Mattayo 17

1Ka nyuma ka mowa msano na limo Isa atosile Petro ni Yakob ni Yohana mpwao, ajisile nao pe nani petumbi pakulungwa jikape. 2Wagaluiche pa ujo pao, pa usio pao pamelemendile mpela liua, ni itakulo yao yaliji ya swera mpela kulanguka. 3Watiochelele Musa ni Eliya achisalaga nao. 4Petro wajanjile wasalile Isa, pa ukoto ambuje, apa tutame; nimsakaga, tutupanganye apa mabanda gatatu, limope lienu, limope lia Musa, ni limope lia Eliya. 5Pe waliji achisalaga, liunde lie swera liatajile mbulili, lilowe liatosile kwiunde, lichisalaga, Welewa ni wanangu, wakunonyela wangu, wa kunonyelesyao, mpilikanile. 6Ni wa kwajiganya achipilikanaga wagwile pausio; wajogwepe mnope. 7Isa wawandichile, wakwaiye, wasasile, mtioche, na muno mkajogopa. 8Wanyakwile meso gao, akambona mundu, nambo Isa jikape.

9Ni pe waliji achitulukaga mwetumbi, Isa alajisye, asasile, mkajimsalila mundu imwiwene, mpika Mwana wa Adam patajuuchepo mkuua.

10Wausisye wakwajiganya, achisalaga, kwa chichi soni wa kulemba akusala yati yawajile Eliya kwisa ku ndanda? 11Isa wajanjile wasalile, elo, Eliya kwisa ku ndanda, ni ajilanye siose; 12nambo ngwasalila Eliya amasile kwisa, nombe nao watesile iwasachile; yeleyo ni Mwana wa Adam talagwe nao. 13Wa kwajiganya amanyilile yati asalilile Yohana Mbatizaji.

14Pe waliji achajisililaga wandu wajinji waiche mundu jumo wamtindiwalile malungo wasalile, 15Ambuje, mdaje chanasa mwanangu, wali na masoka ni kulaga mnope, ligongo mowa ga majinji kupatuka pa moto ni mowa ga majinji mmesi. 16Najisile najo kwa wa kwajiganya wenu, akapakombola kwaposya. 17Isa wajanjile, wasasile, umwe kuweleka kwangawa ni imani ni kwa kusochelela, mpika chakachi tintame nomwe, mpika chakachi tinyigalilwe nomwe? Mjisile najo apa. 18Isa wapakanile mbepo, atiosile, mwanache aposile kutanda saa jejila.

19Wa kwajiganya wajisilile Isa kwa mtemela wasasile, kwa chichi uweji nganitukombola kumbinga? 20Isa wasalile, kwa ligongo lia kutoa kuamini kwenu, amin, ngwasalila, naga, mngaliji ni imani mpela mbeju ja kharadali, mchimsalilaga litumbi alili, mpite kutanda apa mpika kwekula, lingapite; ni ngapagwa lilowe liangalikombola. 21Nambo mpagwilo auu ngawingwa nambo kwa kujuga ni kwa kutawa.

22Pe wateme Mgalilaya, Isa wasalile, Mwana wa Adam akwaula kutolwa mmikono mwa wandu, 23nombe nao tambulaje ni liua lia tatu tajuje. Walilile mnope.

24Waliji aiche Kapernaum wewala wa kutolao fitiri wajisilile Petro wasasile, mjiganya wenu, ngalipa fitiri? 25Wasasile, elo. Ni pe wajinjile mnyumba, Isa walongolele, wasasile, mkuona uli Siman? Mwandu chi, achimwene wa chilombo kutola ashuru ni kodi? Mwaana mwao, ao mwachalendo? 26Petro wasalile, Achalendo. Isa wasalile, mbesi soni waana ngalipa. 27Nambo tukachimisya, jendani mwetanda, mkatumbuchisye chisopo, mtole somba jua tatioche ku ndanda, mchiunukulaga kang’wa jakwe, timsione ndalama, mtole mkaape kwa une nomwe.

Currently Selected:

Mattayo 17: YAO1880

Highlight

Copy