Mattayo 20

1Ligongo uchimwene wa kwiunde ulingene ni mundu asiene nyumba, watiosile ku ndawi pe kupata kulima mmizabibu jao. 2Ni Isa wamasile kwilana ni wakulima kwa dinari kwa liua, watumile mmizabibu jao. 3Atiosile mpela saa ja tatu, awene wane wa kwimao sokoni, wangali ni masengo; 4wasalile, mjende nomwe mmizabibu jangu ni chikumbajilacho tinape. Wajawile. 5Atiosile soni mpela saa ja msano na limo ni saa ja msano ni mcheche, wapanganisye ilaila. 6Atiosile mpela saa ja likumi kwisa jimo wawene wane achimaga wangali masengo. Wausiswe kwa chichi mjime apa liua mpaka kusua lulele? 7Wasalile kwa ligongo pangali wandu wa kututuma kwa mbote. Wasalile, mjende nomwe mmizabibu ni chili chambone timpewe.

8Ni liua ni liswaga, ambuje wa mizabibu wasalile wakwalindilila wao, mwawilanje wakulima mwalipe mbote, ni mtandaga ni wewala wa mbesi mpika wewala wa ku ndanda. 9Ni ajisaga welewa wa saa ja likumi kwisa jimo wapochele wandu wose dinari. 10Ni ajisaga welewa wa ku ndanda wachite tapewe kupunda wapochele nombe nao wandu wose dinari. 11Pe wapochele ajumene ni asiene nyumba wasasile, 12awa na mbesi watesile saa jimo pe, nomwe mwalinganye nowe utwalasile ni uzito ni chitukutu cha muusi. 13Wajanjile jumo juao asasile mwajangu nganinampwelela. Nganimjilana none kwa dinari? 14Mtole ili yenu jendani. Ngusaka kwapa awa na mbesi mpela mweji. 15Ngati wambone ngulupilile ili yangu ngusakayo uneji? Ao liso lienu lingalumbana kwa ligongo kuwa juambone uneji?

16Yeleyo wa mbesi tawe wa ku ndanda, ni wa ku ndanda wa mbesi; ligongo wajinji wa kuwilangwa wasagwilwe wanandi.

17Akwesile Isa, kwenda Yerusalemi. Watosile wa kwajiganya likumi kwisa wawili kwa mtemela mwetala wasalile. 18Mlolechesye, tukukwera mpika Yerusalemi, ni Mwana wa Adam talolelwa kwa wakohani wakulungwa ni kwa wakulemba; nombe nao tawapokolanya mpika kuua, 19ni tatole kwa makosyo wang’andile, ni wapute ni wasulibi; mpika liua lia tatu tajuuche.

20Mama wa waana wa Zebedayo watandichile ni waana wao, ajinichilaga, wasachile chi kujuga kwao. 21Wasalile, mkusaka chichi? Wasalile, msale waana wangu wawili awa watame jumope mkono wa mlio wenu, ni wa wili mkono wa mchiji wenu, muchimwene wenu. 22Isa wajanjile, wasasile, nganimmanya, jimkusakajo. Mkukombola kung’wa chikombe, chitinywenecho uneji, ni kubatizwa kwa ubatizo, patimbatizwepo uneji? Wasalile. Tukukombola. 23Wasalile, timnywe chikombe changu ni kwa ubatizo, patimbatizwepo uneji timbatizwe; nambo kutama mkono wa mlio wangu ni mkono wa mchiji wangu, ngati kwangu mdole, nambo kwao wapanganiche ni Atati wangu.

24Ni wewala likumi pe wapilikene watumbile ni anuna wawili. 25Nambo Isa wawilasile wasalile, mkumanyilila yati achimwene wa makosyo kujinjila majumba, ni wakulungwa wao kwapanganichisya machili. 26Nambo kumangwenu ngati eleyo; welewose watasacheo kuwa wakulungwa kumangwenu, walindilile; 27ni welewose watasacheo kuwa wa ndanda kumangwenu, awe achikapolo wenu, mpela 28Mwana wa Adam nganajisa kutumichilwa nambo kutumichila ni kutola mtima wao kuombola kwa wajinji.

29Ni pe waliji achitiokaga Yerikho wandu wajinji wakagwile. 30Ni watusuche meso wawili achitamaga petala, pe wapilikene yati Isa akupita, watesile ungulu, wasasile mtutaje chanasa, ambuje, mwana wa Daud! 31Wandu wajinji walajisye amialale. Nambo wapundile kutenda ungulu, achisalaga, mtutaje chanasa, ambuje, mwana wa Daud! 32Isa wajime wawilasile wasasile mkuusaka napanganichisye chichi? 33Wasalile, ambuje, meso getu gaunukuche. 34Isa waitichile, wakwaiye meso, chitema meso gao galolite, wakagwile.

Currently Selected:

Mattayo 20: YAO1880

Highlight

Copy