Popular Bible Verses from ST. LUKE 6

Share

Meegewag, kegahmenegoom dush, kuhya kenuhwah; ewh mwaushkenag tebahegun kuhkinjedooshkenag, kuhya kasebesechegahdag, kuhya quaushkooshkenag kameenenagwah egewh enenewug emuh kepeendoomooning. Ewh muh menik kaëzhetebahahmahgayag me ewh kaëzhetebahahmahgooyag.

Owh manoo‐ezhewabezid enene emuh wanesheshinenig oodaïng anduhgoonenig oodoondenaun ewh wanesheshing; kuhya dush owh majeëzhewabezid enene emuh mujje‐ahsunjegooning oodaïng anduhgoonenig oodoondenaun ewh majjeëzhewabudenig: anushkenanig muh emuh oodaïng me ewh azhe‐kekedoomahgudenig ewh oodoon.

Kenuhwah dush sahgeïk egewh shaunganemenagoog, kuhya menoodoodahwik kuhya ahweëwag shooneyah ahnahween goo enanduhsewag wetebahahmahgoozeyag; tahkeche‐enandahgwud suh ewh keshahwandahgoozewinewah, kegahoogwissemegoowah dush owh Kache‐ishpandahgoozid: ween muh ooshahwanemaun enewh megwach‐ananduh-senegoon kuhya enewh majeëzhewabezenejin.

Netuh‐shahwanjegag suh dush kenuhwah, nahsaub owh Koosewah kuhya ween azhe‐netuh‐shahwanjegad.

Kagoo ween tebahkoonewakagoon, kah dush kenuhwah kegahtebahkoonegooseem: kagoo ween nahneboomewakagoon, kah dush kenuhwah kegahnahneboomegooseem: ahbwayanjegag, kenuhwah dush kegahahbwayanemegoom.

Kedenenim suh kenuhwah nwaunduhmag, Sahgeïk egewh shaunganemenagoog, menoodoodahwik egewh nashkanemenagoog, Shahwanemik egewh maje‐guhnoonenagoog, kuhya ahnuhmeätuhmahwik egewh quatuggeënagoog.

Azhenundahwanduhmag egewh enenewug chedoodoonagwah, me nahsaub kenuhwah kadoodahwagwah.

Owh pakittaöok emuh kenoowaung enenuhmow ewh ahzhuhwuhyëe; kuhya kagoo sahgetoomahwahkan owh kamuhkummik ewh kekeche‐puhpeensekuhwahgun ewh kepuhpeensekahwahgun. Meezh kuhkenuh egewh nandoodahmahwikig; owh dush makummik enewh kedahyeemun gagoo menuhwah nundooduhmoowahkan.

Kah muh oonesheshese owh metik maje‐meenewid, kah kuhya mujjeähyahwese owh metik manoo meenewid.

Kuhkenuh muh egewh metigoog azhemeenewewaud oonje‐kekandahgoozewug. Kah mah ween emuh menasahgahwunzheeng oodoondenahsewaun enewh figoominun, kah dush emuh ootuhtuhgahgoomeezhing oodoondenahsewaun enewh shooweminun.