Mattayo 18
18
1Saa ila ila wa kwajiganya wajisilile Isa, achisalaga, ni wane wakulungwa muchimwene mwa kwiunde? 2Isa wawilasile mwanache wambesile chilikati chao, wasasile, 3amin ngwasalila, pangagalauka kuwa mpela mwanache, ngamjinjila muchimwene mwa kwiunde. 4Wa kwalinonokea mpela mwanache aju, ni welewo wakulungwa muchimwene mwa kwiunde. 5Nombe nao wa kumkaribuchisya mwanache jumo mpela aju kwa lina liangu, ni uneji wa kung’karibuchisyao. 6Nombe nao wakumchimilisyao mwanache jumo juao wa kunyichitisyao, kungulu angatawilwe pa lukosyo liganga lia kusyajila, ni angajasilwe pasi petanda.
7Ole wa chilambo kwa ligongo lia kuchimwa! Tikuwe kuchimwa, nambo ole wao wandu wewala kuchimwa kuchitiokaga kwao! 8Naga mkono wenu ao lukongolo luenu timchimisye, umsichite, muujase kwa kutalika, kungulu mjinjile mujumi mchipungukaga lukongolo ao mkono, kupunda asiene mikono jiwili ni makongolo gawili gajaswe mmoto mwa milele. 9Naga liso lienu tilimchimisya, mlitupule, mlijase kwa kutalika, kungulu mjinjile mujumi asiene liso liangolola, na muno asiene meso gawili mkajaswa mjehannum mwa moto.
10Mlolechesya mkampata aju jumope jua mnandi, ligongo ngwasalila yati kwiunde masoka gao kuona mowa gose usio wa Atati wangu wali kwiunde. 11Ligongo Mwana wa Adam aiche walamye wasochelele. Kuona uli? 12Wandu angaliji ni ngondolo kalume, naga jimope jingajasiche, ngangaliwaleka makumi likumi kupungusya limo, agawile, mmatumbi ajisosye jijasiche? 13Ni achipataga kumbona, amin ngwasalila, tajinonyelele ni kupunda siesila makumi likumi kupungusya limo siangajasika. 14Yeleyo ngasalalika pa ujo pa Atati wenu wali kwiunde jimope ja wanache awa asiche.
15Naga anuna wenu amosecheye, mjende mwasalilila mweji ni welewo jikape, naga tampilikanile, mkwete anuna wenu; 16naga ngampilikana mjigale nomwe soni jumope ao wawili, kwa kang’wa ja mashahidi wawili, ao watatu, malowe gose gajimiche. 17Naga ngawakunda awa, mwasalile kanisa, pangakunda kanisa, mbone mpela mundu wa makosyo ni wali publikano. 18Amin ngwasalila, itimsachekuitawa mchilambo taitawilwe kwiunde; ni itimsachekugopola mchilambo taigopolwe kwiunde. 19Soni ngwasalila yati wawili wenu patasachekwilana mchilambo kwa lilowe litimsachekulijuga, litiwapanganichisywe ni Atati wangu wali kwiunde. 20Ligongo wawili ao watatu wakunganikako kwa lina liangu none ndili kweleko chilikati.
21Ajisile Petro wasalile, Ambuje, katema kalingwa mpwangwa juangu nasocheyaga, nimlechesye, mpika katema msano na kawili? 22Isa wasalile, ngamsalila mpika katema msano ni kawili, nambo mpika katema makumi msano na gawili katema msano na gawili.
23Kwa ligongo alili uchimwene wa kwiunde ulingene ni achimwene jumo wa tasache kwalanga ni achikapolo wao. 24Nawaga atandite kutola kuwalanga, wapelechelelwe jumo wa kwalonga nao talanta magana makumi likumi; 25ni pangapagwa chindu kwalipila, ambuje wao walajisye asumwe, welewo ni asono wao ni achawana wao, ni yosepe yali nayo, au ukopi ulipwe. 26Kapolo juejula wagwile, wajinichile, wasalile, ambuje, ndendele mbolembole, none tinamlipile pe. 27Ambuje wa kapolo juejula amtendele chanasa, agopwele, walechesye ukopi weula.
28Kapolo juejula atiosile wambwene mlongo gwakwe, jua kumlonga nao dinari kalume, amkamwile, wamkamwile lukosi luao, asasile, mdipile wamkulonga. 29Mlongo gwakwe amgwilile mmakongolo pakwe, amjujile amsalile, mdendele mbolembole, none tinamlipile pe. 30Akanile, ajawile amjasile kugereza mpika patalipepo ukopi. 31Alongwa wakwe achionaga malowe agaga, walisile mnope; wajawile watagulile ambuje wao malowe gatendeche gose. 32Ambuje wakwe wamwilasile, wasalile, mweji kapolo jua ngalumbana, nganimlechela ukopi weula wose pimwanyusile; 33nomwe nganimbajila kumtendela chanasa mlongo gwenu, mpela uneji pinamtendele chanasa mweji? 34Ambuje wakwe watumbile, wamtosile kwa achachanda, mpika tasachekulipapo ukopi wakwe wose.
35Yeleyo ni Atati wangu wa kwiunde tiwatendele mweji, naga ngamlechesya kwa mtima wandu wose achapwao kulema kwao.
Currently Selected:
Mattayo 18: YAO1880
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1880.
