Mattayo 19

1Paliji pe wamasile Isa malowe aga, atiosile Mgalilaya ajisile upanda wa Uyahudi lisi lia wili lia Yardani. 2Wandu wajinji wakagwile, waposisye kwekula.

3Mafarisayo wawandichile achimlingaga wausisye naga halali wandu waleche asono wao kwa magongo gose? 4Wajanjile, wasalile, nganimsioma yati welewo wa kwapanganya ku ndanda, wapanganisye walume ni wakongwe, 5wasasile, kwa ligongo alili, mundu aleche atati ni mama, akumbatilane ni asonogwe, nombe nao wawili tawe chiilu chimope? 6Kwa ligongo alili ngati wawili soni, nambo chiilu chimope. Wa kutawilwa maundo ni Mulungu, mwana Adam akawagawanya.

7Wasalile, kwa chichi Musa alajisye, wapele chikalakala cha kulekana, waleche? 8Wasalile, Musa kwa mitima jenu kwa kuwa ja mijumu wapele rukhusa kwaleka asono wenu; nambo kutanda ku ndanda ngati eleyo. 9Ngwasalila mweji, welewa wose wa kwaleka asono wao nambo kwa chikululu, ni alombelaga wane, atende chikululu; nombe nao wa kwalombelao wa kulekwa atenda chikululu.

10Wa kwajiganya wao wasalile, malowe ga mundu ni asono wao nigawaga mpela aga, kungulu akalombela. 11Wasalile, ngapochela wose lilowe lielila, nambo we wapele. 12Pana matowashi wane wawelekwe yelei kutioka lutumbo lua mama, pana matowashi wane wa kupanganisywa maksai ni wandu, pana matowashi wane walipangenye matowashi kwa ligongo lia uchimwene wa kwiunde. Wa kukombola kupochela, apochele.

13Wapelechele wanache wataje mikono jao, wajujile; wa kwajiganya watendele ukali; 14nambo Isa wasalile, mleche wanache mkakanya kwisa, kwangu, ligongo wali mpela awa uchimwene wa kwiunde ni wao. 15Watasile mikono, watiosile kweleko.

16Wajisile jumo, wasalile, mjiganya juambone, lilowe liachi liambone litimbanganye mbate ujumi wa milele? 17Wasalile, kwa chichi mkumbilanga juambone? Ngapagwa juambone nambo wamo, ni welewo ni Mulungu. Nimsakaga kujinjila mujumi, msikamula amri. 18Wasalile amri siapi? Isa wasasile, amri sielesi, 19mkaulaga, mkatenda chikululu, mkajiwa, mkashuhudia unami, mwajinichile atati wenu ni amao; ni mnonyele achajenu mpela mtima wenu. 20Mwanache wasalile, sielesi siose nasikamwile kutanda wanache wangu, mbunguiche soni chichi? 21Isa wasalile, naga mkusaka kutenda uchinene mnope, mjende msume ipanji yenu mwape wa kulaga; ni timpate ipanji kwiunde; ni mjise mgagule. 22Mwanache pe wapilikene malowe aga ajawile, walisile; ligongo ipanji yao ya ijinji.

23Isa wasalile wakwajiganya wao, amin ngwasalila yati ni cha kulimba asiene ipanji kuujinja uchimwene wa kwiunde. 24Ngwasalila soni ni kwaluka ngamira apite pa mbugu pa singano, kupunda asiene ipanji ajinjile muchimwene mwa Mulungu.

25Wa kwajiganya wao pe wapilikene aga, alapile mnope, asasile, ni wani soni wa kukombola kulama? 26Walolechesya Isa, wasalile, mwandu ngakombola, Mmulungu malowe gose gakukomboleka.

27Wajanjile Petro, wasalile, uweji tulesile yose, tumkagwile, tutupate chichi soni? 28Isa wasalile, amin, ngwasalila yati mweji wangagwile, mkuweleka kwa wili, patatamepo Mwana wa Adam mchitengo mwa machili pao, nomwe timtame mwitengo likumi kwisa iwili, mchapokolanyaga makosyo likumi kwisa gawili ga Israeli. 29Ni welewo wose walesile nyumba, ao anuna gwao, ao alumbu wao wakongwe, ao atati, ao amao, ao asono, ao wanache ao megunda, kwa ligongo lia lina liangu, tapate soni kalume, ni takole ujumi wa milele. 30Nambo wajinji walio wa ku ndanda tawe wa mbesi, ni wali wa mbesi tawe wa ku ndanda.

Currently Selected:

Mattayo 19: YAO1880

Highlight

Copy