ST. LUKE 3
3
1Uhpe metauswe‐ahshe‐nahnoo‐pepoon kahkeche‐oogemahwid owh Tiberias Cæsar, magwah Pontius Pilate oogemahkundung ewh Judea, kuhya magwah Herod oogemahkundung ewh Galilee, magwah wejekewaün Philipun keöogemahkunduhmenid Iturea kuhya Trachonitis duhzhe uhkee, kuhya owh Lysanias keöogemahkundung ewh Abilene.
2Magwah keche‐sahsahgewejega‐wenenewewaud Annas kuhya Caiaphas, oodekedoowin owh Kesha‐Muhnedoo oogepeöodissegoon owh John Zacharias oogwissun emuh buhgwuhduhkummig.
3Keëzhah dush emuh kuhkenuh uhkeeng chegeseebe Jordan anduhgoog, kepahpahdebahdoodung ewh aunwanindezoowine‐baptizooëwawin, cheoonjewabenegahdag enewh mujje‐ezhewabezewinun.
4Debishkoo azhebeëgahdag emuh muhzeneëguning anduhgoog oodekedoowinun owh Isaias aunwahjega‐wenene, oo‐oo keëkedood, Oodinwawin owh pazhik matwa‐pepahgid emuh puhgwudduhkummig, Wahwazhesittahmahwik oomeekun owh Jehovah, quuhyukoomootahwik enewh oomeekaunsun.
5Anduhsoo‐puhsuhkummegaug tahmooshkenasechegahda, kuhya kuhkenuh keche‐wahjewun kuhya wahjewansun tahdahbussuhkummeguhegahdawun; kuhya enewh waushkaugin tahquuhyukoojegahdawun, kuhya peegwuh-kummegaug tahoonuhkummeguhegahda;
6Kuhya kuhkenuh egewh wahyahsewejig oogahwahbundahnahwah Kesha‐Muhnedoo oobemahjeëwawin.
7Oo‐oo dush oogeënaun enewh waqueenoonejin pahnaunzekahgoojin chebaptizooëgoowaud, Kenabigoong wandahdezeyag, ahwanan kahenenag cheoozhinduhmag ewh nishkahdezewin kapetuhgwishenoomahguk.
8Mekoogetooyook enewh menewinun aunwanindezoowining kaöonzekahmahgukebuneen, kagoo dush mahje-ëkedookagoon emuh kedaëwaung, Nindahyahwahnaun owh noosenaun Abraham; kedenenim suh, Ookushketoon owh Kesha‐Muhnedoo oonoo ahsineen cheoondenahpun enewh Abraham kaöonejahnesejin.
9Ahzhe muh enenegahda ewh wahgahquud emuh oojebekahwewaud egewh metigoog; anduhchid dush metig manoo‐menewesig kahwahegahzoo, kuhya emuh ishkootang ahpuggenah.
10Oogekuhgwajemegoon dush enewh mahyahmahwenoonejin ahnishenahban, oo‐oo keëgood, Ahneen dush kaëzhechegayaung?
11Oogenuhquatuhwaun dush oo‐oo keënaud, Owh nauzhenenig oopuhpeensekahwahgunun, oogahmeenaun enewh wapuhpesuhkoowahgunesenejin; kuhya dush owh wameejimid nahsaub tahezhechega.
12Kepeëzhahwun dush mahwunjechega‐wenenewun chebaptizoomegoowaud, oo‐oo dush oogeëgoon, Kakenooähmahgayun, ahneen kaëzhechegayaung?
13Oo‐oo oogeënaun, Kagoo nebewah shooneyah nundoodunkagoon, me atuh menik anahkoonegooyag.
14Kuhya dush shemahguneshun oogeguhgwajemegoon, oo‐oo keëgood, Ahneen dush kuhya nenuhwind kaëzhechegayaung? Oo‐oo dush oogeënaun, Kagoo sagemahkagoon-ahweyah, kagoo kuhya kuhkenuhwishke‐bahtahmahkagoon ahweyah; kuhya tabanemooyook ewh menik tebahahmahgoozeyag.
15Magwah dush egewh ahnishenahbag kenundahwahbunjegawaud, kuhya kuhkenuh nahnahgahdahwanduhmoowaud emuh oodaëwaung, anandahgoozenid enewh Johnun, kishpin ahyahwegwan owh Christ, gamuh kuhya goo, kah;
16John oogenuhquatuhwaun kuhkenuh, oo‐oo keëkedood, Neen suh kebaptizoominim ewh nebe ahyooyaun; peëzhah dush pazhig ahwahshema‐mashkahwezid neen dush ween, kahween nindahpeetandahgoozese cheähbahahmahwugebun enewh oomukkissinaähbeen: mesuh owh kabaptizoomenag enewh Keche‐Oojechaugwun kuhya ishkootang:
17Oowapasechegun ootuhkoonaun, kuhya dush wawane oogahpeenetoon oopuggundeëga‐weguhmig, kuhya dush oogahsuhgukkenaun enewh oomezemenansemun emuh oomejemeguhmigoong; oogahchahgezaun dush ewh shegoo-nooshkahjegunun emuh ishkootang wekah kaähtaegahdasenook.
18Keche‐nebewah dush bakaunukkin magwah kuhgequad oogeweenduhmoowaun enewh ahnishenahban.
19Owh dush Herod tetrarch, kenuhnebekemegood enewh, Herodiasun oonje wejekewaün wewene, kuhya ahnooj gagoo mujje‐ezhechegawinun Herod kahezhechegad.
20Kuhya oo‐oo keduhgoo‐ezhechega, kekebahquahwaud enewh Johnun emuh kebahquahoode‐weguhmigoong.
21Keëzhewabud dush, uhpe ahzhe kahbaptizoomeïndwah kuhkenuh egewh ahnishenahbag, kuhya owh Jesus kahbaptizoomeïnd kuhya magwah ahnuhmeäud, kenesahkooshkahne ewh kezhik.
22Kuhya kepenauzhewun emuh weyowining owh Keche Oojechaug emuh weyowene‐ezhenahgoozewining debishkoo keche‐oomeemeeng; kezhegoong dush keoonzetahgwud ewh inwawin oo‐oo keëkedoong, Keen suh kedow ningwis suhyahgenaun; keen suh kedow manwanemenaun.
23Gagah kenesemeduhnuh‐duhsoo‐pepoon‐uhgeze Jesus uhpe kemahjetaud ewh kahenanduhming oogwissid owh Joseph, kahoogwissejin owh Heli,
24Kahoogwissejin owh Matthat, kahoogwissejin owh Levi, kahoogwissejin owh Melchi, kahoogwissejin owh Janna, kahoogwissejin owh Joseph,
25Kahoogwissejin owh Matthathias, kahoogwissejin owh Amos, kahoogwissejin owh Naüm, kahoogwissejin owh Esli, kahoogwissejin owh Nagge,
26Kahoogwissejin owh Maäth, kahoogwissejin owh Mattathias, kahoogwissejin owh Semei, kahoogwissejin owh Joseph, kahoogwissejin owh Juda,
27Kahoogwissejin owh Joänna, kahoogwissejin owh Rhesa, kahoogwissejin owh Zorobabel, kahoogwissejin owh Salathiel, kahoogwissejin owh Neri,
28Kahoogwissejin owh Melchi, kahoogwissejin owh Addi, kahoogwissejin owh Cosam, kahoogwissejin owh Elmodan, kahoogwissejin owh Er,
29Kahoogwissejin owh Jose, kahoogwissejin owh Eliezer, kahoogwissejin owh Jorim, kahoogwissejin owh Matthat, kahoogwissejin owh Levi,
30Kahoogwissejin owh Simeon, kahoogwissejin owh Juda, kahoogwissejin owh Joseph, kahoogwissejin owh Jonan, kahoogwissejin owh Eliakim.
31Kahoogwissejin owh Melea, kahoogwissejin owh Menan, kahoogwissejin owh Mattatha, kahoogwissejin owh Nathan, kahoogwissejin owh David,
32Kahoogwissejin owh Jesse, kahoogwissejin owh Obed, kahoogwissejin owh Booz, kahoogwissejin owh Salmon, kahoogwissejin owh Naason,
33Kahoogwissejin owh Aminadab, kahoogwissejin owh Aram, kahoogwissejin owh Esrom, kahoogwissejin owh Pharez, kahoogwissejin owh Judah,
34Kahoogwissejin owh Jacob, kahoogwissejin owh Isaac, kahoogwissejin owh Abraham, kahoogwissejin owh Thara, kahoogwissejin owh Nachor.
35Kahoogwissejin owh Saruch, kahoogwissejin owh Ragau, kahoogwissejin owh Phalec, kahoogwissejin owh Heber, kahoogwissejin owh Sala,
36Kahoogwissejin owh Cainan, kahoogwissejin owh Arphaxad, kahoogwissejin owh Sem, kahoogwissejin owh Noe, kahoogwissejin owh Lamech.
37Kahoogwissejin owh Mathuselah, kahoogwissejin owh Enoch, kahoogwissejin owh Jared, kahoogwissejin owh Maleleel, kahoogwissejin owh Cainan,
38Kahoogwissejin owh Enos, kahoogwissejin owh Seth, kahoogwissejin owh Adam, kahoogwissejin owh Kesha‐Muhnedoo.
Currently Selected:
ST. LUKE 3: OTW
Highlight
Share
Copy
Want to have your highlights saved across all your devices? Sign up or sign in
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.
