekahyaun.
44Kepahbah‐kuhgequa dush emuh Galileenaung duhzhe‐ahnuhmeä‐weguhmigoong.
Currently Selected:
ST. LUKE 4: OTW
Highlight
Share
Copy
Want to have your highlights saved across all your devices? Sign up or sign in
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.
